ITC Q4 Results: નફામાં મોટો ઘટાડો છતાં શેરહોલ્ડર્સને મળશે 8 ડિવિડન્ડ, સિગારેટ બિઝનેસની આવક વધી

ITC Q4 Results : FMCG, સિગારેટ અને અન્ય બિઝનેસમાં કામ કરતી દિગ્ગજ કંપની ITC એ 21 મેના રોજ માર્ચ ક્વાર્ટરના પરિણામો જાહેર કર્યા છે. કંપનીના નફામાં આ વખતે મોટો ઘટાડો જોવા મળ્યો છે. માર્ચ ત્રિમાસિક ગાળામાં ITC નો પ્રોફિટ ઘટીને 5,113.36 કરોડ રહ્યો છે. ગયા વર્ષની સમાન અવધિમાં કંપનીનો નફો 19,562 કરોડ હતો.

કંપનીના નફામાં ઘટાડાનું મુખ્ય કારણ સિગારેટ બિઝનેસ પર વધુ ટેક્સનો પ્રભાવ અને ગયા વર્ષની તુલનામાં વન-ટાઈમ ગેઇન ન હોવું માનવામાં આવી રહ્યું છે. ગયા વર્ષની માર્ચ ત્રિમાસિક ગાળામાં ITC ને હોટેલ બિઝનેસના ડીમર્જરથી 15,179 કરોડનો વન-ટાઈમ ગેઇન મળ્યો હતો.

સિગારેટ બિઝનેસની આવકમાં વધારો

ITC ના સિગારેટ બિઝનેસની આવકમાં વધારો નોંધાયો છે. માર્ચ ક્વાર્ટરમાં સિગારેટ સેગમેન્ટમાંથી કંપનીને 11,066 કરોડની આવક થઈ છે. ગયા વર્ષની સમાન ત્રિમાસિક ગાળામાં આ આવક 8,400 કરોડ હતી. આવકમાં વધારો હોવા છતાં વધુ ટેક્સના કારણે નફા પર દબાણ જોવા મળ્યું છે. ITC માટે સિગારેટ બિઝનેસ હજુ પણ મુખ્ય કમાણી કરનાર સેગમેન્ટમાંથી એક છે.

ITC એ પોતાના શેરહોલ્ડર્સ માટે પ્રતિ શેર 8 ફાઈનલ ડિવિડેન્ડની જાહેરાત કરી છે. કંપનીએ જણાવ્યું છે કે ફાઈનલ ડિવિડેન્ડનું પેમેન્ટ 24 જુલાઈથી 29 જુલાઈ વચ્ચે કરવામાં આવશે.

ડિવિડેન્ડ અંગે મહત્વની વિગતો

ફાઈનલ ડિવિડેન્ડ: પ્રતિ શેર 8

અગાઉ જાહેર કરાયેલ ઇન્ટરિમ ડિવિડેન્ડ: પ્રતિ શેર 6.5

FY26 માટે કુલ ડિવિડેન્ડ: પ્રતિ શેર 14.50

ફાઈનલ ડિવિડેન્ડની રેકોર્ડ ડેટ: 27 મે

રેકોર્ડ ડેટના દિવસે જે રોકાણકારોના ડિમેટ એકાઉન્ટમાં ITC ના શેર હશે, તેઓ આ ડિવિડેન્ડ માટે પાત્ર રહેશે.

શેર પર પરિણામોની અસર ક્યારે દેખાશે?

ITC એ શેરબજાર બંધ થયા બાદ પરિણામો જાહેર કર્યા હતા. તેથી આ પરિણામોની સીધી અસર શેરમાં 22 મેના ટ્રેડિંગ સેશનમાં જોવા મળી શકે છે.

21 મેના રોજ ITC નો શેર હળવી તેજી સાથે 307.65 પર બંધ થયો હતો. જોકે, છેલ્લા એક વર્ષમાં ITC ના શેરે નબળું પ્રદર્શન કર્યું છે. આ સમયગાળા દરમિયાન શેરમાં લગભગ 29% નો ઘટાડો નોંધાયો છે. આ વર્ષે 30 માર્ચે શેરનો ભાવ ઘટીને 287.70 સુધી ગયો હતો.

બજારમાં પણ નબળો માહોલ

21 મેના ટ્રેડિંગ સેશનમાં નીફ્ટી અને સેન્સેક્સ બંનેમાં ઘટાડો જોવા મળ્યો હતો. આવા બજાર માહોલમાં ITC ના પરિણામો રોકાણકારો માટે મહત્વના બની રહ્યા છે. ખાસ કરીને હવે બજારની નજર એ પર રહેશે કે નફામાં ઘટાડા છતાં ડિવિડેન્ડ અને સિગારેટ બિઝનેસની આવકમાં વૃદ્ધિને રોકાણકારો કેવી રીતે લે છે.

આ પણ વાંચો-Closing Bell: દિવસના હાઈથી સેન્સેક્સમાં મોટો કડાકો, નિફ્ટી 23,650 આસપાસ બંધ; Grasim શેર 6% ઉછળ્યો