Infosys Q2 Results: ઇન્ફોસિસના નફામાં 6%નો ઉછાળો, રોકાણકારોને 26 રૂપિયાના ડિવિડન્ડની ભેટ, જાણો રેકોર્ડ ડેટ

Infosys Q2 Results: ભારતની દિગ્ગજ આઇટી કંપની ઇન્ફોસિસ લિમિટેડએ નાણાકીય વર્ષ 2026-27ના બીજા ક્વાર્ટર એટલે કે Q2 ના શાનદાર પરિણામો જાહેર કર્યા છે. કંપનીના નફા અને આવક બંનેમાં નોંધપાત્ર વધારો જોવા મળ્યો છે. ખાસ કરીને આર્ટિફિશિયલ ઇન્ટેલિજન્સ અને ઉર્જા ક્ષેત્રમાંથી મળેલી જંગી માંગે કંપનીના ગ્રોથને નવી ઊંચાઈ આપી છે.

ઇન્ફોસિસની કમાણી અને નફાના આંકડા

તાજેતરના ક્વાર્ટરમાં ઇન્ફોસિસનો ચોખ્ખો નફો વાર્ષિક ધોરણે 6 ટકા વધીને 7,823 કરોડ રૂપિયા પર પહોંચી ગયો છે. ગયા વર્ષે આ જ સમયગાળામાં કંપનીએ 7,364 કરોડ રૂપિયાનો નફો નોંધાવ્યો હતો. માત્ર નફો જ નહીં, પરંતુ કંપનીની ઓપરેશનલ આવકમાં પણ 11 ટકાનો મોટો ઉછાળો આવ્યો છે. Q2FY26 માં કંપનીની આવક 44,490 કરોડ રૂપિયા હતી, જે હવે Q2FY27 માં વધીને 49,244 કરોડ રૂપિયા થઈ ગઈ છે.

રોકાણકારો માટે ખુશખબર: 26 રૂપિયાનું ડિવિડન્ડ

રેકોર્ડ ડેટ (Record Date): 3 નવેમ્બર 2026

પેમેન્ટ ડેટ (Payout Date): 11 નવેમ્બર 2026

AI અને નવા પ્રોજેક્ટ્સની કમાલ: મેનેજમેન્ટનું નિવેદન

કંપનીના આ શાનદાર પ્રદર્શન પાછળ AI ટેક્નોલોજીનો બહુ મોટો ફાળો છે. ઇન્ફોસિસના CEO અને MD સલિલ પારેખે જણાવ્યું હતું કે, “અમને 5.2 અબજ ડોલરના મોટા પ્રોજેક્ટ્સ મળ્યા છે, જેમાં એક પ્રોજેક્ટ 2 અબજ ડોલરથી પણ વધુનો છે. આ દર્શાવે છે કે વૈશ્વિક માર્કેટમાં ક્લાયન્ટ્સ અમારા પર કેટલો ભરોસો કરે છે.”

તેમણે વધુમાં ઉમેર્યું કે, "કંપનીના કુલ રેવેન્યુમાં AI નો હિસ્સો 10.5 ટકા રહ્યો છે અને તેમાં ક્વાર્ટર-દર-ક્વાર્ટર 29 ટકાનો જોરદાર ગ્રોથ જોવા મળ્યો છે. અમે દુનિયાની કેટલીક સૌથી મોટી કંપનીઓને તેમની AI સ્ટ્રેટેજી અંગે માર્ગદર્શન આપી રહ્યા છીએ અને ટેકનોલોજીમાં મોટું રોકાણ ચાલુ રાખ્યું છે."

રેવેન્યુ ગાઈડન્સમાં કર્યો ફેરફાર

આ પરિણામો વચ્ચે કંપનીએ FY27 માટે પોતાના રેવેન્યુ ગ્રોથ ગાઈડન્સમાં થોડો ઘટાડો કર્યો છે. કંપનીએ કોન્સ્ટન્ટ કરન્સીના આધારે ગ્રોથનો અંદાજ 1.5-3 ટકાથી ઘટાડીને 1-2 ટકા કર્યો છે. જોકે, ઓપરેટિંગ માર્જિન ગાઈડન્સ અગાઉની જેમ જ યથાવત રાખવામાં આવ્યું છે.

તમને જણાવી દઈએ કે, અગાઉ જૂન ક્વાર્ટરમાં પણ કંપનીએ મેક્રોઇકોનોમિક અસ્થિરતા અને માર્કેટની ધીમી માંગને કારણે પોતાનું ગાઈડન્સ 1.5-3.5 ટકાથી ઘટાડીને 1.5-3 ટકા કર્યું હતું. હાલમાં ભારતીય આઇટી સેક્ટર ક્લાયન્ટ્સ દ્વારા સમજી-વિચારીને કરાતા ખર્ચ અને AI ની વધતી અસર જેવી અનેક નવી ચેલેન્જનો સામનો કરી રહ્યું છે.

આ પણ વાંચો-JSW Steel Q2 Result: વર્ષના આધાર પર નફો 3.26 ગણો વધીને 5,359 કરોડ રહ્યો, આવક 21% વધી

ડિસ્ક્લેમર:- Moneycontrol.com પર વ્યક્ત કરવામાં આવેલા મંતવ્યો નિષ્ણાતોના પોતાના અંગત મંતવ્યો છે. આ મંતવ્યો કે ભલામણો માટે વેબસાઇટ અથવા તેનું મેનેજમેન્ટ કોઈપણ રીતે જવાબદાર નથી. મનીકંટ્રોલ તેના યુઝર્સને આગ્રહ કરે છે કે કોઈપણ પ્રકારનો રોકાણનો નિર્ણય લેતા પહેલા પ્રમાણિત નાણાકીય નિષ્ણાતની સલાહ ચોક્કસથી લેવી.