Stock Market Today: શેરબજારમાં કડાકો! ક્રૂડ ઓઈલ 100 ડોલરને પાર, ઈરાનની ધમકીથી સેન્સેક્સ-નિફ્ટીમાં હાહાકાર, જાણો કમાણીની સ્ટ્રેટેજી

Stock Market Today: ભારતીય શેરબજારમાં આજે શુક્રવારે પણ મંદીનો માહોલ જોવા મળી રહ્યો છે. અઠવાડિયાના છેલ્લા ટ્રેડિંગ સેશનમાં માર્કેટ ખુલતાની સાથે જ સેન્સેક્સ અને નિફ્ટી લાલ નિશાનમાં સરી પડ્યા હતા. આ સતત ત્રીજું સત્ર છે જ્યારે બજારમાં ઘટાડો નોંધાયો છે.

સવારે 09:16 વાગ્યે સેન્સેક્સ આશરે 600 પોઈન્ટ એટલે કે 0.8 ટકા તૂટીને 75,434 પર ટ્રેડ કરી રહ્યો હતો, જ્યારે નિફ્ટી 182 પોઈન્ટના ઘટાડા સાથે 23,457 પર પહોંચી ગયો હતો. માર્કેટનું સેન્ટિમેન્ટ એટલું ખરાબ છે કે 837 શેરોમાં તેજી સામે 1,264 શેરોમાં ઘટાડો જોવા મળ્યો છે.

બજાર તૂટવાના મુખ્ય કારણો

બજારમાં ચાલી રહેલા આ કડાકા પાછળ મુખ્યત્વે ત્રણ કારણો જવાબદાર છે:

વૈશ્વિક સંકેતો: ગ્લોબલ માર્કેટમાં નબળાઈ જોવા મળી રહી છે.

FIIની વેચવાલી: વિદેશી રોકાણકારો (FII) સતત નાણાં પાછા ખેંચી રહ્યા છે. ગઈકાલે તેમણે કેશ અને ફ્યુચર્સ મળીને 10,000 કરોડથી વધુનું વેચાણ કર્યું હતું.

ઈરાનની ધમકી અને ક્રૂડ ઓઈલ 100 ડોલરને પાર

ગ્લોબલ માર્કેટમાં હાલ ભયંકર ઉથલપાથલ મચી છે. ઈરાનના નવા સુપ્રીમ લીડર મોજતબા ખામેનેઈએ સત્તા સંભાળતાની સાથે જ કડક ચેતવણી આપી છે. તેમણે કહ્યું છે કે પડોશી દેશોમાં આવેલા તમામ અમેરિકન સૈન્ય મથકો તાત્કાલિક બંધ કરવામાં આવે, નહીંતર હુમલાઓ ચાલુ રહેશે. આ સાથે જ ‘સ્ટ્રેટ ઓફ હોર્મુઝ’ (દરિયાઈ માર્ગ) બંધ રહેવાની વાત પણ કરવામાં આવી છે.

આ ધમકીની સીધી અસર ક્રૂડ ઓઈલ પર થઈ છે. 2022 પછી પહેલીવાર ક્રૂડ ઓઈલ 100 ડોલરની સપાટી ક્રોસ કરી ગયું છે. બીજી તરફ ડોલર મજબૂત થવાને કારણે સોના-ચાંદીમાં નરમાઈ છે અને COMEX Gold 5150 ડોલરની નીચે આવી ગયું છે.

નિફ્ટી પર શું હોવી જોઈએ રણનીતિ?

CNBC-બજારના એક્સપર્ટ વીરેન્દ્ર કુમારના જણાવ્યા મુજબ, અત્યારે માર્કેટમાં ‘Sell on Rise’ (ઉછાળે વેચો) ની રણનીતિ કારગર સાબિત થઈ રહી છે.

રેઝિસ્ટન્સ (અવરોધ): નિફ્ટી માટે પહેલો રેઝિસ્ટન્સ 23781-23836 છે, જ્યારે મોટો રેઝિસ્ટન્સ 23889-24967 ની રેન્જમાં છે.

સપોર્ટ (બેઝ): નીચેની તરફ પહેલો સપોર્ટ 23388-23461 અને મોટો સપોર્ટ 23263-23327 પર છે.

એક્સપર્ટનું માનવું છે કે 24000 નું લેવલ તૂટ્યા બાદ હવે 23300 સુધીના લેવલ જોવા મળી શકે છે. જો નિફ્ટી 23681-734 ની નીચે રહે તો શોર્ટ પોઝિશન બનાવી શકાય, પરંતુ તેનાથી ઉપર જાય તો શોર્ટ કવરિંગ આવી શકે છે. આજે ગેપડાઉન ખુલવાને કારણે ઈન્ટ્રાડે ટ્રેડર્સે થોડી ધીરજ રાખવી જોઈએ.

બેંક નિફ્ટી માટે મહત્વના લેવલ્સ

બેંક નિફ્ટીનું સ્ટ્રક્ચર પણ નબળું દેખાઈ રહ્યું છે. જ્યાં સુધી ઈન્ડેક્સ 55436-678 ની નીચે છે, ત્યાં સુધી ઉછાળે વેચવાની સલાહ છે.

* રેઝિસ્ટન્સ: 55436-55678 (પ્રથમ) અને 55877-56231 (મોટો).

* સપોર્ટ: 54437-54661 (પ્રથમ) અને આજ માટે સૌથી મહત્વનો સપોર્ટ 54077 રહેશે.

એક્સપર્ટના મતે, પુટ અને ઓપ્શન ડેટાની અછતને કારણે ચોક્કસ રેન્જ નક્કી કરવી મુશ્કેલ છે, પરંતુ જ્યાં સુધી માર્કેટ 50WEMA (વીકલી એક્સપોનેન્શિયલ મુવિંગ એવરેજ) ની નીચે છે, ત્યાં સુધી વેચવાલીનું દબાણ રહી શકે છે.

આ પણ વાંચો- Share Market Update: ઈરાનના એક નિવેદનથી શેરબજાર હચમચ્યું, નિફ્ટી 51 મહિનાના તળિયે, હવે 23,000નું લેવલ જોખમમાં?

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.