Renewable Energy શેરમાં તેજીની શક્યતા, એનાલિસ્ટે આપ્યું ખરીદારીની સલાહ

જો તમે રિન્યુએબલ એનર્જી સેક્ટરમાં રોકાણ માટે કોઈ શેર પર નજર રાખી રહ્યા છો, તો જુનિપર ગ્રીન એનર્જી ચર્ચામાં છે. 25 સપ્ટેમ્બરે કંપનીના શેરમાં સારી તેજી જોવા મળી હતી. એક સમયે શેર લગભગ 3% વધ્યો હતો અને અંતે 2.50% વધીને ₹264.15 પર બંધ થયો હતો.

આ તેજી પાછળ બ્રોકરેજ ફર્મ જેએમ ફાઈનાન્શિયલનો રિપોર્ટ મુખ્ય કારણ રહ્યો. બ્રોકરેજે જુનિપર ગ્રીન એનર્જીને કવર કરવાનું શરૂ કર્યું છે અને શેર પર ‘Buy’ રેટિંગ આપી છે. સાથે જ ₹371નું ટાર્ગેટ પ્રાઈઝ આપ્યું છે. આ ટાર્ગેટ વર્તમાન ભાવની સરખામણીમાં આશરે 40%ના સંભવિત ઉછાળા તરફ ઈશારો કરે છે.

જેએમ ફાઈનાન્શિયલ અનુસાર જુનિપર ગ્રીન એનર્જી દેશની અગ્રણી રેન્યુએબલ એનર્જી ઈન્ડિપેન્ડન્ટ પાવર પ્રોડક્ટ્સ (RE IPP)માંથી એક છે. કંપનીનું ફોકસ સોલાર, વાઈન્ડ, હાયબ્રિડ, FDRE અને BESS જેવા પ્રોજેક્ટ્સના ડેવલપમેન્ટ, કન્સ્ટ્રક્શન અને ઓપરેશન પર છે. કંપનીનો હાલનો ઓપરેશનલ પોર્ટફોલિયો 2 GW છે, જ્યારે તેનો કુલ પોર્ટફોલિયો 8.4 GWનો છે.

ટોપ 10 રિન્યુએબલ એનર્જી આઈપીપીમાં સામેલ

જુનિપર ગ્રીન એનર્જી દેશની ટોચની 10 RE IPP કંપનીઓમાં સામેલ છે. હાલમાં કંપનીના આશરે 2.7 GWના પ્રોજેક્ટ્સ પર કામ ચાલી રહ્યું છે. જેએમ ફાઈનાન્શિયલનું માનવું છે કે દેશમાં આગામી વર્ષોમાં પાવરની માંગમાં વધારો થવાનો છે, જેનો લાભ જુનિપર ગ્રીન એનર્જીને મળી શકે છે. બ્રોકરેજ અનુસાર FY32 સુધી પિક પાવર ડિમાન્ડમાં 6-7% CAGR ગ્રોથ જોવા મળી શકે છે. આ સાથે પિક ડિમાન્ડ હાલના 271 GWથી વધીને છ વર્ષમાં લગભગ 388 GW સુધી પહોંચી શકે છે.

પ્રોફેશનલ મેનેજમેન્ટનો ફાયદો

જેએમ ફાઈનાન્શિયલ અનુસાર જુનિપર ગ્રીન એનર્જીને પ્રોફેશનલ મેનેજમેન્ટનો સપોર્ટ મળ્યો છે. મેનેજમેન્ટને રિન્યૂએબલ એનર્જી વેલ્યૂ ચેનમાં સારો અનુભવ હોવાનું બ્રોકરેજે જણાવ્યું છે.

કંપનીની આવક FY22માં ₹1.7 અબજથી વધીને FY26માં ₹7 અબજ થઈ ગઈ છે. આ દરમિયાન EBITDA ₹1.5 અબજથી વધીને ₹6 અબજ, જ્યારે Profit After Tax ₹0.3 અબજથી વધીને ₹0.4 અબજ થયો છે. કંપનીનું EBITDA Margin લગભગ 84% છે.

FY29 સુધી મજબૂત ગ્રોથની અપેક્ષા

જેએમ ફાઈનાન્શિયલના અનુમાન મુજબ FY26થી FY29 દરમિયાન જુનિપર ગ્રીન એનર્જીની રેવેન્યૂ CAGR 101%, EBITDA CAGR 104% અને Profit After Tax CAGR 208% રહી શકે છે. જોકે, બ્રોકરેજે કંપની સાથે જોડાયેલા કેટલાક જોખમો પણ દર્શાવ્યા છે. તેમાં રેગ્યુલેટરી, એક્ઝિક્યુશન, કોમોડિટી, ગ્રિડ અને કર્ટેલમેન્ટ રિસક્સનો સમાવેશ થાય છે.

ઓગસ્ટમાં શેરનું લિસ્ટિંગ થયું હતું

જુનિપર ગ્રીન એનર્જીનો IPO ઓગસ્ટમાં આવ્યો હતો અને કંપનીના શેર 6 ઓગસ્ટે આશરે 9% પ્રીમિયમ સાથે લિસ્ટ થયા હતા. લિસ્ટિંગ બાદ શેરમાં ખાસ તેજી જોવા મળી નહોતી. જોકે, 25 સપ્ટેમ્બરે જેએમ ફાઈનાન્શિયલની ખરીદારી રેટિંગ અને ₹371ના લક્ષ્યાંક પ્રાઈઝ બાદ શેરમાં તેજી જોવા મળી હતી.

કોલ ઈન્ડિયા કંપનીના શેર પર જેફરીઝનો વિશ્વાસ, તેજીની શક્યતા વચ્ચે રોકાણની સલાહ