Stocks to Watch: સેન્સેક્સની એક્સપાયરી પર આ શેર્સમાં જોવા મળશે હલચલ, ઈન્ફોસિસ અને ટ્રેન્ટ સહિતના સ્ટોક્સ પર રહેશે નજર

Stocks to Watch: વૈશ્વિક બજારોમાં જોવા મળી રહેલા વેચવાલીના દબાણને કારણે આજે ભારતીય શેરબજારની શરૂઆત લાલ નિશાનમાં થાય તેવા સંકેતો મળી રહ્યા છે. આજે સેન્સેક્સની વીકલી એક્સપાયરી હોવાથી માર્કેટમાં ભારે ઉતાર-ચઢાવ જોવા મળી શકે છે. અગાઉના ટ્રેડિંગ સેશનમાં એટલે કે 22 એપ્રિલે સેન્સેક્સ 756.84 પોઈન્ટના ઘટાડા સાથે 78,516.49 અને નિફ્ટી 198.50 પોઈન્ટ ઘટીને 24,378.10 પર બંધ થયા હતા.

ઇન્ટ્રા-ડે ટ્રેડિંગ માટે આજે કેટલાક ખાસ શેરોમાં મોટી હલચલ જોવા મળી શકે છે, જેની વિગતો નીચે મુજબ છે.

આજે આ કંપનીઓના પરિણામો પર રહેશે નજર

આજે અનેક દિગ્ગજ કંપનીઓ પોતાના ત્રિમાસિક પરિણામો જાહેર કરવાની છે, જેમાં મુખ્યત્વે ઈન્ફોસિસ, ટાટા કેપિટલ અને અદાણી એનર્જી સોલ્યુશન્સ.

પરિણામો બાદ આ શેરોમાં એક્શન દેખાશે

Trent: ટ્રેન્ટનો નફો 32.6% વધીને 413.1 કરોડ રૂપિયા થયો છે. કંપનીએ 1:2 ના રેશિયોમાં બોનસ શેર આપવાની અને રાઈટ્સ ઈશ્યુ દ્વારા 2,500 કરોડ રૂપિયા એકઠા કરવાની મંજૂરી આપી છે.

L&T Tech Services: કંપનીના નફામાં 6.8% નો વધારો થયો છે. બોર્ડ દ્વારા પ્રતિ શેર 40 રૂપિયાના ડિવિડન્ડની જાહેરાત કરવામાં આવી છે.

Tata Communications: નફામાં 74.7% નો ઘટાડો નોંધાયો છે, પરંતુ રેવન્યુ 9.4% વધી છે. કંપનીએ 17.5 રૂપિયા ડિવિડન્ડ જાહેર કર્યું છે.

Oracle Financial: કંપનીના નફામાં 30.7% નો મોટો ઉછાળો જોવા મળ્યો છે.

કોર્પોરેટ ન્યૂઝ અને બિઝનેસ અપડેટ્સ

1. Infosys: ઈન્ફોસિસ દ્વારા OpenAI સાથે વ્યૂહાત્મક ભાગીદારીની જાહેરાત કરવામાં આવી છે. આ ભાગીદારી હેઠળ કંપની એઆઈ મોડલ્સનો ઉપયોગ કરીને એન્ટરપ્રાઈઝ સોફ્ટવેર ડેવલપ કરશે.

2. Jio Financial Services: કંપનીએ જર્મનીના અલાયન્ઝ ગ્રુપ સાથે જોઈન્ટ વેન્ચર કરવા માટે કરાર કર્યા છે. આ બંને કંપનીઓ ભારતમાં લાઈફ ઈન્સ્યોરન્સ બિઝનેસમાં સાથે કામ કરશે.

3. Lemon Tree Hotels: રાયપુર અને જલંધરમાં બે નવી હોટલ સંપત્તિઓ માટે કંપનીએ લાયસન્સ એગ્રીમેન્ટ કર્યા છે.

4. Eveready Industries: કંપનીએ જમ્મુમાં 200 કરોડના રોકાણ સાથે અલ્કલાઇન બેટરીના નવા મેન્યુફેક્ચરિંગ પ્લાન્ટનું ઉદ્ઘાટન કર્યું છે.

સબસ્ક્રાઇબર્સ ડેટા અને એક્સ-ડેટ

ટેલિકોમ: માર્ચ મહિનામાં રિલાયન્સ જીયોએ 32.27 લાખ, એરટેલે 50.94 લાખ અને વોડા આઈડિયાએ 1.02 લાખ નવા યુઝર્સ ઉમેર્યા છે.

Ex-Dividend: આજે ક્રિસિલ (Crisil) અને શેફલર ઈન્ડિયાના શેર એક્સ-ડિવિડન્ડ ટ્રેડ થશે.

F&O Ban: આજે પણ SAIL (સેલ) પર પ્રતિબંધ ચાલુ હોવાથી નવી પોઝિશન લઈ શકાશે નહીં.

આજે આઈટી અને ટેલિકોમ સેક્ટરના શેરોમાં સમાચારોને આધારે ભારે વોલેટિલિટી જોવા મળી શકે છે.

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.

આ પણ વાંચો-Trent Q4 Results: ટાટા ગ્રુપની કંપનીએ કરી કમાલ, નફામાં 30%નો ઉછાળો, રોકાણકારોને મળશે બોનસ શેર અને ડિવિડન્ડ