Stocks to Watch: આજે આ 9 સ્ટોક્સમાં જોવા મળશે મોટી હલચલ, Tata Steelથી લઈને IOB પર રાખો નજર

Stocks to Watch: ગુરુવારના ટ્રેડિંગ સેશન બાદ ઘણી કંપનીઓ અંગે મહત્વના સમાચાર સામે આવ્યા છે. આ સમાચારોની સીધી અસર શુક્રવાર, 13 માર્ચના રોજ શેરબજારમાં જોવા મળી શકે છે. કેટલીક કંપનીઓએ ફંડ એકત્ર કરવાની જાહેરાત કરી છે, તો કેટલીક કંપનીઓ લીગલ મેટર્સ અને નવા ઓર્ડરને કારણે ચર્ચામાં છે.

આજે અમે તમને એવા 9 સ્ટોક્સ (Stocks) વિશે જણાવીશું જેના પર શુક્રવારના ટ્રેડિંગ સેશનમાં રોકાણકારોની ખાસ નજર રહેશે.

1. Tata Steel (ટાટા સ્ટીલ)

ટાટા ગ્રુપની દિગ્ગજ કંપની Tata Steel એ ઝારખંડ હાઈકોર્ટમાં એક પિટિશન દાખલ કરી છે. આ મામલો GST સાથે જોડાયેલો છે. કંપનીએ જમશેદપુરના CGST અને સેન્ટ્રલ એક્સાઈઝ કમિશનરના આદેશને કોર્ટમાં પડકાર્યો છે. હકીકતમાં, આ ઓર્ડરમાં કંપનીને 493.35 કરોડ રૂપિયાનો GST ભરવા માટે કહેવામાં આવ્યું છે, જેનો કંપની વિરોધ કરી રહી છે.

કંપની ફંડ એકત્ર કરવાની યોજના બનાવી રહી છે. મેક્સ ફાઈનાન્શિયલના બોર્ડે 2,000 કરોડ રૂપિયા સુધીનું ફંડ એકત્ર કરવા માટે મંજૂરી આપી દીધી છે. આ રકમ Qualified Institutional Placement (QIP) અથવા અન્ય માન્ય પદ્ધતિઓ દ્વારા એક કે તેથી વધુ તબક્કામાં એકત્ર કરવામાં આવશે. કંપનીનું કહેવું છે કે આ ફંડથી તેમનો કેપિટલ બેઝ મજબૂત થશે.

3. Manorama Industries (મનોરમા ઇન્ડસ્ટ્રીઝ)

આ કંપની પણ ફંડ એકત્ર કરવાના મોડમાં છે. બોર્ડે ઇક્વિટી શેર્સ અથવા અન્ય સિક્યોરિટીઝ દ્વારા 500 કરોડ રૂપિયા સુધીનું ફંડ ઉભું કરવાની મંજૂરી આપી છે. આ પ્રક્રિયા માટે હજુ શેરધારકો અને નિયમનકારી મંજૂરી લેવાની બાકી છે.

4. Balaji Amines (બાલાજી એમાઇન્સ)

આ કંપની માટે પશ્ચિમ એશિયામાં ચાલી રહેલું યુદ્ધ મુશ્કેલીનું કારણ બન્યું છે. યુદ્ધના કારણે લોજિસ્ટિક્સમાં સમસ્યા આવી રહી છે, જેના લીધે એમોનિયા (Ammonia)ની સપ્લાય ખોરવાઈ ગઈ છે. એમોનિયા આ કંપની માટે મુખ્ય કાચો માલ છે. કાચા માલની અછતને કારણે કંપનીએ તેના કેટલાક પ્લાન્ટ કામચલાઉ ધોરણે બંધ કરવા પડ્યા છે.

5. JK Lakshmi Cement (જેકે લક્ષ્મી સિમેન્ટ)

જેકે લક્ષ્મી સિમેન્ટ માટે સારા સમાચાર છે. આસામ સરકાર દ્વારા યોજાયેલા ઈ-ઓક્શનમાં કંપનીને 'જુઈપહાડ ન્યૂ ઉમરંગસો લાઈમસ્ટોન બ્લોક' (A અને B) માટે પસંદગીના બિડર (Preferred Bidder) તરીકે જાહેર કરવામાં આવી છે. આ માઈનિંગ લીઝ આસામમાં લગભગ 405 હેક્ટર વિસ્તારમાં ફેલાયેલી છે.

6. Indian Overseas Bank (IOB)

જાહેર ક્ષેત્રની આ બેંકે તેના MCLR (માર્જિનલ કોસ્ટ ઓફ ફંડ્સ બેઝ્ડ લેન્ડિંગ રેટ) માં ફેરફાર કર્યો છે. બેંકે 1 મહિનાના MCLR માં 10 બેસિસ પોઈન્ટનો ઘટાડો કરીને તેને 8.20% કરી દીધો છે. જ્યારે 1 વર્ષનો MCLR 8.80% પર યથાવત રાખવામાં આવ્યો છે. બેંક મુજબ, આ સુધારેલા દરો 15 માર્ચ 2026 થી અમલમાં આવશે.

7. Nectar Lifesciences (નેક્ટર લાઈફસાયન્સીઝ)

કંપનીના બોર્ડે તેની સબસિડિયરી કંપની Avensis Exports Private Ltd ને 100 કરોડ રૂપિયા સુધીની લોન આપવાની મંજૂરી આપી છે. આ એક અનસિક્યોર્ડ લોન હશે, જેના પર વાર્ષિક 12% વ્યાજ લેવામાં આવશે અને તેની મુદત 10 વર્ષની રહેશે.

8. Gandhar Oil Refinery (ગાંધાર ઓઈલ)

પશ્ચિમ એશિયાના તણાવની અસર ગાંધાર ઓઈલ પર પણ પડી છે. કંપનીએ જણાવ્યું છે કે છેલ્લા 15 દિવસમાં બેઝ ઓઈલ (Base Oil) ના ભાવમાં લગભગ 20% નો વધારો થયો છે અને ફ્રેટ ચાર્જ પણ વધ્યો છે. જોકે, રાહતની વાત એ છે કે કંપનીની UAE સ્થિત સબસિડિયરી પાસે હાલ પૂરતો સ્ટોક ઉપલબ્ધ છે.

9. Vascon Engineers (વાસ્કોન એન્જિનિયર્સ)

વાસ્કોન એન્જિનિયર્સને ગુજરાતમાંથી એક મોટો ઓર્ડર મળ્યો છે. કંપનીને અમદાવાદમાં ‘લોટસ પાર્ક ડેવલપમેન્ટ પ્રોજેક્ટ' માટે 115.90 કરોડ રૂપિયાનો કોન્ટ્રાક્ટ મળ્યો છે. આ ઓર્ડર મળવાથી કંપનીના રિયલ એસ્ટેટ બિઝનેસને વેગ મળશે.

આ પણ વાંચો- Gold Price Today: ઈરાન યુદ્ધ વચ્ચે સોના અને ચાંદીના ભાવમાં કડાકો, જાણો આજના લેટેસ્ટ રેટ

ડિસ્ક્લેમર: અહીં આપેલી માહિતી ફક્ત સમાચાર અને જાણકારીના હેતુ માટે છે. શેરબજારમાં રોકાણ કરતા પહેલા તમારા આર્થિક સલાહકારની મદદ લેવી હિતાવહ છે.