Stocks to Watch: શેરબજારના રોકાણકારો અને ટ્રેડર્સ માટે આજનો દિવસ ખૂબ જ એક્શનથી ભરપૂર રહેવાનો છે. આજે નિફ્ટી (Nifty) ના ડેરિવેટિવ્ઝ કોન્ટ્રાક્ટની મંથલી એક્સપાયરી છે, જેના કારણે માર્કેટમાં ભારે ઉથલપાથલ જોવા મળી શકે છે.
Stocks to Watch: Niftyની મંથલી એક્સપાયરીના દિવસે RVNL, Paytm અને BEL સહિત આ શેરો પર રહેશે નજર, જાણો માર્કેટ અપડેટ
આજે નિફ્ટીની મંથલી એક્સપાયરીના દિવસે શેરબજારમાં ભારે ઉથલપાથલ જોવા મળી શકે છે. RVNL, Paytm, BEL અને Trident સહિતના શેરો પર રોકાણકારોની ખાસ નજર રહેશે. જાણો આજના લેટેસ્ટ માર્કેટ અપડેટ્સ.
અપડેટેડ 09:08:17 AM May 26, 2026 પર
આજે ગિફ્ટ નિફ્ટી (Gift Nifty) પણ 0.37% ના ઘટાડા સાથે ટ્રેડ કરી રહ્યો છે, જે ભારતીય બજારો માટે નબળી શરૂઆતના સંકેત આપે છે.
ગ્લોબલ માર્કેટની વાત કરીએ તો, અમેરિકા અને ઈરાન વચ્ચે વધેલા તણાવને કારણે કાચા તેલના ભાવમાં ભડકો થયો છે, જેની નકારાત્મક અસર એશિયન બજારો પર પડી છે. આજે ગિફ્ટ નિફ્ટી (Gift Nifty) પણ 0.37% ના ઘટાડા સાથે ટ્રેડ કરી રહ્યો છે, જે ભારતીય બજારો માટે નબળી શરૂઆતના સંકેત આપે છે. અગાઉના ટ્રેડિંગ સેશનમાં (25 મેના રોજ) સેન્સેક્સ 1073.61 પોઈન્ટના ઉછાળા સાથે 76,488.96 અને નિફ્ટી 50 ઈન્ડેક્સ 312.40 પોઈન્ટ વધીને 24,031.70 ના સ્તર પર બંધ થયો હતો.
ચાલો જાણીએ આજે કયા શેરો અને કંપનીઓ ફોકસમાં રહેશે
આજે આ કંપનીઓના પરિણામ આવશે
આજે કેટલીક મોટી કંપનીઓ પોતાના ત્રિમાસિક પરિણામો જાહેર કરવાની છે. જેમાં ONGC, સિમેન્સ (Siemens), બ્રેનબીઝ સોલ્યુશન્સ (Firstcry), એસ્ટ્રાઝેનેકા ફાર્મા, કેરારો ઈન્ડિયા, EIH, ફિનોલેક્સ ઈન્ડસ્ટ્રીઝ, ગુજરાત ફ્લોરોકેમિકલ્સ, ગાંધાર ઓઈલ રિફાઈનરી, જનરલ ઈન્શ્યોરન્સ કોર્પોરેશન, IRCTC, જેકે ટાયર, સેન્કો ગોલ્ડ અને પ્રોક્ટર એન્ડ ગેમ્બલ હેલ્થનો સમાવેશ થાય છે.
માર્ચ 2026 ક્વાર્ટરના જાહેર થયેલા પરિણામોની હાઈલાઈટ્સ
RVNL (રેલ વિકાસ નિગમ): કંપનીનો નફો 58.9% ઘટીને 187.1 કરોડ રહ્યો છે, જોકે આવક 4.2% વધીને 6,695.9 કરોડ થઈ છે.
Amara Raja Energy: નફામાં 94.5% નો મોટો ઉછાળો નોંધાયો છે (નફો 314.3 કરોડ). આવક પણ 15.5% વધીને 3,535.8 કરોડ પર પહોંચી છે.
Pine Labs: કંપની ખોટમાંથી નફામાં આવી છે. 28.9 કરોડની ખોટ સામે 59.4 કરોડનો નફો નોંધાયો છે.
Aditya Birla Fashion: કંપનીની ખોટ 16.87 કરોડથી વધીને 148.4 કરોડ થઈ છે, પરંતુ આવક 15.7% વધીને 1,990.1 કરોડ નોંધાઈ છે.
Hitachi Energy: કંપનીનો નફો 79.7% ઉછળીને 330.5 કરોડ થયો છે.
Concor: નફો 12.4% ઘટીને 262.7 કરોડ નોંધાયો છે.
આ શેરોમાં જોવા મળશે મોટી હલચલ
Bharat Electronics (BEL): કંપનીને 5 મેથી અત્યાર સુધીમાં 608 કરોડના વધારાના નવા ઓર્ડર મળ્યા છે, જેથી શેરમાં તેજી દેખાઈ શકે છે.
One 97 Communications (Paytm): પેટીએમની સબસિડિયરી કંપની PCTL ના બોર્ડે પેટીએમ યુરોપ પેમેન્ટ્સ SA માં 90 લાખ યુરોના વધારાના રોકાણને મંજૂરી આપી દીધી છે.
Trident: કંપનીના ચીફ ફાઇનાન્શિયલ ઓફિસર (CFO) અવનીશ બરુઆએ રાજીનામું આપ્યું છે. તેઓ 29 મે સુધી પદ પર રહેશે.
JSW Energy: કંપનીએ QIP દ્વારા 525 પ્રતિ શેરના ભાવે 4,000 કરોડનું ફંડ એકઠું કર્યું છે. જેમાં SBI મ્યુચ્યુઅલ ફંડ અને GQG પાર્ટનર્સે મોટું રોકાણ કર્યું છે.
NLC India: દેશમાં ન્યુક્લિયર પાવર પ્રોજેક્ટ સ્થાપવા માટે કંપનીએ NPCIL સાથે એક મહત્વના MoU પર હસ્તાક્ષર કર્યા છે.
Raymond: કંપનીના બોર્ડે પ્રમોટર જેકે ઇન્વેસ્ટર્સને 497 ના ભાવે વોરંટ ઈશ્યુ કરીને 330.88 કરોડ ઉભા કરવા મંજૂરી આપી છે.
બ્લોક ડીલ અને અન્ય માર્કેટ અપડેટ્સ
Premier Energies: પ્રમોટર્સે 955 પ્રતિ શેરના ભાવે 5.29% હિસ્સો (2.39 કરોડ શેર) વેચ્યો છે. ક્વોન્ટ મ્યુચ્યુઅલ ફંડ અને HDFC MF સહિતના દિગ્ગજ રોકાણકારોએ આ શેર ખરીદ્યા છે.
Global Health: HDFC મ્યુચ્યુઅલ ફંડે 1,225 ના ભાવે 10 લાખ શેર (0.37% હિસ્સો) ખરીદ્યા છે.
નવી લિસ્ટિંગ: આજે NSE SME પ્લેટફોર્મ પર 'ટીમટેક ફોર્મવર્ક સોલ્યુશન્સ' નું લિસ્ટિંગ થશે.
F&O બેન: આજે SAIL નો શેર F&O બેન લિસ્ટમાં સામેલ છે, જ્યારે Kaynes Technology ઇન્ડિયા બેન લિસ્ટમાંથી બહાર થઈ ગઈ છે.
ડિસ્ક્લેમર: (આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
