Closing Bell: નિફ્ટી 24250ની પાર બંધ, IT અને ફાર્મા શેરોની ચમકથી સેન્સેક્સ 261 પોઈન્ટ ઉછળ્યો

Closing Bell: ભારતીય શેરબજારમાં રોકાણકારો માટે સકારાત્મક માહોલ જોવા મળી રહ્યો છે. બજાર સતત ત્રીજા દિવસે લીલા નિશાનમાં બંધ થવામાં સફળ રહ્યું છે. ખાસ કરીને આઈટી, ફાર્મા અને રિયલ્ટી સેક્ટરના શેરોમાં આવેલી શાનદાર ખરીદીના કારણે બજારને મોટો સપોર્ટ મળ્યો છે.

આજના બજારના ક્લોઝિંગ આંકડા

કારોબારી સત્રના અંતે નિફ્ટી 95.15 પોઈન્ટ એટલે કે 0.39 ટકાના ઉછાળા સાથે 24,270.85 ના સ્તર પર બંધ થયો છે. બીજી તરફ, સેન્સેક્સ પણ 261.79 પોઈન્ટ (0.34 ટકા) ના વધારા સાથે 77,763.91 ના આંક પર સેટલ થયો છે.

ગ્લોબલ માર્કેટની બજાર પર અસર

કયા સેક્ટરમાં થઈ કમાણી અને ક્યાં થયું નુકસાન?

આજના ટ્રેડિંગ સેશનમાં અલગ-અલગ સેક્ટરમાં મિશ્ર પ્રતિસાદ જોવા મળ્યો હતો.

સૌથી વધુ વધનારા સેક્ટર

રોકાણકારોએ સૌથી વધુ રિયલ્ટી સેક્ટરમાં કમાણી કરી છે. નિફ્ટી રિયલ્ટી 2 ટકાના ઉછાળા સાથે ટોપ પર રહ્યો. આ ઉપરાંત, નિફ્ટી IT માં 1.83 ટકા, નિફ્ટી ફાર્મામાં 1.69 ટકા અને નિફ્ટી મેટલમાં 0.77 ટકાનો વધારો નોંધાયો છે. આ સાથે જ નિફ્ટી ઈન્ફ્રા, FMCG અને ઓઈલ એન્ડ ગેસ સેક્ટરમાં પણ સામાન્ય તેજી જોવા મળી હતી.

સૌથી વધુ ઘટનારા સેક્ટર

વેચવાલીના દબાણને કારણે નિફ્ટી PSU બેન્કમાં સૌથી વધુ 1.46 ટકાનો ઘટાડો નોંધાયો છે. આ ઉપરાંત નિફ્ટી એનર્જીમાં 1.30 ટકા, ઓટો સેક્ટરમાં 0.39 ટકા, મીડિયામાં 0.29 ટકા, કન્ઝ્યુમર ડ્યુરેબલ્સમાં 0.29 ટકા અને નિફ્ટી બેન્કમાં 0.15 ટકાનું નુકસાન જોવા મળ્યું હતું.

આ પણ વાંચો-શેરબજારમાં મોટી તેજીના સંકેત: આગામી 6-8 અઠવાડિયામાં નિફ્ટી 25500ને પાર કરશે, જાણો માર્કેટ એક્સપર્ટની ખાસ સલાહ