SBIના QIPને ધમાકેદાર ડિમાન્ડ: 25,000 કરોડના સાઇઝ સામે 75,000 કરોડની માંગ!

SBI QIP : સ્ટેટ બેન્ક ઓફ ઇન્ડિયા (SBI)ના લેટેસ્ટ QIPને રોકાણકારો તરફથી ધમાકેદાર પ્રતિસાદ મળ્યો છે. આ QIP બુધવારે લોન્ચ થયો હતો અને તેના 25,000 કરોડ રૂપિયાના સાઇઝની સામે 75,000 કરોડ રૂપિયાની ડિમાન્ડ આવી છે, એટલે કે ત્રણ ગણી માંગ! આ QIPનું ફ્લોર પ્રાઇસ 811 રૂપિયા પ્રતિ શેર નક્કી કરવામાં આવ્યું છે, જે હાલના શેરના ભાવથી 2.5 ટકા ઓછું છે.

મોટા ડોમેસ્ટિક અને હેજ ફંડ્સનો ઉત્સાહ

આ QIPમાં ડોમેસ્ટિક અને હેજ ફંડ્સ તરફથી ભારે રસ જોવા મળ્યો છે. સૂત્રોના જણાવ્યા પ્રમાણે, LICએ 7,000 કરોડ રૂપિયા, Quant MFએ 3,000 કરોડ રૂપિયા, HDFC પેન્શન ફંડે 2,000 કરોડ રૂપિયા, ICICI પ્રુએ 1,500 કરોડ રૂપિયા, Birla MFએ 1,500 કરોડ રૂપિયા અને Motilal Oswalએ 1,500 કરોડ રૂપિયાની ડિમાન્ડ નોંધાવી છે.

FII તરફથી પણ શાનદાર રિસ્પોન્સ

SBI સ્ટોકની ચાલ

SBIના શેરની વાત કરીએ તો, હાલમાં NSE પર આ શેર 4.70 રૂપિયા એટલે કે 0.57 ટકાના વધારા સાથે 837 રૂપિયાની આસપાસ ટ્રેડ થઈ રહ્યો છે. આજનો દિવસનો હાઈ 842.50 રૂપિયા રહ્યો છે. છેલ્લા એક સપ્તાહમાં આ શેરમાં 3.48 ટકાની તેજી જોવા મળી છે, જ્યારે એક મહિનામાં 5.57 ટકાનો વધારો થયો છે. ત્રણ મહિનામાં આ શેર 4.95 ટકા ઉછળ્યો છે, અને આ વર્ષે જાન્યુઆરીથી અત્યાર સુધી 5.29 ટકાની તેજી નોંધાઈ છે. જોકે, એક વર્ષમાં આ શેરે 4.92 ટકાનું નેગેટિવ રિટર્ન આપ્યું છે. લાંબા ગાળે જોતાં, છેલ્લા ત્રણ વર્ષમાં SBIના શેરે 74 ટકાથી વધુ રિટર્ન આપ્યું છે.

આ પણ વાંચો- Mutual Fund IPO Investment: જૂનમાં મ્યુચ્યુઅલ ફંડ્સે 5 IPOમાં રોક્યા રુપિયા 2688 કરોડ, 3થી રહ્યા દૂર

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.