Closing Bell: ઉતાર-ચઢાવ વચ્ચે સેન્સેક્સ-નિફ્ટી ફ્લેટ બંધ, સેન્સેક્સ 82,276 અને નિફ્ટી 25,482 પર બંધ

Closing Bell: ભારતીય શેરબજારમાં આજે દિવસ દરમિયાન ભારે ઉથલ-પાથલ જોવા મળી હતી. બજારની શરૂઆત ભલે સારી થઈ હોય, પરંતુ ઉપલા સ્તરે ટકી રહેવામાં બજાર નિષ્ફળ ગયું હતું. આખરે ટ્રેડિંગ સેશનના અંતે સેન્સેક્સ અને નિફ્ટી મામૂલી વધારા સાથે ફ્લેટ બંધ થયા હતા.

બજારની ચાલ કેવી રહી?

આજના કારોબારમાં સેન્સેક્સ અને નિફ્ટી બંને ઈન્ડેક્સમાં શરૂઆતી તેજી જોવા મળી હતી. જોકે, દિવસ આગળ વધતા પ્રોફિટ બુકિંગ અને વેચવાલીના દબાણને કારણે બજાર ઉપલા સ્તરેથી નીચે સરકી ગયું હતું. ખાસ વાત એ હતી કે મિડકેપ અને સ્મોલકેપ ઈન્ડેક્સ નીચલા સ્તરેથી રિકવર થઈને સુધારા સાથે બંધ થયા હતા. બેંક નિફ્ટીમાં પણ આજે ભારે વોલેટિલિટી જોવા મળી હતી અને તે છેલ્લે ફ્લેટ બંધ રહ્યો હતો.

કયા સેક્ટરમાં તેજી અને ક્યાં મંદી?

બીજી તરફ, સરકારી બેંકો (PSU Bank), FMCG (કન્ઝ્યુમર ગુડ્સ) અને ઓઈલ-ગેસ સેક્ટરના શેરો પર દબાણ જોવા મળ્યું હતું. અહીં વેચવાલી આવતા આ સેક્ટર્સ રેડ ઝોનમાં રહ્યા હતા.

ટ્રેડિંગ સેશનના અંતે માર્કેટના આંકડા પર નજર કરીએ તો, સેન્સેક્સસ 50.15 પોઈન્ટ એટલે કે 0.06 ટકાના સામાન્ય વધારા સાથે 82,276.07 ના સ્તરે બંધ થયો. જ્યારે નિફ્ટી 57.85 પોઈન્ટ એટલે કે 0.23 ટકાના વધારા સાથે 25,482.50ના સ્તરે બંધ થયો.

આમ, રોકાણકારો માટે આજનો દિવસ મિશ્ર રહ્યો હતો. બજારમાં બંને બાજુની મુવમેન્ટ જોવા મળી હતી, પરંતુ અંતે બજારે ગ્રીન ઝોનમાં ક્લોઝિંગ આપીને થોડી રાહત આપી છે.

આ પણ વાંચો-Tata Group Stocks: એન. ચંદ્રશેખરનની ચેરમેન પદે નિયુક્તિ ટળી, છતાં ટાટાના શેરો કેમ ઉછળ્યા? જાણો નોએલ ટાટાનું શું છે વલણ