Stock Market Holiday: આજે શેરબજાર ખુલશે કે બંધ રહેશે? મહાવીર જયંતી પર જાણો BSE-NSEની રજાઓનું પૂરું લિસ્ટ

Stock Market Holiday: શેરબજારમાં રોકાણ અને ટ્રેડિંગ કરતા લોકો માટે આ સપ્તાહ થોડું નાનું રહેવાનું છે. જો તમે પણ આજે ટ્રેડિંગ કરવાનું વિચારી રહ્યા છો, તો આ સમાચાર તમારા માટે છે. આજે એટલે કે 31 માર્ચ 2026 ના રોજ દલાલ સ્ટ્રીટમાં કોઈ જ કામકાજ નહીં થાય. શ્રી મહાવીર જયંતી (Mahavir Jayanti 2026)ના પાવન અવસર પર બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) સંપૂર્ણપણે બંધ રહેશે.

આ અઠવાડિયે માત્ર એક જ રજા નથી. શુક્રવાર, 3 એપ્રિલ 2026 ના રોજ ગુડ ફ્રાઈડે (Good Friday)ના તહેવાર નિમિત્તે પણ બંને એક્સચેન્જમાં ટ્રેડિંગ બંધ રહેશે. તમને જણાવી દઈએ કે છેલ્લા બે અઠવાડિયાની અંદર શેરબજારમાં આ ત્રીજી રજા છે. આ પહેલા 26 માર્ચના રોજ શ્રી રામ નવમીના અવસર પર પણ માર્કેટમાં રજા હતી.

MCX અને NCDEXના કામકાજ પર પડશે અસર

ઇક્વિટી માર્કેટની સાથે સાથે કોમોડિટી માર્કેટ પર પણ મહાવીર જયંતીની રજાની અસર જોવા મળશે. દેશના સૌથી મોટા કોમોડિટી એક્સચેન્જ, મલ્ટી કોમોડિટી એક્સચેન્જ (MCX) પર આજે સવારના સત્રમાં એટલે કે સવારે 9 થી સાંજે 5 વાગ્યા સુધી કોઈ ટ્રેડિંગ નહીં થાય.

વર્ષ 2026ની શેરબજારની આગામી રજાઓ

વર્ષ 2026 ના કેલેન્ડર મુજબ, શેરબજારમાં આખા વર્ષ દરમિયાન કુલ 16 રજાઓ નક્કી કરવામાં આવી છે. જેમાંથી 4 રજાઓ પસાર થઈ ગઈ છે. આ સપ્તાહની બે રજાઓ (મહાવીર જયંતી અને ગુડ ફ્રાઈડે) બાદ, વર્ષના બાકીના 9 મહિનામાં માર્કેટ હજુ 10 દિવસ બંધ રહેશે. હવે પછીની રજા 14 એપ્રિલે ડૉ. બાબાસાહેબ આંબેડકર જયંતી નિમિત્તે આવશે.

શેરબજારની રજાઓનું પૂરું લિસ્ટ 2026 (Stock Market Holidays 2026):

* 31 માર્ચ 2026 (મંગળવાર): શ્રી મહાવીર જયંતી

* 03 એપ્રિલ 2026 (શુક્રવાર): ગુડ ફ્રાઈડે

* 14 એપ્રિલ 2026 (મંગળવાર): ડૉ. બાબાસાહેબ આંબેડકર જયંતી

* 01 મે 2026 (શુક્રવાર): મહારાષ્ટ્ર દિવસ

* 28 મે 2026 (ગુરુવાર): બકરી ઈદ (ઈદ-ઉલ-જુહા)

* 26 જૂન 2026 (શુક્રવાર): મહોરમ

* 14 સપ્ટેમ્બર 2026 (સોમવાર): ગણેશ ચતુર્થી

* 02 ઓક્ટોબર 2026 (શુક્રવાર): મહાત્મા ગાંધી જયંતી

* 20 ઓક્ટોબર 2026 (મંગળવાર): દશેરા

* 10 નવેમ્બર 2026 (મંગળવાર): દિવાળી (બલિપ્રતિપદા)

* 24 નવેમ્બર 2026 (મંગળવાર): ગુરુ નાનક જયંતી (પ્રકાશ પર્વ)

* 25 ડિસેમ્બર 2026 (શુક્રવાર): નાતાલ (ક્રિસમસ)

રોકાણકારો અને ટ્રેડર્સે માર્કેટમાં કોઈપણ મોટો સોદો કરતા પહેલા અથવા પોઝિશન બનાવતા પહેલા આ રજાઓનું ખાસ ધ્યાન રાખવું જોઈએ, જેથી છેલ્લી ઘડીએ કોઈ નુકસાન કે અગવડતાનો સામનો ન કરવો પડે.

આ પણ વાંચો - Market outlook : ભારે ઘટાડા સાથે બજાર બંધ, સેન્સેક્સ 1636 પોઈન્ટ તૂટ્યો, જાણો 1લી એપ્રિલે કેવી રહેશે માર્કેટની ચાલ