FPIની વેચવાલી ઓછી થશે ત્યારે જ નિફ્ટી સેન્સેક્સમાં તેજી આવશે: દિપન મહેતા

દિપન મહેતાનું કહેવુ છે કે આ વર્ષ બજાર માટે ઘણું સારું રહ્યું છે. અમુક મહિના સુધી બજાર સાઈડવેઝ રહેશે. વૈશ્વિક બજારમાં તેજી આવે ત્યારે ભારતીય લાર્જકેપ પણ વધશે. વિદેશીઓ ઉતાવળમાં વેચતા અને ખરીદતા હોય છે. સ્થાનિક રોકાણકારો સારા ભાવે ખરીદવામાં આવે છે.

દિપન મહેતાના મતે લાંબાગાળે ભારતના બજાર વૈશ્વિક બજારથી ડીકપલ થયા છે. FPIની વેચવાલી ઓછી થશે ત્યારે જ નિફ્ટી સેન્સેક્સમાં તેજી આવશે. રાજ્યોના ચૂંટણીના પરિણામ વિપરિત આવશે તો બજાર ઘટી શકે છે. ભારતીય બજારમાં રોકાણ માટે ઘણી વૈવિધ્યતા છે. ભારતમાં વિવિધ સેક્ટરમાં રોકાણની તકો મળી જશે.

દિપન મહેતાના મુજબ બેન્ક, ઓટોમોબાઈલ અને ફાર્માના પરિણામ ઘણાં સારા આવ્યા છે. આ સેક્ટરમાં અત્યારે તેજી જોવા મળી છે. સિમેન્ટમાં પરિણામ બાદ તેજી આવી છે. બેન્કોના NBFCsના વેલ્યુએશન સસ્તા, પરિણામ સારા છે. બેન્કોમાં ઓવર ઓનરશીપની સમસ્યા છે. BFSI માં ન્યુટ્રલ થઈ જવું જોઈએ. પોર્ટફોલિયો સારી વૈવિધ્યતા ધરાવતો હોવો જોઈએ.

દિપન મહેતાનું માનવું છે કે IT કંપનીઓમાં હાલમાં રોકાણ કરવાનો સમય નથી. મિડકેપ ITના વેલ્યુએશન હજુ પણ વધારે છે. હેલ્થકેર સેક્ટરમાં રોકાણ કરી શકાય છે. ટ્રાવેલ અને ટુરિઝમ સેક્ટરમાં પણ રોકાણ કરી શકાય છે. ઓટો આવનારા સમયમાં માર્કેટ પર્ફોર્મર બની શકે છે.