NSE Share Price: શેર ઘટીને IPO Priceની નજીક, હવે ખરીદવું, રાખવું કે રાહ જોવી?

NSE Shares Under Pressure: નેશનલ સ્ટૉક એક્સચેંજ એટલે કે NSEના શેરમાં લિસ્ટિંગના બીજા દિવસે શુક્રવારે દબાણ જોવા મળ્યું હતું. 25 સપ્ટેમ્બરે શેર એક સમયે લગભગ 1.5% ઘટીને ₹1,790.10ની ઇન્ટ્રાડે લો સપાટીએ પહોંચ્યો હતો. ત્યારબાદ શેરમાં થોડો સુધારો જોવા મળ્યો અને સવારે 11 વાગ્યાની આસપાસ તે લગભગ ₹1,806.60 પર ટ્રેડ થઈ રહ્યો હતો.

એનએસઈના શેરનો આઈપીઓ ઈશ્યૂ પ્રાઈઝ ₹1,785 હતો. શેર 24 સપ્ટેમ્બરે BSE પર ₹1,800ના ભાવે લિસ્ટ થયો હતો, એટલે કે IPO Price કરતાં માત્ર 0.84%ના પ્રીમિયમ પર લિસ્ટિંગ થઈ હતી. લિસ્ટિંગના દિવસે શેરે ₹1,878ની ઇન્ટ્રાડે હાઈ બનાવી હતી અને અંતે ₹1,818 પર બંધ થયો હતો.

24 સપ્ટેમ્બરે લિસ્ટિંગના દિવસે NSEનો શેર લગભગ 1.85% વધીને ₹1,818 પર બંધ થયો હતો. જોકે, બીજા દિવસે શેરમાં પ્રોફિટ બુકિંગ જોવા મળ્યું અને તે ફરી IPO ઈશ્યૂ પ્રાઈઝની નજીક આવી ગયો. એનએસઈના શેર હાલમાં BSE પર ટ્રેડ થઈ રહ્યા છે. એક્સચેન્જના પોતાના શેરને પોતાના જ પ્લેટફોર્મ પર લિસ્ટ કરવાની મંજૂરી નથી, તેથી NSEના શેર BSE પર લિસ્ટ થયા છે.

બ્રોકરેજ હાઉસનો NSE શેર પર શું અભિપ્રાય?

શેરમાં લિસ્ટિંગ બાદ નરમાઈ જોવા મળી હોવા છતાં, અનેક બ્રોકરેજ હાઉસે NSEના શેર પર સકારાત્મક રેટિંગ અને IPO Price કરતાં ઊંચા ટાર્ગેટ આપ્યા છે.

PL Capital: બ્રોકરેજે NSE પર 'Accumulate' રેટિંગ સાથે કવરેજ શરૂ કર્યું છે અને ₹1,950નો ટાર્ગેટ પ્રાઇસ આપ્યો છે. આ ટાર્ગેટ IPO Price ₹1,785 કરતાં લગભગ 9.2% ઉપર છે.

Macquarie: વિદેશી બ્રોકરેજે NSE પર 'Outperform' રેટિંગ સાથે કવરેજ શરૂ કર્યું છે અને ₹1,965નો ટાર્ગેટ આપ્યો છે. Macquarieએ NSEને તેની મજબૂત માર્કેટ શેર, ટેક્નોલોજી ઇન્ફ્રાસ્ટ્રક્ચર, વિવિધ પ્રોડક્ટ્સ અને ઊંડી લિક્વિડિટીને કારણે 'The Dominator' ગણાવ્યું છે.

Emkay Global Financial: બ્રોકરેજે NSE પર 'Buy' રેટિંગ સાથે ₹2,050નો સપ્ટેમ્બર 2027નો ટાર્ગેટ આપ્યો છે. આ IPO Priceની સરખામણીમાં લગભગ 15%ના સંભવિત અપસાઇડને દર્શાવે છે. Emkay અનુસાર ભારતના કેપિટલ માર્કેટના વિકાસ, NSEની મજબૂત માર્કેટ પોઝિશન અને તેની પ્રોફિટેબિલિટી કંપની માટે મહત્વપૂર્ણ ગ્રોથ ફેક્ટર્સ છે.

NSEની માર્કેટમાં મજબૂત પકડ

NSE ભારતનું સૌથી મોટું સ્ટોક એક્સચેન્જ છે અને ટ્રેડિંગ વોલ્યુમની દૃષ્ટિએ BSE કરતાં ઘણું આગળ છે. PL Capital અનુસાર, YTD FY27માં NSEનો કેશ માર્કેટમાં હિસ્સો 93%થી વધુ અને સ્ટોક તથા ઇન્ડેક્સ ફ્યુચર્સમાં લગભગ 100% હતો. જોકે, ઇન્ડેક્સ ઓપ્શન્સમાં તેનો હિસ્સો અગાઉની સરખામણીમાં ઘટ્યો છે.

બ્રોકરેજના મતે, ભારતના કેપિટલ માર્કેટમાં વધતી ભાગીદારી અને ઘરેલુ બચતનું ફાઇનાન્શિયલાઇઝેશન NSE માટે લાંબા ગાળે મહત્વપૂર્ણ તકો ઊભી કરી શકે છે.

રોકાણકારોએ શું ધ્યાનમાં રાખવું?

NSEના શેરમાં લિસ્ટિંગના બીજા દિવસે ઘટાડો જોવા મળ્યો હોવા છતાં, બ્રોકરેજ હાઉસના ટાર્ગેટ IPO Price કરતાં ઉપર છે. જોકે, લિસ્ટિંગ બાદના શરૂઆતના દિવસોમાં શેરમાં વોલેટિલિટી રહેવાની શક્યતા છે.

રોકાણકારોએ બ્રોકરેજના ટાર્ગેટને નિશ્ચિત રિટર્નની ગેરંટી તરીકે નહીં, પરંતુ સંબંધિત બ્રોકરેજના અંદાજ તરીકે જોવો જોઈએ. NSEના શેરમાં રોકાણ અંગે નિર્ણય લેતા કંપનીની વેલ્યુએશન, રેગ્યુલેટરી ફેરફારો, ડેરિવેટિવ્સ ટ્રેડિંગ વોલ્યુમ અને આગામી નાણાકીય પરિણામો જેવા પરિબળો પર પણ ધ્યાન આપવું મહત્વપૂર્ણ રહેશે.

ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.

Meesho સ્ટોકમાં 5%થી વધુનો કડાકો, નોમુરાએ 28% સુધીના ઘટાડાની શક્યતા વ્યક્ત કરી