ભારતીય શેરબજારમાં આજે આઈટી સેક્ટરમાં મોટો ભૂકંપ જોવા મળ્યો છે. આઈટી કંપનીઓના નબળા ત્રિમાસિક પરિણામોની સીધી અસર શેરો પર પડી છે, જેના કારણે Nifty IT ઇન્ડેક્સ 5% જેટલો ક્રેશ થઈ ગયો છે. ખાસ કરીને HCL Tech ના નબળા પ્રદર્શને સમગ્ર સેક્ટરનું સેન્ટિમેન્ટ બગાડ્યું છે.
Nifty IT ઇન્ડેક્સ 5% તૂટ્યો: HCL Tech 11% ઘટ્યો, જાણો અન્ય શેર્સની શું છે હાલત
આઈટી કંપનીઓના નબળા પરિણામોને કારણે Nifty IT ઇન્ડેક્સ 5% તૂટ્યો છે. HCL Tech ના શેરમાં 11% નો કડાકો બોલાયો છે, જ્યારે ટેક મહિન્દ્રાએ ડિવિડન્ડની જાહેરાત કરી છે. જાણો વિગતવાર અહેવાલ.
અપડેટેડ 02:40:32 PM Apr 22, 2026 પર
Bank Nifty: બેન્ક નિફ્ટીમાં 0.17% નો મામૂલી ઘટાડો હતો, જ્યારે મિડકેપ ઇન્ડેક્સ ગ્રીન ઝોનમાં જોવા મળ્યો હતો.
HCL Tech ના રોકાણકારોને મોટો ફટકો
22 એપ્રિલના રોજ આઈટી શેરોમાં સૌથી વધુ નુકસાન HCL Tech માં જોવા મળ્યું છે, જેના શેર 10.98% જેટલા તૂટ્યા છે. કંપનીએ 21 એપ્રિલે માર્ચ ક્વાર્ટરના પરિણામો જાહેર કર્યા હતા, જે બજારની અપેક્ષા કરતા નબળા રહ્યા હતા. કંપનીનો પ્રોફિટ 4,488 કરોડ રૂપિયા રહ્યો છે, જ્યારે એનાલિસ્ટ્સને 4,657 કરોડ રૂપિયાના નફાની આશા હતી.
Tech Mahindra એ કરી ડિવિડન્ડની જાહેરાત
ટેક મહિન્દ્રા માટે આજનો દિવસ મિશ્ર રહ્યો હતો. પરિણામો પહેલા શેર 6.23% ઘટીને 1,407 રૂપિયા પર આવી ગયો હતો, પરંતુ પરિણામો જાહેર થયા બાદ તેમાં થોડી રિકવરી જોવા મળી હતી. કંપનીએ તેના રોકાણકારો માટે 36 રૂપિયા પ્રતિ શેર ફાઈનલ ડિવિડન્ડની જાહેરાત કરી છે. કંપનીનો માર્ચ ક્વાર્ટરનો નફો 1,354 કરોડ રૂપિયા અને આવક 15,076 કરોડ રૂપિયા રહી છે.
બીજા કયા IT શેરોમાં ગાબડું પડ્યું?
આઈટી ઇન્ડેક્સમાં આવેલા કડાકાની ઝપેટમાં લગભગ તમામ મોટી કંપનીઓ આવી ગઈ છે.
Persistent Systems: નબળા પરિણામોને કારણે શેરમાં 5.16% નો ઘટાડો નોંધાયો છે.
Coforge: કંપનીના શેર 5.79% તૂટીને 1,218 રૂપિયા પર પહોંચ્યા છે.
LTIMindtree: આ શેરમાં પણ 4% ની નબળાઈ જોવા મળી છે.
TCS & Infosys: ટીસીએસનો શેર 4% નીચે ટ્રેડ કરી રહ્યો હતો, જ્યારે ઇન્ફોસિસમાં 4.23% નો ઘટાડો જોવા મળ્યો છે. નોંધનીય છે કે ઇન્ફોસિસ તેના પરિણામો 23 એપ્રિલે જાહેર કરવાની છે.
સમગ્ર બજાર પર દબાણ
આઈટી શેરોમાં વેચવાલીને કારણે સેન્સેક્સ અને નિફ્ટી પર પણ ભારે દબાણ જોવા મળ્યું હતું. બપોરે 2 વાગ્યાની સ્થિતિ પ્રમાણે જોઈએ તો,,,
Nifty 50: 147 પોઈન્ટ (0.60%) ઘટીને 24,427 પર ટ્રેડ કરી રહ્યો હતો.
Sensex: 595 પોઈન્ટ (0.75%) ના ઘટાડા સાથે 78,666 પર આવી ગયો હતો.
Bank Nifty: બેન્ક નિફ્ટીમાં 0.17% નો મામૂલી ઘટાડો હતો, જ્યારે મિડકેપ ઇન્ડેક્સ ગ્રીન ઝોનમાં જોવા મળ્યો હતો.
અગાઉ 21 એપ્રિલે અમેરિકા અને ઈરાન વચ્ચે વાતચીત શરૂ થવાની આશાએ બજાર વધ્યું હતું, પરંતુ આઈટી કંપનીઓના ખરાબ દેખાવે ફરી એકવાર રોકાણકારોની ચિંતા વધારી દીધી છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
