Monsoon Stocks: વર્ષ 1901 પછી આ વખતનો જૂન મહિનો પાંચમો સૌથી ગરમ મહિનો રહ્યો. એટલું જ નહીં, છેલ્લા 17 વર્ષમાં જૂન મહિનામાં સૌથી ઓછો વરસાદ નોંધાયો હતો. પરંતુ હવે જુલાઈમાં મેઘરાજાએ જબરદસ્ત વાપસી કરી છે. દેશના મોટાભાગના વિસ્તારોમાં ધોધમાર વરસાદ પડી રહ્યો છે. આ વરસાદની સીધી અસર માત્ર ખેતરોમાં જ નહીં, પરંતુ શેરબજાર પર પણ જોવા મળી રહી છે અને માર્કેટમાં લીલાલહેર છવાઈ ગઈ છે.
Monsoon Stocks: સૂકા જૂન પછી જુલાઈમાં મેઘમહેર, આ 3 સેક્ટરના શેરો કરાવશે પૈસાનો વરસાદ
ભારતમાં મેઘરાજાની શાનદાર એન્ટ્રીથી શેરબજારમાં પણ લીલાલહેર જોવા મળી રહી છે. જાણો સારા વરસાદથી એગ્રીકલ્ચર, ઓટો અને FMCG સેક્ટરના કયા શેરોમાં બમ્પર કમાણી થઈ શકે છે.
અપડેટેડ 12:35:42 PM Jul 06, 2026 પર
સારા ચોમાસાનો સીધો સંબંધ ગામડાઓની આવક સાથે છે. ખેડૂતોની કમાણી વધે એટલે ગ્રામીણ વિસ્તારોમાં ટ્રેક્ટર, ટુ-વ્હીલર અને એન્ટ્રી લેવલની કારનું વેચાણ ઝડપથી વધે છે. ઓટો સેક્ટરની કંપનીઓ માટે આ સમય સૌથી સારો હોય છે.
ચોમાસું સારું રહે તો ખેડૂતો, વેપારીઓ અને કોર્પોરેટ જગતની સાથે સાથે શેરબજારના રોકાણકારોના ચહેરા પણ ખીલી ઉઠે છે. આજે આપણે એવા સેક્ટર વિશે જાણીશું, જેમાં સારા વરસાદને કારણે સીઝનલ કમાણી કરવાની શાનદાર તક રહેલી છે. નોંધનીય છે કે, દેશનો 70% વરસાદ આ ચોમાસાની સિઝનમાં જ પડે છે, તેથી અર્થતંત્ર માટે આ સમયગાળો ખૂબ જ મહત્વનો છે.
શું કહે છે હવામાન વિભાગનો ડેટા?
ભારતીય હવામાન વિભાગની તાજેતરની સેટેલાઇટ તસવીરો દર્શાવે છે કે પશ્ચિમ, મધ્ય અને પૂર્વ ભારતમાં ગાઢ વાદળો છવાયા છે, જે ચોમાસું સક્રિય હોવાનો સ્પષ્ટ સંકેત છે. IMD ના આંકડા મુજબ 4 જૂનથી 5 જુલાઈ વચ્ચે વરસાદની અછત જે એક અઠવાડિયા પહેલા 45% હતી, તે હવે ઝડપથી ઘટીને માત્ર 28% રહી ગઈ છે.
સારા વરસાદને કારણે નીચે મુજબના સેક્ટરમાં પૈસાનો વરસાદ થવાની પૂરી શક્યતા છે.
એગ્રીકલ્ચર અને એગ્રોકેમિકલ શેર્સ
જ્યારે વરસાદ સારો થાય છે, ત્યારે ખેતીના કામકાજમાં તેજી આવે છે. આનાથી ખાતર અને બિયારણ બનાવતી કંપનીઓને સીધો ફાયદો થાય છે અને તેમના શેરોમાં ઉછાળો આવે છે.
કયા શેરો પર નજર રાખવી? ખાતર અને એગ્રોકેમિકલ સેક્ટરમાં પારાદીપ ફોસ્ફેટ, કોરોમંડલ ઇન્ટરનેશનલ , યુપીએલ અને રેલિસ ઇન્ડિયા જેવા શેરો ફાયદો કરાવી શકે છે. જ્યારે બિયારણ માટે કાવેરી સીડના શેર પર પોઝિટિવ અસર જોવા મળી શકે છે.
ઓટો શેર્સ
સારા ચોમાસાનો સીધો સંબંધ ગામડાઓની આવક સાથે છે. ખેડૂતોની કમાણી વધે એટલે ગ્રામીણ વિસ્તારોમાં ટ્રેક્ટર, ટુ-વ્હીલર અને એન્ટ્રી લેવલની કારનું વેચાણ ઝડપથી વધે છે. ઓટો સેક્ટરની કંપનીઓ માટે આ સમય સૌથી સારો હોય છે.
કયા શેરો પર નજર રાખવી?
આ સેક્ટરમાં રોકાણકારો હીરો મોટોકોર્પ, બજાજ ઓટો, મારુતિ, એસ્કોર્ટ્સ કુબોટા અને આઇશર મોટર્સ જેવા શેરોને પોતાના પોર્ટફોલિયોમાં સામેલ કરવાનું વિચારી શકે છે.
FMCG શેર્સ
ગામડાઓમાં લોકોના હાથમાં પૈસા આવે એટલે તેમની ખરીદશક્તિ વધે છે. ઘરમાં વપરાતી રોજિંદી ચીજવસ્તુઓ (જેવી કે સાબુ, શેમ્પૂ, બિસ્કિટ વગેરે) ની ખપત વધી જાય છે, જેનો સીધો લાભ FMCG કંપનીઓને મળે છે.
કયા શેરો પર નજર રાખવી?
એફએમસીજી સેક્ટરમાં હિન્દુસ્તાન યુનિલિવર લિમિટેડ, મેરિકો અને ડાબર ઇન્ડિયા જેવા મજબૂત શેરો પર ફોકસ કરી શકાય છે.
ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
