Closing Bell: સેન્સેક્સ 1540 પોઈન્ટ તૂટ્યો, નિફ્ટીમાં ગાબડું, જાણો ડોનાલ્ડ ટ્રમ્પના કયા નિવેદનથી માર્કેટ ક્રેશ થયું?

Closing Bell: શેરબજારમાં આજે ચારેબાજુ વેચવાલીનો માહોલ જોવા મળ્યો અને રોકાણકારોના અબજો રૂપિયા સ્વાહા થઈ ગયા. નિફ્ટીની વીકલી એક્સપાયરીના દિવસે જ બજારમાં મોટો કડાકો બોલાયો છે. ગ્લોબલ માર્કેટના નકારાત્મક સંકેતો અને મિડલ ઇસ્ટના વધતા તણાવને કારણે ભારતીય શેરબજારમાં આજે હાહાકાર મચી ગયો હતો.

સેન્સેક્સ અને નિફ્ટીના ક્લોઝિંગ આંકડા

કારોબારના અંતે બોમ્બે સ્ટોક એક્સચેન્જનો સેન્સેક્સ 1456.04 પોઈન્ટ (1.92 ટકા) ના જંગી ઘટાડા સાથે 74,559.24 ના સ્તરે બંધ થયો. બીજી તરફ નેશનલ સ્ટોક એક્સચેન્જનો નિફ્ટી 436.30 પોઈન્ટ (1.83 ટકા) તૂટીને 23,379.55 ના લેવલ પર બંધ થયો.

બજાર કેમ તૂટ્યું? ડોનાલ્ડ ટ્રમ્પનું નિવેદન અને ક્રૂડ ઓઈલ

આ નિવેદન બાદ હોર્મુઝ સ્ટ્રેટમાં ઓઇલની સપ્લાય લાંબા સમય સુધી ખોરવાઈ જવાનો ડર ઉભો થયો છે. આ ડરના કારણે ઇન્ટરકોન્ટિનેન્ટલ એક્સચેન્જ પર બ્રેન્ટ ક્રૂડનો મે મહિનાનો ફ્યુચર કોન્ટ્રાક્ટ 2.53 ટકા ઉછળીને 106.85 ડોલર પ્રતિ બેરલ પર પહોંચી ગયો હતો. વધતા ક્રૂડ ઓઇલના ભાવે ભારતીય બજારનું સેન્ટિમેન્ટ બગાડી નાખ્યું.

સેક્ટર મુજબ માર્કેટની સ્થિતિ પર એક નજર

આજના કડાકામાં લગભગ તમામ સેક્ટર ધોવાયા છે.

IT અને રિયલ્ટી: IT સેક્ટરમાં સૌથી વધુ વેચવાલી જોવા મળી. નિફ્ટી IT ઇન્ડેક્સ લગભગ 3.7 ટકા તૂટ્યો, જ્યારે રિયલ્ટી ઇન્ડેક્સમાં 4 ટકાનો કડાકો આવ્યો.

બેન્કિંગ: બેંક નિફ્ટીમાં પણ ભારે દબાણ હતું. બેંક નિફ્ટીના 14 માંથી 13 શેરો રેડ ઝોનમાં (ઘટાડા સાથે) બંધ થયા. એટલું જ નહીં, સેન્સેક્સના 30 માંથી 29 શેરોમાં ઘટાડો નોંધાયો.

અન્ય સેક્ટર: નિફ્ટી ડિફેન્સ ઇન્ડેક્સ 4 ટકા તૂટ્યો. ઓટો, કેમિકલ, એફએમસીજી (FMCG), કન્ઝ્યુમર ડ્યુરેબલ્સ અને મીડિયા શેરો પણ ખરાબ રીતે પટકાયા. જોકે, આ પછડાટ વચ્ચે માત્ર મેટલ અને ઓઇલ એન્ડ ગેસ સેક્ટરે થોડું સારું પરફોર્મન્સ આપ્યું હતું.

સ્મોલકેપ અને મિડકેપ શેરોમાં ભારે નુકસાન

મોટા શેરોની સાથે નાના શેરોમાં પણ કતલેઆમ મચી છે. બ્રોડર માર્કેટમાં નિફ્ટી મિડકેપ ઇન્ડેક્સ 2.54 ટકા અને નિફ્ટી સ્મોલકેપ 100 ઇન્ડેક્સ 3.17 ટકા તૂટીને બંધ થયા છે.

બજારની ખરાબ સ્થિતિનો અંદાજ એ વાત પરથી લગાવી શકાય છે કે આજે આખા માર્કેટમાં માત્ર 856 શેરો વધ્યા, જ્યારે 2,977 શેરોમાં મોટો ઘટાડો નોંધાયો હતો. બજારની વધતી અસ્થિરતા અને ડર દર્શાવતો ઈન્ડિયા VIX પણ 19 ની ઉપર ટકી રહ્યો હતો, જે રોકાણકારો માટે ચિંતાનો વિષય છે.

આ પણ વાંચો-Oil & Gas Stocks : સરકારના એક નિર્ણયથી ONGC અને Oil Indiaના શેરો રોકેટ બન્યા, એક્સપર્ટ્સે આપ્યા મોટા ટાર્ગેટ!