Market Outlook 2026: જાણીતા એસ્ટ્રોલોજર ચિરાગ દારૂવાલાની ભવિષ્યવાણી, 2026માં કયા સેક્ટર અને રાશિઓ થશે માલામાલ? જાણો બજારની ચાલ

Market Outlook 2026: વર્ષ 2025 હવે તેના અંતિમ તબક્કામાં છે અને આપણે નવા વર્ષના સ્વાગત માટે સજ્જ છીએ. શેરબજારના દ્રષ્ટિકોણથી જોઈએ તો, 2025નું વર્ષ રોકાણકારો માટે ખાસ્સું ઉથલ-પાથલ ભરેલું રહ્યું. રશિયા-યુક્રેન યુદ્ધ, ગ્લોબલ અનિશ્ચિતતા, ટેરિફના પ્રશ્નો અને FIIs દ્વારા સતત વેચવાલીને કારણે ઇક્વિટી માર્કેટમાં જે તેજી દેખાવી જોઈતી હતી તે જોવા મળી નથી. ભલે નિફ્ટી હાલ તેના ઓલ ટાઈમ હાઈની નજીક છે, પરંતુ રિટેલ રોકાણકારોના પોર્ટફોલિયોમાં તે રિટર્ન દેખાતું નથી.

આવી સ્થિતિમાં સૌના મનમાં સવાલ છે કે ગ્રહ-ગોચરના હિસાબે આવનારું વર્ષ 2026 ઇક્વિટી માર્કેટ માટે કેવું રહેશે? શું ગ્રહોની ચાલ બજારમાં તેજી લાવશે? આ અંગે સેલિબ્રિટી એસ્ટ્રોલોજર ચિરાગ દારૂવાલાએ 2026 માટે ખાસ અનુમાન લગાવ્યું છે.

2026 પર નક્ષત્રો અને ગ્રહોનો પ્રભાવ

ચિરાગ દારૂવાલાના જણાવ્યા અનુસાર, 2026નું વર્ષ શેરબજાર માટે ખૂબ જ પોઝિટિવ રહેવાની ધારણા છે. જ્યોતિષ શાસ્ત્ર મુજબ આ વર્ષ 'સૂર્ય'નું વર્ષ રહેવાનું છે. જેનો સીધો ફાયદો ભારતીય અર્થવ્યવસ્થાને થશે અને ઈકોનોમીના ગ્રોથની રફ્તાર વધશે. ખાસ કરીને FY26ના બીજા છ મહિનાથી (Second Half) કંપનીઓના પરિણામોમાં સુધારો થવાની આશા છે. આ સમયગાળા દરમિયાન ઘરેલુ રોકાણકારો (Domestic Investors) તરફથી બજારને મજબૂત સપોર્ટ મળતો રહેશે.

જો તમે 2026માં ક્યાં રોકાણ કરવું તે અંગે વિચારી રહ્યા હોવ, તો ચિરાગ દારૂવાલાએ અમુક ખાસ સેક્ટર્સ અને થીમ પર ભાર મૂક્યો છે, જે સારું પ્રદર્શન કરી શકે છે:

ટેકનોલોજી અને ઈનોવેશન: 2026માં AI (આર્ટિફિશિયલ ઈન્ટેલિજન્સ) અને ઓટોમેશન થીમ ખૂબ જ સારું કામ કરશે.

એનર્જી: રિન્યુએબલ એનર્જી (Renewable Energy) સેક્ટરમાં સારી તેજી જોવા મળી શકે છે.

હેલ્થ અને ફાઈનાન્સ: હેલ્થકેર એન્ડ બાયોટેક તેમજ ઈ-કોમર્સ, ફિનટેક અને ડિજિટલ બેન્કિંગ ક્ષેત્રે સારી કમાણીની તકો છે.

મેન્યુફેક્ચરિંગ અને ઈન્ફ્રા: ઈલેક્ટ્રોનિક્સ, સેમિકન્ડક્ટર મેન્યુફેક્ચરિંગ, ઈલેક્ટ્રિક વ્હીકલ (EV), ઈન્ફ્રાસ્ટ્રક્ચર અને કન્સ્ટ્રક્શન સેક્ટરના શેરોમાં પણ સારી મૂવમેન્ટ જોવા મળી શકે છે.

આ 5 રાશિઓ માટે 2026 રહેશે લકી

માત્ર સેક્ટર જ નહીં, ચિરાગ દારૂવાલાએ રાશિઓ વિશે પણ મહત્વની વાત કરી છે. તેમના મતે 2026નું વર્ષ નીચે મુજબની રાશિઓ માટે રોકાણની દ્રષ્ટિએ સારું રહેવાનું છે:

* સિંહ (Leo)

* કન્યા (Virgo)

* મકર (Capricorn)

* કુંભ (Aquarius)

* મીન (Pisces)

આ રાશિના જાતકોને 2026માં બજારમાંથી સારો લાભ મળવાની શક્યતાઓ છે.

આ પણ વાંચો- Stock Market Closing Today: IT અને ફાઇનાન્શિયલ શેરો તૂટતા સેન્સેક્સ-નિફ્ટીમાં ગાબડું, જાણો આજના ટોપ ગેઈનર અને લૂઝર શેર્સ

ડિસ્ક્લેમર: (આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)