સેન્સેક્સ 300 પોઈન્ટ તૂટ્યો, નિફ્ટી 24200ની નીચે ખાબક્યો, જાણો બજાર પડવાના 4 મુખ્ય કારણો

Share Market Crash: નિફ્ટીની વીકલી એક્સપાયરીના દિવસે ભારતીય શેરબજારમાં મોટો કડાકો જોવા મળ્યો છે. સવારે ફ્લેટ ઓપનિંગ થયા બાદ સેન્સેક્સ અને નિફ્ટી બંને ધડામ દઈને નીચે પટકાયા છે. જોતજોતામાં સેન્સેક્સમાં 300 પોઈન્ટનો ઘટાડો નોંધાયો હતો, જ્યારે નિફ્ટી પણ લપસીને 24200 ના મહત્વના સ્તરની નીચે સરકી ગયો હતો.

બજારની વર્તમાન સ્થિતિ શું છે?

સવારના 10:56 વાગ્યાના ડેટા મુજબ, સેન્સેક્સ 245.51 પોઈન્ટ (0.32%) ના ઘટાડા સાથે 77,463.01 ના સ્તર પર ટ્રેડ કરી રહ્યો છે. જ્યારે નિફ્ટી 50 ઈન્ડેક્સ 59.05 પોઈન્ટ (0.24%) ઘટીને 24,179.45 પર આવી ગયો છે. આજના ઇન્ટ્રા-ડે ટ્રેડિંગ દરમિયાન સેન્સેક્સ 295.12 પોઈન્ટ તૂટીને નીચે 77,413.40 સુધી અને નિફ્ટી 74.75 પોઈન્ટ ઘટીને 24,163.75 સુધી પહોંચી ગયો હતો. જોકે, મોટા શેરોની સરખામણીમાં નાના શેરોમાં થોડી રાહત જોવા મળી છે. બ્રોડર માર્કેટમાં નિફ્ટી મિડકેપ 100 અને નિફ્ટી સ્મોલકેપ 100 માં સામાન્ય વધારો જોવા મળી રહ્યો છે.

શેરબજારમાં કડાકા માટે જવાબદાર 4 મુખ્ય કારણો

પશ્ચિમ એશિયામાં અમેરિકા અને ઈરાન વચ્ચે ચાલી રહેલું યુદ્ધ હવે ખૂબ જ ખતરનાક વળાંક પર પહોંચી ગયું છે. સોમવારે રાત્રે અમેરિકી સેનાએ સતત 10મી રાત્રે ઈરાનના સૈન્ય મથકો પર વિનાશક હવાઈ હુમલા કર્યા હતા. ગ્લોબલ લેવલ પર વધેલા આ જિયો-પોલિટિકલ ટેન્શનને કારણે શેરબજારના સેન્ટિમેન્ટ પર ખૂબ જ નકારાત્મક અસર પડી છે.

2. વિદેશી રોકાણકારોની ભારે વેચવાલી

વિદેશી સંસ્થાકીય રોકાણકારો સતત ભારતીય બજારમાંથી પૈસા કાઢી રહ્યા છે. 20 જુલાઈના રોજ સતત છઠ્ઠા ટ્રેડિંગ સેશનમાં તેમણે ખરીદી કરતા વેચાણ વધુ કર્યું હતું. આ દિવસે તેમણે 1121.04 કરોડ રૂપિયાના શેર વેચ્યા હતા. છેલ્લા 6 દિવસનો આંકડો જોઈએ તો FII એ કુલ 10,240.8 કરોડ રૂપિયાની નેટ વેચવાલી કરી છે, જેણે બજાર પર મોટું દબાણ ઊભું કર્યું છે.

3. IT અને ઓટો સેક્ટરમાં દબાણ

આજે બજારને કોઈ મોટા સેક્ટરનો સપોર્ટ મળી રહ્યો નથી. બજાર પર સૌથી વધુ દબાણ IT અને ઓટો સેક્ટર બનાવી રહ્યા છે. આ બંને સેક્ટરના નિફ્ટી ઈન્ડેક્સમાં અડધા ટકા જેટલો ઘટાડો જોવા મળ્યો છે. આ ઉપરાંત સરકારી બેંકો અને ફાર્મા સેક્ટરનો ઈન્ડેક્સ પણ લાલ નિશાનમાં ટ્રેડ કરી રહ્યો છે.

4. નિફ્ટીની વીકલી એક્સપાયરી

આજે નિફ્ટીના ઈન્ડેક્સ ડેરિવેટિવ્ઝ કોન્ટ્રાક્ટની સાપ્તાહિક એક્સપાયરી છે. દર વખતે એક્સપાયરીના દિવસે બજારમાં ભારે ઉતાર-ચઢાવ જોવા મળે છે, જેની સીધી અસર આજના ટ્રેડિંગ સેશન પર પણ જોવા મળી રહી છે.

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.

આ પણ વાંચો-શાનદાર કમાણી છતાં Paytmનો શેર 2% તૂટ્યો, જાણો ઘટાડાનું અસલી કારણ અને રોકાણકારો માટે નિષ્ણાતોની સલાહ