Market Outlook: બુધવારે, 9 સપ્ટેમ્બરના રોજ ભારતીય શેરબજાર સતત ત્રીજા ટ્રેડિંગ સેશનમાં ભારે ઘટાડા સાથે લાલ નિશાનમાં બંધ થયું. માર્કેટમાં જોવા મળેલા વેચવાલીના ભારે દબાણને કારણે સેન્સેક્સ 813.35 પોઈન્ટ (1.08%) તૂટીને 74,764.23 ના સ્તરે બંધ થયો. જ્યારે નિફ્ટી પણ 203.60 પોઈન્ટ (0.86%) નો ગોથું ખાઈને 23,431.50 ના લેવલ પર આવી ગયો હતો.
Market Outlook: સેન્સેક્સ-નિફ્ટી ઘટાડા સાથે બંધ, જાણો 10 સપ્ટેમ્બરે કેવી રહેશે બજારની ચાલ
બુધવારે શેરબજારમાં સતત ત્રીજા દિવસે મોટો ઘટાડો નોંધાયો. સેન્સેક્સ 813 પોઈન્ટ અને નિફ્ટી 203 પોઈન્ટ તૂટ્યો. જાણો 10 સપ્ટેમ્બરે માર્કેટ કેવું રહેશે, બજાર પડવાના કારણો અને કયા શેર્સમાં જોવા મળશે એક્શન.
અપડેટેડ 06:39:26 PM Sep 09, 2026 પર
આ ઘટાડાના માહોલમાં IT અને રિયલ્ટી સેક્ટરમાં સૌથી વધુ ધોવાણ જોવા મળ્યું હતું. જ્યારે મેટલ અને ઓઈલ એન્ડ ગેસ સેક્ટરમાં રોકાણકારોએ થોડી ખરીદી બતાવી હતી.
માર્કેટ કેમ તૂટ્યું? જાણો મુખ્ય કારણો
એક્સપર્ટ્સના મતે આ ઘટાડા પાછળ મુખ્યત્વે ગ્લોબલ કારણો જવાબદાર છે. મિડલ ઈસ્ટમાં (ખાસ કરીને યમન, ઈરાન અને અમેરિકા વચ્ચે) વધી રહેલા ભૌગોલિક રાજકીય તણાવને કારણે બ્રેન્ટ ક્રૂડના ભાવ ઉછળીને 100 ડોલર પ્રતિ બેરલ સુધી પહોંચી ગયા છે. આ ઉપરાંત, અમેરિકામાં મોંઘવારીના આંકડા અને વ્યાજદરમાં વધારાની શક્યતાઓએ પણ રોકાણકારોમાં ડરનો માહોલ ઉભો કર્યો છે. ડોલર સામે રૂપિયાની નબળાઈ પણ બજાર પર દબાણ વધારી રહી છે.
10 સપ્ટેમ્બર માટે ટેકનિકલ આઉટલુક
કોટક સિક્યોરિટીઝના રિસર્ચ હેડ શ્રીકાંત ચૌહાણના જણાવ્યા અનુસાર, ચાર્ટ પર માર્કેટ હજુ પણ 'લોઅર હાઈ-લોઅર લો' ફોર્મેશન બનાવી રહ્યું છે, જે બજારમાં વધુ નબળાઈ આવવાનો સંકેત આપે છે. ડે ટ્રેડર્સ માટે 23,550 અને 75,300 નું લેવલ એક મજબૂત રેઝિસ્ટન્સ તરીકે કામ કરશે. જો માર્કેટમાં ઘટાડો ચાલુ રહે તો તે નીચેની તરફ 23,300 થી 23,200 અને 74,300 થી 74,000 સુધી સરકી શકે છે. જો માર્કેટ રેઝિસ્ટન્સ પાર કરે તો જ તેમાં 23,700 સુધીનો ઉછાળો આવી શકે છે.
આજના ટોપ લૂઝર અને ગેઈનર સેક્ટર
આ ઘટાડાના માહોલમાં IT અને રિયલ્ટી સેક્ટરમાં સૌથી વધુ ધોવાણ જોવા મળ્યું હતું. જ્યારે મેટલ અને ઓઈલ એન્ડ ગેસ સેક્ટરમાં રોકાણકારોએ થોડી ખરીદી બતાવી હતી.
આ શેર્સ રહ્યા ચર્ચામાં
અમેરિકામાં વ્યાજદર વધવાના ડરથી આઈટી કંપનીઓની આવક પર અસર થવાની ભીતિ છે. તેમાં પણ કોફોર્જનો શેર 5.38% તૂટ્યો, કારણ કે કંપનીના ચેરમેન ઓમ પ્રકાશ ભટ્ટે આંતરિક ઓડિટની ચિંતાઓને લીધે રાજીનામું આપ્યું છે. પેટીએમનો શેર 4.88%ના ઉછાળા સાથે બંધ થયો. કંપની એન્ટરપ્રાઇઝ AI સેક્ટરમાં 'Pi' નામની સર્વિસ લોન્ચ કરવા જઈ રહી છે, જેનાથી રોકાણકારોમાં ઉત્સાહ જોવા મળ્યો. કંપની તેના એરપોર્ટ બિઝનેસના વિસ્તરણ માટે 9,825 કરોડ રૂપિયાનું ભંડોળ એકત્ર કરવાની છે. આ સારા સમાચારથી શેર 5.13% વધ્યો. ગ્રેફાઇટ ઇલેક્ટ્રોડના ભાવમાં 30% નો તોતિંગ વધારો થતાં ગ્રેફાઇટ ઇન્ડિયાનો શેર 15% અને HEG નો શેર 1.6% ઉછળીને બંધ થયો હતો.
રોકાણકારો માટે એક્સપર્ટ્સની સલાહ
પીએલ કેપિટલના એક્સપર્ટ વિક્રમ કસાટના જણાવ્યા અનુસાર, જ્યાં સુધી મિડલ ઈસ્ટની સ્થિતિ સ્પષ્ટ ન થાય અને ક્રૂડના ભાવ સ્થિર ન થાય, ત્યાં સુધી બજારમાં ઉતાર-ચઢાવ ચાલુ રહેવાની પૂરી સંભાવના છે. તેથી, રોકાણકારોએ હાલ પૂરતી સાવચેતી રાખવી જોઈએ. અત્યારે માત્ર સારી ક્વોલિટીના લાર્જ-કેપ શેરો પર જ ફોકસ કરો અને માર્કેટનું સેન્ટિમેન્ટ સુધરે નહીં ત્યાં સુધી મોટું અને આક્રમક રોકાણ કરવાનું ટાળો.
ડિસ્ક્લેમર:- Moneycontrol.com પર વ્યક્ત કરવામાં આવેલા મંતવ્યો નિષ્ણાતોના પોતાના અંગત મંતવ્યો છે. આ મંતવ્યો કે ભલામણો માટે વેબસાઇટ અથવા તેનું મેનેજમેન્ટ કોઈપણ રીતે જવાબદાર નથી. મનીકંટ્રોલ તેના યુઝર્સને આગ્રહ કરે છે કે કોઈપણ પ્રકારનો રોકાણનો નિર્ણય લેતા પહેલા પ્રમાણિત નાણાકીય નિષ્ણાતની સલાહ ચોક્કસથી લેવી.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
