ફૂડ ડિલિવરી માર્કેટમાં છેડાઈ નવી જંગ: રેપિડોની ધમાકેદાર એન્ટ્રીથી સ્વિગી અને ઝોમેટોમાંથી કોને થશે સૌથી મોટું નુકસાન?

ભારતના ફૂડ ડિલિવરી સેક્ટરમાં અત્યાર સુધી સ્વિગી અને ઝોમેટોનું જ એકહથ્થુ શાસન ચાલતું હતું, પરંતુ હવે આ માર્કેટમાં એક મોટો ભૂકંપ આવ્યો છે. જાણીતી બાઈક-ટેક્સી કંપની રેપિડોએ ફૂડ ડિલિવરી સ્પેસમાં ધમાકેદાર એન્ટ્રી કરી છે. રેપિડોનું વિશાળ રાઈડર નેટવર્ક અને તેમનું 'ઝીરો કમિશન મોડલ' આખી ગેમ બદલી નાખવાની તાકાત ધરાવે છે. ચાલો સમજીએ કે આ નવી સ્પર્ધાથી માર્કેટમાં શું ફેરફાર આવશે.

રેપિડોનું બ્રહ્માસ્ત્ર: 'Ownly' એપ અને 0% કમિશન મોડલ

રેપિડોએ ફૂડ ડિલિવરી માટે "Ownly"નામથી પોતાની સેવા શરૂ કરી છે. આ એપનો મુખ્ય ટાર્ગેટ એવા ગ્રાહકો છે જેઓ ઓછા બજેટમાં ફૂડ ઓર્ડર કરવા માંગે છે. સૌથી મોટી ગેમ ચેન્જર વાત એ છે કે રેપિડો રેસ્ટોરન્ટ્સ પાસેથી 0% કમિશન લેશે. જ્યારે બીજી તરફ સ્વિગી અને ઝોમેટો જેવી કંપનીઓ રેસ્ટોરન્ટ્સ પાસેથી 16 થી 30 ટકા સુધીનું તગડું કમિશન વસૂલે છે. રેપિડો પાસે પહેલેથી જ બાઈક-ટેક્સી ડ્રાઈવરોનું ખૂબ મોટું નેટવર્ક હોવાથી તેમને ડિલિવરી ખર્ચ ઘટાડવામાં મોટી મદદ મળશે.

શાનદાર રિસ્પોન્સ: માત્ર 3 મહિનામાં લાખો ડાઉનલોડ્સ

સ્વિગી માટે આ સૌથી મોટો ખતરો કેમ છે?

બજારના જાણકારો માની રહ્યા છે કે રેપિડોની આ એન્ટ્રીથી ઝોમેટો કરતા સ્વિગીને વધુ નુકસાન વેઠવું પડી શકે છે. તેનું એક મોટું કારણ એ છે કે બ્રોકરેજ હાઉસ સ્વિગીના 'Instamart' બિઝનેસને અત્યારે 0 વેલ્યુએશન આપી રહ્યા છે. આ ઉપરાંત, સ્વિગીએ બજેટ ગ્રાહકો માટે 'Toing' એપ ઉતારી છે, જેનો સીધો સામનો હવે રેપિડોની 'Ownly' સાથે થશે.

શેરબજાર પર નજર: સ્વિગી અને ઈટર્નલના શેરમાં શું ચાલી રહ્યું છે?

માર્કેટની આ નવી સ્પર્ધા વચ્ચે કંપનીઓના શેરના પર્ફોર્મન્સ પર પણ સીધી અસર જોવા મળી રહી છે:

ઈટર્નલ શેરની સ્થિતિ

આ શેર 1.51 ટકા (3.90 રૂપિયા) ના ઘટાડા સાથે 255 રૂપિયાની આસપાસ ટ્રેડ કરી રહ્યો હતો. દિવસ દરમિયાન તેનો હાઈ 260.95 રૂપિયા અને લો 253.80 રૂપિયા રહ્યો છે. છેલ્લા 1 મહિનામાં આ શેરમાં 5.81 ટકા અને 3 મહિનામાં 7.61 ટકાની તેજી આવી છે. જોકે આ વર્ષે અત્યાર સુધીમાં તેણે 9 ટકા જેટલું નેગેટિવ રિટર્ન આપ્યું છે.

સ્વિગી શેરની સ્થિતિ

સ્વિગીનું પર્ફોર્મન્સ સતત નબળું રહ્યું છે. તેનો શેર 2.68 ટકા (6.70 રૂપિયા) તૂટીને 243 રૂપિયા પર કારોબાર કરી રહ્યો હતો. છેલ્લા એક જ અઠવાડિયામાં શેરમાં 6.19 ટકાનો ઘટાડો આવ્યો છે. લાંબા ગાળાની વાત કરીએ તો, આ વર્ષે અત્યાર સુધીમાં સ્વિગીના શેરમાં 37.02 ટકાનું મોટું ગાબડું પડ્યું છે અને 1 વર્ષમાં રોકાણકારોને 37.96 ટકા જેટલું મોટું નેગેટિવ રિટર્ન મળ્યું છે.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.

આ પણ વાંચો-Tata Motors CV Share: ટાટાના આ શેરમાં આવી તોફાની તેજી, બ્રોકરેજ ફર્મોએ આપ્યો 527 રૂપિયાનો મોટો ટાર્ગેટ