Market outlook: ઘરેલૂ બજાર ઘટાડાની સાથે બંધ, જાણો બુધવારે કેવી રહેશે માર્કેટની ચાલ

Market outlook: નિફ્ટી એક્સપાયરી દિવસે બજારમાં અસ્થિરતા જોવા મળી. સેન્સેક્સ અને નિફ્ટી નીચા સ્તરે બંધ થયા. બેંકિંગ શેરોમાં વધારો જોવા મળ્યો. નિફ્ટી બેંક ઉપર બંધ થયો. મિડકેપ અને સ્મોલકેપ શેરોમાં દબાણ રહ્યુ. પીએસયુ બેંક, મેટલ અને ઓટો ઈન્ડેક્સો ઉપર બંધ થયા. એફએમસીજી, રિયલ્ટી અને આઇટી શેરોમાં દબાણ દેખાયુ. સેન્સેક્સ 58 પોઇન્ટ ઘટીને 82,102 પર બંધ થયો. દરમિયાન, નિફ્ટી 33 પોઇન્ટ ઘટીને 25,170 પર બંધ થયો. બેંક નિફ્ટી 225 પોઇન્ટ વધીને 55,510 પર બંધ થયો. મિડકેપ ઇન્ડેક્સ 203 પોઇન્ટ ઘટીને 58,497 પર બંધ થયો. સેન્સેક્સના 30 માંથી 16 શેરોમાં વેચાણ જોવા મળ્યું. નિફ્ટીના 50 માંથી 21 શેરોમાં વેચાણ જોવા મળ્યું. બેંક નિફ્ટીના 12 માંથી 9 શેરોમાં ખરીદી જોવા મળી.

બજાર નિષ્ણાતોનું કહેવુ છે કે ટ્રેડર્સો સાપ્તાહિક ડેરિવેટિવ્ઝ એક્સપાયરી પહેલા તેમની સ્થિતિ ગોઠવી રહ્યા છે, જે બજારને અસ્થિર રાખશે. જિયોજિત ફાઇનાન્શિયલ સર્વિસીસના આનંદ જેમ્સે જણાવ્યું કે નિફ્ટી માટે 25,200-25,000 ની રેન્જમાં રહેવું ખૂબ જ મહત્વપૂર્ણ રહેશે. બેંકિંગ અને ઓટો શેરોમાં ખરીદી IT અને FMCG શેરોમાં નબળાઈના દબાણને ઘટાડવામાં મદદ કરી શકે છે.

જિયોજીતના વીકે વિજયકુમારનું કહેવુ છે કે વિદેશી રોકાણકારોએ હાલમાં પોતાનું ધ્યાન અન્ય બજારો તરફ વાળ્યું છે. ભારત અને અન્ય બજારો વચ્ચેના મૂલ્યાંકન તફાવતને કારણે વિદેશી સંસ્થાકીય રોકાણકારોને ભારતને બદલે અન્ય બજારોમાં રોકાણ કરવાની અને તેમાંથી નફો મેળવવાની તક મળી છે. ભારતીય કોર્પોરેટ કમાણીમાં સુધારો થવા લાગશે ત્યારે પરિસ્થિતિ બદલાશે. તહેવારોની મોસમ સાથે કોર્પોરેટ કમાણીમાં સુધારો થવાના સંકેતો અપેક્ષિત છે. ઓટોમોબાઈલ બુકિંગમાં તીવ્ર વધારો થવાના અહેવાલો પહેલાથી જ મળી ચૂક્યા છે.

LKP સિક્યોરિટીઝના ટેકનિકલ વિશ્લેષક વત્સલ ભુવાએ જણાવ્યું કે મંગળવારે નિફ્ટીએ તેના 20-દિવસના EMA ની નજીક સપોર્ટ મેળવ્યો હતો અને તેના 10-દિવસના EMA ની નજીક બંધ થયો હતો. જ્યાં સુધી નિફ્ટી તેના 50-દિવસના EMA એટલે કે 24,900 થી ઉપર રહેશે ત્યાં સુધી બજારનું સેન્ટિમેન્ટ સકારાત્મક રહેશે. જોકે, 25,300-25,400 ઝોનમાં નોંધપાત્ર કોલ રાઇટિંગ જોવા મળ્યું છે. સતત ખરીદી બાદ, અહીં એક હેંગિંગ મેન કેન્ડલસ્ટિક રચાઈ છે, જે ટૂંકા ગાળાના કોન્સોલિડેશનનો સંકેત આપે છે. નજીકના ગાળામાં, નિફ્ટી 25,100-25,400 ની રેન્જમાં રહેવાની ધારણા છે. ઇન્ડેક્સ 25,100 પર મુખ્ય સપોર્ટ અને 25,400 પર પ્રતિકાર ધરાવે છે.

ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.

આજે ઑટો અને ઑટો એંસિલરી શેરો પર ધ્યાન, ICICI SEC બતાવે છે કમાણી વાળા શેર