Rupee Crash: રૂપિયો 94ની નજીક પહોંચ્યો! આ મહિને 17% તૂટ્યો, ક્રૂડ 114 ડોલર નજીક – ક્યાં સુધી ચાલશે આ કડાકો?

Rupee Crash: ભારતીય રૂપિયો ડોલર સામે સંભળવાનું નામ લેતો નથી. શુક્રવારે રૂપિયો 93.98 પર બંધ થયો, જે અત્યાર સુધીનું સૌથી નીચું સ્તર છે. ખાસ વાત એ છે કે ટ્રેડિંગ દરમિયાન રૂપિયો પહેલીવાર 94ને પાર કરી ગયો હતો. પશ્ચિમ એશિયામાં ચાલી રહેલા US-ઈરાન યુદ્ધ, ક્રુડ ઓઈલના આસમાને પહોંચેલા ભાવ અને FIIની સતત વેચવાલીએ રૂપિયાને ધરાશાયી કરી નાખ્યો છે.

આ મહિને 17% ની ભારે ગિરાવટ

રૂપિયામાં આ મહિને અત્યાર સુધીમાં 17% નો ઘટાડો નોંધાયો છે, જે જાન્યુઆરી 2025 પછીના કોઈપણ એક મહિનામાં સૌથી મોટી ગિરાવટ છે. 2026 માં અત્યાર સુધીમાં રૂપિયામાં કુલ 4.4% ની ગિરાવટ આવી ચૂકી છે. ઈરાન યુદ્ધ શરૂ થયા પછીથી રૂપિયો 3.17% તૂટ્યો છે.

રૂપિયો કેમ તૂટી રહ્યો છે?

ટ્રમ્પના ઈરાન પર હુમલા તીવ્ર કરવાના નિવેદન થી ક્રૂડ ઓઈલના ભાવ ઉછળ્યા

સ્ટ્રેટ ઓફ હોર્મુઝ બંધ થઈ ગયો, જેનાથી ઓઈલ સપ્લાય ચેઈન ખોરવાઈ

બ્રેન્ટ ક્રૂડ $114 પ્રતિ બેરલ ની નજીક પહોંચ્યું

FPI, ઈમ્પોર્ટર્સ અને ટ્રેડર્સ તરફથી ડોલરની ભારે ડિમાન્ડ

FII (વિદેશી રોકાણકારો) સતત ભારતમાંથી નાણાં ઉપાડી રહ્યા છે

સિટી ના અંદાજ મુજબ FY26 માં બેલેન્સ ઓફ પેમેન્ટ ડેફિસિટ $50 બિલિયન થઈ શકે છે

માત્ર રૂપિયો જ નહીં, તમામ એશિયન કરન્સી તૂટી

આ ગિરાવટ માત્ર ભારતીય રૂપિયા પૂરતી મર્યાદિત નથી. તમામ એશિયન કરન્સીમાં ઘટાડો જોવા મળ્યો છે. ખાસ કરીને ફિલિપાઈન્સ પેસો, તાઈવાન ડોલર અને થાઈ બાત – આ ત્રણેય કરન્સી રૂપિયા કરતાં પણ વધુ તૂટી છે. વૈશ્વિક અનિશ્ચિતતા અને ડોલરની મજબૂતાઈને કારણે ઈમર્જિંગ માર્કેટ કરન્સીઓ પર ભારે દબાણ છે.

બોન્ડ યીલ્ડમાં તીવ્ર ઉછાળો – મોંઘવારીનો ડર

બોન્ડ માર્કેટમાં પણ ચિંતાના સંકેતો દેખાઈ રહ્યા છે. ભારતની 10 વર્ષની બોન્ડ યીલ્ડ 6.82% થી વધીને 6.7% પર પહોંચી છે, અમેરિકાની 10 વર્ષની યીલ્ડ પણ 4.4% પર પહોંચી ગઈ છે. બજારમાં હવે મોંઘવારીમાં તીવ્ર ઉછાળ આવવાનો ડર વધી રહ્યો છે. ક્રૂડ ઓઈલના ઊંચા ભાવ લાંબા સમય સુધી ટકશે તો ભારતમાં ફુગાવો વધશે, જેની સીધી અસર RBI ના વ્યાજદર નિર્ણયો પર પડી શકે છે.

એક્સપર્ટ્સ શું કહે છે?

મિરાઈ એસેટ શેરખાનના અનુજ ચૌધરી કહે છે કે, "શુક્રવારે રૂપિયો અત્યાર સુધીના સૌથી નીચા સ્તર પર પહોંચ્યો અને પહેલીવાર 94ને પાર કરી ગયો. પશ્ચિમ એશિયામાં વધતા જિયોપોલિટિકલ તણાવ, ક્રૂડ ઓઈલના ઊંચા ભાવ અને FII ના બહાર જવાથી રૂપિયા પર ભારે દબાણ છે." તેમણે ઉમેર્યું, "રૂપિયો નેગેટિવ ટ્રેન્ડ સાથે ટ્રેડ કરશે. જોકે, RBI ના સમયાંતરે દખલ આપવાથી નીચલા સ્તરો પર સપોર્ટ મળી શકે છે."

USD-INR સ્પૉટ કિંમત 93.60-94.40 ની રેન્જમાં ટ્રેડ થવાની તેમની અપેક્ષા છે.

LKP સિક્યોરિટીઝના જતીન ત્રિવેદીના મતે, "પશ્ચિમ એશિયામાં વધતા તણાવને કારણે રૂપિયો 0.37% ની ગિરાવટ સાથે 93.95 ની નીચે તીવ્ર રીતે નબળો પડ્યો. ભારત નેટ ઓઈલ ઈમ્પોર્ટર છે, એટલે ક્રૂડના ઊંચા ભાવથી ઈમ્પોર્ટ બિલ વધી રહ્યું છે અને આઉટફ્લો પણ વધ્યો છે." તેમણે ચેતવણી આપી, "ક્રૂડ ઓઈલનું સ્તર ઊંચું રહેશે તો મોંઘવારી વધશે, ગ્રોથના અંદાજો પર ખરાબ અસર પડશે અને રૂપિયા પર વધુ દબાણ આવશે. જ્યાં સુધી જિયોપોલિટિકલ તણાવ અને એનર્જીના ભાવ ઊંચા રહેશે, કરન્સીની નબળાઈ ચાલુ રહેશે."

નજીકના ભવિષ્યમાં રૂપિયો 93.25-94.25 ની નબળી રેન્જમાં ટ્રેડ થવાની તેમની અપેક્ષા છે. જ્યાં સુધી કોઈ ખાસ ડી-એસ્કેલેશન ન થાય ત્યાં સુધી સેન્ટિમેન્ટ નેગેટિવ રહેશે.

ડોલર ઈન્ડેક્સ અને ક્રૂડ ઓઈલની સ્થિતિ

ડોલર ઈન્ડેક્સ (જે 6 કરન્સી સામે ડોલરની મજબૂતાઈ માપે છે) 0.14% વધીને 99.78 પર ટ્રેડ કરી રહ્યો હતો. બ્રેન્ટ ક્રૂડ ફ્યુચર્સ ટ્રેડમાં 1.11% ઘટીને $113.4 પ્રતિ બેરલ પર ટ્રેડ કરી રહ્યો હતો, પણ એકંદરે ભાવ ખૂબ ઊંચા છે

ભારત પર શું અસર પડશે?

ભારત દુનિયાનો ત્રીજો સૌથી મોટો ઓઈલ ઈમ્પોર્ટર દેશ છે. ક્રૂડ ઓઈલના ભાવ $114 ની નજીક પહોંચવાથી ભારતનું ઈમ્પોર્ટ બિલ ભારે વધશે. રૂપિયાની નબળાઈ આ ભાર વધુ વકરાવશે. પરિણામે પેટ્રોલ-ડીઝલના ભાવ વધી શકે છે. મોંઘવારી વધવાની શક્યતા રહેશે. સાથે ચાલુ ખાતાની ખાધ (CAD) વધશે. અને RBIને વ્યાજદર ઘટાડવામાં મુશ્કેલી પડી શકે છે.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.

આ પણ વાંચો-Market outlook : ભારે ઘટાડા સાથે બજાર બંધ, જાણો 24 માર્ચે કેવી રહેશે માર્કેટની ચાલ