Stocks to Watch: 4 માર્ચે આ 13 શેરો પર રહેશે સૌની નજર, મિડલ ઈસ્ટના તણાવ અને ક્રૂડના ભાવની પડશે સીધી અસર

શેરબજાર અપડેટ: મિડલ ઈસ્ટમાં સતત વધી રહેલા તણાવ અને કોમોડિટી માર્કેટમાં ભારે ઉથલપાથલ વચ્ચે 4 માર્ચે ભારતીય શેરબજારમાં કેટલાક ખાસ શેરો પર રોકાણકારોની નજર રહેશે. કાચા તેલ (Crude Oil) ની કિંમત 80 ડોલરની પાર પહોંચી ગઈ છે, ગેસ માર્કેટમાં ઉછાળો આવ્યો છે અને ડિફેન્સ સેક્ટરમાં તેજીનો માહોલ છે. આ તમામ ગ્લોબલ ઘટનાઓ અને કેટલીક કોર્પોરેટ ડીલ્સના કારણે બુધવારના ટ્રેડિંગ સેશનમાં 13 જેટલા શેરોમાં મોટી હલચલ જોવા મળી શકે છે. ચાલો જાણીએ આ શેરો વિશે વિગતવાર.

ઓઈલ શેર્સ

બ્રેન્ટ ક્રૂડ ફરી એકવાર 80 ડોલર પ્રતિ બેરલની ઉપર પહોંચી ગયું છે. કાચા તેલના ભાવ વધવા તે ONGC અને Oil India જેવી કંપનીઓ માટે સારા સમાચાર છે, તેથી તેમાં તેજી દેખાઈ શકે છે. પરંતુ બીજી તરફ, આ ભાવવધારાને કારણે HPCL, BPCL અને IOC જેવી ઓઈલ માર્કેટિંગ કંપનીઓ (OMC) ના શેરો દબાણમાં રહી શકે છે. આ ઉપરાંત, પેઇન્ટ અને ટાયર બનાવતી કંપનીઓ પર પણ નકારાત્મક અસર પડી શકે છે, કારણ કે ક્રૂડ ઓઈલ તેમનો મુખ્ય કાચો માલ છે.

મિડલ ઈસ્ટ સાથે જોડાયેલા શેર્સ

ગેસ શેર્સ

કતારમાં એક મોટા LNG સપ્લાયરનું કામકાજ બંધ થવાના અહેવાલો બાદ સોમવારે યુરોપિયન નેચરલ ગેસ ફ્યુચર્સમાં મોટો ઉછાળો આવ્યો હતો. આની સીધી અસર ગેસ ડિસ્ટ્રિબ્યુશન અને LNG સાથે જોડાયેલી કંપનીઓના શેરો પર પડી શકે છે.

ટૂરિઝમ અને હોટલ શેર્સ

ઇઝરાયલ અને ઈરાન વચ્ચે ચાલી રહેલા સંઘર્ષની માઠી અસર ટૂરિઝમ અને ટ્રાવેલ સેક્ટર પર પડી છે. સોમવારે IndiGo ના શેરમાં 6 ટકાથી વધુનો ઘટાડો નોંધાયો હતો, જ્યારે સામાન બનાવતી કંપની Safari Industries નો શેર 8 ટકા તૂટ્યો હતો. અન્ય ટ્રાવેલ અને હોટલ કંપનીઓ પણ દબાણ હેઠળ છે, જેના પર 4 માર્ચે નજર રહેશે.

ડિફેન્સ શેર્સ

અમેરિકા, ઇઝરાયલ અને ઈરાન વચ્ચે વધતા યુદ્ધના ભય વચ્ચે ડિફેન્સ શેરોમાં જબરદસ્ત ખરીદી જોવા મળી રહી છે. સોમવારે Paras Defence, Bharat Electronics અને આઇડિયાફોર્જ (ideaForge) જેવા શેરો ફોકસમાં રહ્યા હતા. સાઉથ કોરિયાના ડિફેન્સ શેરોમાં પણ 30 ટકા સુધીનો ઉછાળો આવ્યો હતો, જેથી બુધવારે ભારતીય ડિફેન્સ શેરોમાં પણ મોટી હલચલ થવાની પૂરી શક્યતા છે.

અન્ય કોર્પોરેટ અપડેટ્સવાળા શેર્સ

Tata Motors CV અને M&M: ઇન્ડોનેશિયા દ્વારા કોમર્શિયલ વાહનોના એક્સપોર્ટ ઓર્ડર રોકવાના સમાચાર પર બંને કંપનીઓએ સ્પષ્ટતા કરી છે. Tata Motors એ કહ્યું કે આ નિર્ણયની અસર તેમના વર્તમાન ઓર્ડર પર નહીં પડે. જ્યારે M&M એ જણાવ્યું કે તેમને ઓર્ડર માટે એડવાન્સ પેમેન્ટ મળી ચૂક્યું છે અને ઓર્ડર કેન્સલ થવા અંગે કોઈ સત્તાવાર જાણકારી મળી નથી.

Adani Ports: કંપની માટે સારા સમાચાર છે. ફેબ્રુઆરીમાં કંપનીનું કુલ કાર્ગો હેન્ડલિંગ વાર્ષિક ધોરણે 16 ટકા વધીને 42.5 MMT થયું છે. લોજિસ્ટિક્સ રેલ વોલ્યુમમાં 3 ટકાનો વધારો થયો છે. નાણાકીય વર્ષ 26 માં અત્યાર સુધીમાં કુલ કાર્ગો 11 ટકા વધીને 454.76 MMT પર પહોંચી ગયો છે, જેમાં કન્ટેનર વોલ્યુમ 20 ટકા વધ્યું છે.

Cipla: આ ફાર્મા કંપનીએ Kemwell Biopharma Pvt Ltd સાથે 60:40 ના રેશિયોમાં જોઇન્ટ વેન્ચર (JV) કર્યું છે. આ JV ભારતમાં બાયોલોજિક પ્રોડક્ટ્સના ડેવલપમેન્ટ અને એક્સપોર્ટનું કામ કરશે. Kemwell ની બેંગલુરુ સ્થિત યુનિટ USFDA અપ્રૂવ્ડ છે અને તેમાં 5000 લીટરની ક્ષમતા છે.

Natco Pharma: કંપનીએ અમેરિકાના માર્કેટમાં મલ્ટીપલ માયલોમાની સારવારમાં વપરાતી Pomalidomide કેપ્સ્યુલ લોન્ચ કરવાની જાહેરાત કરી છે. અમેરિકી બજારમાં સપ્ટેમ્બર 2025 સુધીના 12 મહિનામાં આ દવાનું અંદાજિત વેચાણ 3.2 બિલિયન ડોલર રહ્યું છે.

Greenply Industries: કંપની પર 26 ફેબ્રુઆરીથી ચાલી રહેલી આવકવેરા વિભાગ (IT) ની સર્ચ ઓપરેશનની કાર્યવાહી 2 માર્ચે પૂરી થઈ ગઈ છે. કંપનીએ તપાસમાં સંપૂર્ણ સહયોગ આપ્યો હોવાનું જણાવ્યું છે.

Affle 3I: ટેક કંપનીના કો-ફાઉન્ડર અને ડિરેક્ટર અનુજ કુમારે 16 એપ્રિલ 2026 થી પોતાના તમામ પદો પરથી રાજીનામું આપવાની જાહેરાત કરી છે, જોકે તેઓ સૌથી મોટા વ્યક્તિગત શેરધારક તરીકે કંપની સાથે જોડાયેલા રહેશે.

Info Edge: ફેબ્રુઆરીના જોબ્સપીક રિપોર્ટ મુજબ આઇટી સેક્ટરમાં નોકરીઓમાં સુધારો આવ્યો છે. IT હાયરિંગ 6 ટકા વધ્યું છે. આ ઉપરાંત ઇન્શ્યોરન્સ સેક્ટરમાં 28 ટકા અને BPO તથા ITES સેક્ટરમાં નોકરીઓ 22 ટકા વધી છે.

HDB Financial: કંપનીના ચીફ બિઝનેસ ઓફિસર કાર્તિક શ્રીનિવાસને 31 માર્ચ 2026 થી પોતાના પદ પરથી રાજીનામું આપવાની જાહેરાત કરી છે.

(Disclaimer: અહીં આપેલી માહિતી માત્ર એજ્યુકેશન અને સમાચારના હેતુથી છે. શેરબજારમાં રોકાણ બજારના જોખમોને આધીન છે. કોઈપણ શેરમાં પૈસા લગાવતા પહેલા તમારા નાણાકીય સલાહકાર (Financial Advisor) ની સલાહ ચોક્કસ લો.)

આ પણ વાંચો - US-ઇરાન યુદ્ધ અને ભારતીય શેરબજાર: ક્રૂડ ઓઇલના ભાવ વધશે તો શું થશે? જાણો એક્સપર્ટનો મત