KPI Green Energyના શેરમાં જોરદાર તેજી, એક જ દિવસમાં 14% સુધીનો ઉછાળો

KPI Green Energy Share Price: સોલર એનર્જી ક્ષેત્રની કંપની KPI Green Energy Limitedના શેરમાં સોમવાર, 9 નવેમ્બરના રોજ જોરદાર તેજી જોવા મળી હતી. કંપનીના શેરનો ભાવ અગાઉના બંધ ભાવની સરખામણીએ 14 ટકા સુધી ઉછળ્યો હતો. BSE પર શેર ₹ 349.50 ની ઇન્ટ્રાડે હાઇ સપાટીએ પહોંચ્યો હતો. આ તેજી સાથે કંપનીનું માર્કેટ કેપિટલાઇઝેશન વધીને ₹6,700 કરોડને પાર થઈ ગયું છે.

કંપનીના બોર્ડ ઓફ ડિરેક્ટર્સની બેઠક 13 નવેમ્બરે મળવાની છે. આ બેઠકમાં જુલાઈ-સપ્ટેમ્બર 2026ના ક્વાર્ટર અને એપ્રિલ-સપ્ટેમ્બર 2026ના છમાસિક ગાળાનાં નાણાકીય પરિણામોને મંજૂરી આપવામાં આવશે. ત્યારબાદ કંપની પરિણામો જાહેર કરશે.

KPI Green Energyએ નાણાકીય વર્ષ 2027ના પ્રથમ ક્વાર્ટર એટલે કે એપ્રિલ-જૂન 2026માં મિશ્ર પરિણામો નોંધાવ્યાં હતાં. કંપનીનો નેટ પ્રોફિટ વાર્ષિક ધોરણે 14 ટકા ઘટીને ₹95 કરોડ રહ્યો હતો. ગયા વર્ષના સમાન ક્વાર્ટરમાં કંપનીનો નફો ₹111 કરોડ હતો. જોકે, કંપનીની આવકમાં વધારો જોવા મળી હતી. રેવન્યુ વાર્ષિક ધોરણે 16 ટકા વધીને ₹710 કરોડ થઈ હતી. જૂન 2025 ક્વાર્ટરમાં કંપનીની આવક ₹614 કરોડ હતી.

એક વર્ષમાં શેર 30% ઘટ્યો, 5 વર્ષમાં 1,400%થી વધુનું રિટર્ન

KPI Green Energyના શેરની ફેસ વેલ્યૂ ₹5 છે અને તે BSE 1000 ઇન્ડેક્સનો હિસ્સો છે. શેરના પ્રદર્શનની વાત કરીએ તો છેલ્લા એક વર્ષમાં તેમાં આશરે 30 ટકાનો ઘટાડો થયો છે. જોકે, લાંબા ગાળામાં શેરે રોકાણકારોને મજબૂત રિટર્ન આપ્યું છે. છેલ્લા પાંચ વર્ષમાં શેરની કિંમતમાં 1,400 ટકાથી વધુનો વધારો થયો છે. સપ્ટેમ્બર 2026ના અંત સુધીમાં કંપનીમાં પ્રમોટર્સની હિસ્સેદારી 49.40 ટકા હતી.

BSE પર શેરનો 52 સપ્તાહનો એડજસ્ટેડ હાઇ ₹515 અને એડજસ્ટેડ લો ₹270.95 રહ્યો છે. કંપનીએ સોલર અને હાઇબ્રિડ પ્રોજેક્ટ્સમાં નવી ક્ષમતા શરૂ કરી. KPI Green Energyએ તાજેતરમાં ગુજરાતના ભરૂચમાં પોતાના સોલર અને હાઇબ્રિડ પાવર પ્રોજેક્ટ્સ અંગે મહત્ત્વનું અપડેટ આપ્યું હતું. કંપનીએ તેના 250 MW/350 MWp સોલર પાવર પ્રોજેક્ટ (IPP) હેઠળ વધારાની 49.7 MWp ક્ષમતા શરૂ કરી છે. આ ઉપરાંત, 370 MW/677 MWp હાઇબ્રિડ પાવર પ્રોજેક્ટ (IPP) હેઠળ 121.8 MWp ક્ષમતા પણ કાર્યરત કરી છે.

આ અપડેટ બાદ પ્રોજેક્ટ્સની કુલ કાર્યરત ક્ષમતા નીચે મુજબ છે:

1. સોલર IPP પ્રોજેક્ટ

- કુલ પ્રોજેક્ટ ક્ષમતા: 350 MWp

- અત્યાર સુધી શરૂ થયેલી ક્ષમતા: 300.8 MWp

2. હાઇબ્રિડ IPP પ્રોજેક્ટ

- કુલ પ્રોજેક્ટ ક્ષમતા: 677 MWp

- અત્યાર સુધી શરૂ થયેલી ક્ષમતા: 510.7 MWp

- સોલર ક્ષમતા: 449.2 MWp

- વિન્ડ એટલે કે પવન ઊર્જા ક્ષમતા: 61.5 MW

કંપની આ પ્રોજેક્ટ્સને ગુજરાત ઊર્જા વિકાસ નિગમ લિમિટેડ (GUVNL) સાથે થયેલા લાંબા ગાળાના પાવર પરચેઝ એગ્રીમેન્ટ (PPA) હેઠળ ઇન્ડિપેન્ડન્ટ પાવર પ્રોડ્યુસર (IPP) તરીકે વિકસાવી રહી છે.

ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.

Gland Pharmaના શેરે બનાવ્યો 52 સપ્તાહનો નવો હાઇ, જાણો કયા કારણોસર આવ્યો ઉછાળો