PNB Housing Finance: પરિણામો આવતા જ શેરમાં 8%નો તોફાની ઉછાળો, જાણો એક્સપર્ટ્સની સલાહ અને ટાર્ગેટ પ્રાઈસ

PNB Housing Finance: શેરબજારમાં આજે PNB Housing Finance નો શેર 'રોકેટ' ગતિએ આગળ વધી રહ્યો છે. 21 એપ્રિલના રોજ કંપનીના શેરમાં અંદાજે 8% થી વધુની તેજી જોવા મળી હતી. આ તેજી પાછળનું મુખ્ય કારણ માર્ચ ક્વાર્ટરના શાનદાર પરિણામો છે. કંપનીના મેનેજમેન્ટની ભવિષ્યની રણનીતિ અને નવા CEO ના નેતૃત્વમાં થયેલા કામકાજથી રોકાણકારો અને મોટા બ્રોકરેજ હાઉસિસ ઘણા પ્રભાવિત થયા છે.

માર્ચ ક્વાર્ટરમાં કેવું રહ્યું પ્રદર્શન?

PNB હાઉસિંગ ફાયનાન્સે માર્ચ ક્વાર્ટરમાં દરેક મોરચે શાનદાર દેખાવ કર્યો છે. વાર્ષિક ધોરણે કંપનીની લોન બુકમાં 15% અને રિટેલ એસેટ્સમાં 16% નો મજબૂત વધારો થયો છે. કંપનીના નફામાં 19% નો વધારો નોંધાયો છે. સૌથી મહત્વની વાત એ છે કે કંપનીના ગ્રોસ NPA (GNPA) અને નેટ NPA (NNPA) માં સુધારો થયો છે, જેનાથી કંપનીની ક્રેડિટ પ્રોફાઇલ વધુ મજબૂત બની છે.

લોન વિતરણમાં વાર્ષિક ધોરણે 32% અને ત્રિમાસિક ધોરણે 45% નો મોટો ઉછાળો જોવા મળ્યો છે.

કંપનીના મેનેજમેન્ટે નાણાકીય વર્ષ 2027 માટે ખૂબ જ સકારાત્મક અંદાજ રજૂ કર્યો છે. મેનેજમેન્ટના જણાવ્યા અનુસાર, આગામી સમયમાં રિટેલ લોન ગ્રોથ 18% થી 20% ની વચ્ચે રહી શકે છે. આ સાથે જ કંપનીની લોન બુક 1 લાખ કરોડ રૂપિયાને પાર કરી જવાની શક્યતા છે. હાલમાં કંપનીની કેપિટલ પોઝિશન 27% ની આસપાસ છે જે મજબૂત ગણાય.

બ્રોકરેજ હાઉસ અને ટાર્ગેટ પ્રાઈસ

દિગ્ગજ બ્રોકરેજ ફર્મ Morgan Stanley એ આ સ્ટોક પર પોતાનું 'Overweight' રેટિંગ જાળવી રાખ્યું છે અને શેર માટે 1,160 રૂપિયા નો લક્ષ્યાંક આપ્યો છે. તે જ સમયે, Motilal Oswal નું માનવું છે કે કંપનીની કમાણી અપેક્ષા કરતા સારી રહી છે અને ત્રિમાસિક ગાળામાં કંપનીનું પ્રદર્શન પ્રભાવશાળી રહ્યું છે.

શેરની વર્તમાન સ્થિતિ

આજે બપોરે 1 વાગ્યાની આસપાસ PNB હાઉસિંગનો શેર 8.08% ના ઉછાળા સાથે 980 રૂપિયા પર ટ્રેડ કરી રહ્યો હતો. છેલ્લા એક મહિનામાં આ શેરે તેના રોકાણકારોને 31% જેટલું વળતર આપ્યું છે. જણાવી દઈએ કે આ એક હાઉસિંગ ફાયનાન્સ કંપની છે જેમાં PNB બેન્કનો મોટો હિસ્સો છે.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.

આ પણ વાંચો-Banking Stocks : બેન્કિંગ શેરોમાં તોફાની તેજી, ICICI અને HDFC બેન્કના દમ પર શેરબજારમાં ભારે ઉછાળો