Closing Bell : સેન્સેક્સ 239 પોઈન્ટ તૂટ્યો, નિફ્ટી 24200ની નીચે બંધ, IT અને બેન્કિંગ શેરોમાં ભારે ઘટાડો

Closing Bell : ભારતીય શેરબજારમાં આજે સળંગ બીજા દિવસે પણ નરમાઈનો માહોલ જોવા મળ્યો છે. માર્કેટમાં આજના ટ્રેડિંગ સેશનના અંતે મુખ્ય ઈન્ડેક્સ લાલ નિશાનમાં બંધ થયા છે. વેચવાલીના દબાણને કારણે નિફ્ટીએ 24200 ની મહત્વની સપાટી તોડી છે.

સેન્સેક્સ અને નિફ્ટીની આજની સ્થિતિ

આજના કારોબારના અંતે બોમ્બે સ્ટોક એક્સચેન્જનો સેન્સેક્સ 239 પોઈન્ટ એટલે કે 0.31% ના ઘટાડા સાથે 77,470.11 ના સ્તર પર બંધ થયો હતો. જ્યારે નેશનલ સ્ટોક એક્સચેન્જનો નિફ્ટી 50.80 પોઈન્ટ એટલે કે 0.21% ગગડીને 24,187.70 ના લેવલ પર આવી ગયો હતો.

આજના ટોપ લૂઝર્સ અને ગેનર્સ

ટોપ લૂઝર્સ

નિફ્ટી પર HDFC બેન્ક, ઇન્ફોસિસ, રિલાયન્સ ઇન્ડસ્ટ્રીઝ, SBI અને TCS જેવા મોટા દિગ્ગજ શેરોમાં સૌથી વધુ ઘટાડો નોંધાયો હતો અને તે ટોપ લૂઝર્સ રહ્યા હતા.

ટોપ ગેનર્સ

બીજી તરફ શ્રીરામ ફાઇનાન્સ, બજાજ ફિનસર્વ, ઇન્ટરગ્લોબ એવિએશન, આઇશર મોટર્સ અને અલ્ટ્રાટેક સિમેન્ટના શેરોમાં સારી એવી તેજી જોવા મળી હતી.

મિડકેપ અને સ્મોલકેપમાં ખરીદીનો માહોલ

જોકે મુખ્ય ઇન્ડેક્સ ઘટ્યા હતા, પરંતુ વ્યાપક બજારમાં નાના અને મધ્યમ શેરોમાં ખરીદીનું આકર્ષણ જોવા મળ્યું હતું. આજે નિફ્ટી મિડકેપ ઇન્ડેક્સમાં 0.2% અને સ્મોલકેપ ઇન્ડેક્સમાં 0.4% નો ઉછાળો જોવા મળ્યો હતો.

સેક્ટોરલ પ્રદર્શન પર એક નજર

અલગ-અલગ સેક્ટર્સના પ્રદર્શનની વાત કરીએ તો માર્કેટમાં મિશ્ર પ્રતિસાદ જોવા મળ્યો છે. FMCG, IT, ઓઇલ એન્ડ ગેસ અને PSU બેન્ક સેક્ટરના ઈન્ડેક્સમાં 0.5% નો ઘટાડો નોંધાયો હતો. જ્યારે ઓટો, મેટલ અને રિયલ્ટી સેક્ટરમાં 0.5% ની સારી એવી તેજી જોવા મળી હતી.

આ પણ વાંચો-શેરબજારમાં ધમાકો: આ SME સ્ટોકે એક જ દિવસમાં આપ્યું 100% રિટર્ન, લિસ્ટિંગ થતા જ અપર સર્કિટ લાગી