RBI REPO Rateના એલાન પહેલા સેન્સેક્સ 600 પોઈન્ટ ઉછળ્યો, જાણો નિફ્ટી 24600ને પાર થવા પાછળના 5 મોટા કારણો

આજે રિઝર્વ બેંક ઓફ ઇન્ડિયા દ્વારા રેપો રેટની જાહેરાત થવાની છે, પરંતુ તે પહેલા જ ભારતીય શેરબજારમાં જબરદસ્ત ઉત્સાહ અને રોનક જોવા મળી રહી છે. સેન્સેક્સની વીકલી એક્સપાયરીના બરાબર એક દિવસ પહેલા જ બજારમાં જોરદાર ખરીદી નીકળી છે. આજે સેન્સેક્સમાં 600 પોઈન્ટથી વધુનો ઉછાળો આવ્યો છે, જ્યારે નિફ્ટી 50 ઈન્ડેક્સ પણ 24600 ની સપાટી વટાવી ચૂક્યો છે.

શેરબજારની લેટેસ્ટ સ્થિતિ અને આંકડા

સવારે 09:40 વાગ્યાની આસપાસ બજારની સ્થિતિ કંઈક આવી હતી,,સેન્સેક્સ 371.98 પોઈન્ટ એટલે કે 0.47% ના વધારા સાથે 78,800.93 ના સ્તર પર ટ્રેડ કરી રહ્યો હતો. નિફ્ટી 7.95 પોઈન્ટ (0.03%) ના ઉછાળા સાથે 24,622.85 પર જોવા મળ્યો. જો ઈન્ટ્રા-ડે હાઈની વાત કરીએ તો, આજે સેન્સેક્સે 626.43 પોઈન્ટની છલાંગ લગાવીને 79,055.38 ની ઊંચી સપાટી બનાવી હતી. જ્યારે નિફ્ટી પણ 62.70 પોઈન્ટ ઉછળીને 24,677.60 સુધી પહોંચી ગયો હતો. બ્રોડર માર્કેટમાં પણ સારો માહોલ છે. નિફ્ટી મિડકેપ 100 માં લગભગ અડધા ટકાની અને નિફ્ટી સ્મોલકેપ 100 માં અડધા ટકાથી વધુની તેજી નોંધાઈ છે.

બજારમાં આવેલી આ શાનદાર તેજી પાછળ કયા 5 કારણો જવાબદાર છે?

અમેરિકાના નાણામંત્રીએ સંકેત આપ્યા છે કે ઈરાન સાથે બહુ જલ્દી એક ડીલ ફાઈનલ થઈ શકે છે. આ નિવેદનથી મિડલ ઈસ્ટમાં ચાલી રહેલું જિયો-પોલિટિકલ ટેન્શન હળવો થવાની આશા જાગી છે. જેના કારણે ભારત સહિત તમામ એશિયન બજારોમાં તેજી આવી છે.

2. ક્રૂડ ઓઇલના ભાવમાં મોટો કડાકો

હોર્મુઝ જળડમરુમધ્ય ફરીથી ખુલવાની આશાએ કાચા તેલના ભાવમાં મોટો ઘટાડો આવ્યો છે. ગ્લોબલ ઓઇલ બેન્ચમાર્ક 'બ્રેન્ટ ક્રૂડ' ની કિંમત 5% થી વધુ તૂટીને 79 ડોલર પ્રતિ બેરલની નજીક આવી ગઈ છે. સસ્તું તેલ ભારતીય અર્થવ્યવસ્થા અને બજાર માટે હંમેશા ફાયદાકારક હોય છે.

3. વિદેશી રોકાણકારોની સતત ખરીદી

વિદેશી રોકાણકારોનો ભારતીય બજાર પર વિશ્વાસ અકબંધ છે. 4 ઓગસ્ટના રોજ FIIs એ સતત છઠ્ઠા સેશનમાં પોતાની ખરીદી ચાલુ રાખીને બજારમાં 2,446 કરોડ રૂપિયાના શેરોની ચોખ્ખી ખરીદી કરી છે. આ મોટા રોકાણે માર્કેટને મજબૂત સપોર્ટ આપ્યો છે.

4. સરકારી બેંકો અને ઓટો સેક્ટરનો મજબૂત ટેકો

આજે બજારને સૌથી વધુ સપોર્ટ ઓટો સેક્ટર અને સરકારી બેંકો તરફથી મળી રહ્યો છે. નિફ્ટીમાં આ બંને સેક્ટરના ઇન્ડેક્સમાં 1% થી વધુનો વધારો જોવા મળ્યો છે. જુલાઈ મહિનાના શાનદાર સેલ્સ ડેટાના કારણે ઓટો શેરોમાં તેજી છે, જ્યારે RBI ની પોલિસી પહેલા સરકારી બેંકોના શેરોમાં રોકાણકારો ખરીદી કરી રહ્યા છે.

5. ડોલર ઈન્ડેક્સમાં નરમાશ

મિડલ ઈસ્ટમાં શાંતિની નવી આશાઓને કારણે અમેરિકન ડોલર 6 સપ્તાહના નીચલા સ્તરે પહોંચી ગયો છે. દુનિયાની છ મોટી કરન્સી સામે અમેરિકન ડોલરને ટ્રેક કરતો 'US ડોલર ઈન્ડેક્સ' સોમવારે ઘટીને 99.85 ના સ્તર પર જોવા મળ્યો હતો. નબળો ડોલર ભારતીય રૂપિયા અને શેરબજાર માટે સકારાત્મક સંકેત છે.

આ પણ વાંચો-Stock Market Today: બજારમાં ટ્રેડ લેતા પહેલા આ મોટા સમાચારો પર કરો નજર, જાણો આજે સેન્સેક્સ-નિફ્ટી કઈ દિશામાં જશે?