શેરબજાર પર આજે દેખાશે આ 10 મોટા સમાચારોની અસર: ક્રૂડ ઓઇલ 110 ડોલર પાર, HDFC બેન્ક અને US Fedના નિર્ણયોથી માર્કેટમાં મચ્યો હાહાકાર

Stock Market Today: જો તમે શેરબજારમાં રોકાણ કરો છો અથવા આજે કોઈ નવો ટ્રેડ લેવાનું વિચારી રહ્યા છો, તો તમારે થોડું સાવધાન રહેવાની જરૂર છે. ગ્લોબલ માર્કેટમાંથી અત્યારે ખૂબ જ મોટા અને ચિંતાજનક સમાચારો આવી રહ્યા છે. પશ્ચિમ એશિયામાં ચાલી રહેલા યુદ્ધ અને એનર્જી ઈન્ફ્રાસ્ટ્રક્ચર પર થયેલા હુમલાને કારણે દુનિયાભરના બજારોમાં ગભરાટનો માહોલ છે. અમેરિકામાં પણ મોંઘવારી વધવાના આંકડાઓએ દબાણ વધાર્યું છે. ચાલો, આજના માર્કેટને અસર કરનારા તમામ મોટા સમાચારો પર એક નજર કરીએ.

US Fedનો નિર્ણય અને મોંઘવારીની ચિંતા

અમેરિકાની સેન્ટ્રલ બેન્ક (US Federal Reserve) એ પોતાના વ્યાજદરોમાં કોઈ ફેરફાર કર્યો નથી. તેમણે બેન્ચમાર્ક વ્યાજ દર 3.5 થી 3.75 ટકાની વચ્ચે જાળવી રાખ્યો છે. ફેડના ચેરમેન જેરોમ પોવેલે સ્પષ્ટ કહ્યું છે કે ક્રૂડ ઓઇલ અને એનર્જીની વધતી કિંમતો ફરી એકવાર મોંઘવારી વધારી શકે છે. અત્યારે દુનિયામાં જે ભૌગોલિક રાજકીય તણાવ ચાલી રહ્યો છે તેની આર્થિક અસર વિશે હજુ કંઈ પણ કહેવું ઉતાવળ ગણાશે.

ગ્લોબલ માર્કેટમાં હાહાકાર અને ગિફ્ટ નિફ્ટીમાં કડાકો

18 માર્ચનો માર્કેટ ઓવરવ્યૂ

સેન્સેક્સ અને નિફ્ટીની સ્થિતિ છેલ્લા સેશનમાં (18 માર્ચ) ભારતીય શેરબજારમાં સતત ત્રીજા દિવસે તેજી જોવા મળી હતી. મોટી ખરીદી અને સારા ગ્લોબલ સંકેતોને કારણે સેન્સેક્સ 633 પોઈન્ટ (0.83 ટકા) ઉછળીને 76,704 પર બંધ થયો હતો. જ્યારે નિફ્ટી 197 પોઈન્ટ વધીને 23,778 પર બંધ થયો હતો. ઇન્ટ્રાડેમાં નિફ્ટીએ 23,862 ની લાઈફટાઈમ હાઈ સપાટી પણ પાર કરી હતી. પરંતુ આજની સ્થિતિ કંઈક અલગ જ દેખાઈ રહી છે.

FII અને DIIના આંકડા શું કહે છે?

વિદેશી રોકાણકારો (FIIs) હજુ પણ ભારતીય બજારમાંથી પૈસા કાઢી રહ્યા છે. 18 માર્ચના રોજ તેમણે 2,714 કરોડ રૂપિયાના શેર વેચ્યા હતા. બીજી તરફ, આપણા સ્થાનિક રોકાણકારો (DIIs) બજારને પૂરો સપોર્ટ કરી રહ્યા છે. તેમણે 3,253 કરોડ રૂપિયાની જોરદાર ખરીદી કરી હતી, જેના કારણે માર્કેટમાં મોટો ઘટાડો અટક્યો હતો.

ક્રૂડ ઓઇલ 110 ડોલરને પાર, સોના-ચાંદીમાં મોટો ઘટાડો

મિડલ ઈસ્ટમાં ‘એનર્જી વોર' શરૂ થવાના ડરથી ક્રૂડ ઓઇલના ભાવમાં આગ લાગી છે. ઇન્ટરનેશનલ માર્કેટમાં ક્રૂડનો ભાવ 110 ડોલર પ્રતિ બેરલની સપાટી કૂદાવી ગયો છે. બીજી બાજુ, US ફેડના કડક વલણને કારણે કિંમતી ધાતુઓમાં મોટું કરેક્શન આવ્યું છે. સોનાના ભાવમાં 4 ટકા અને ચાંદીના ભાવમાં 6 ટકાનો મોટો ઘટાડો નોંધાયો છે.

કતાર અને સાઉદી અરેબિયા પર ઈરાનનો હુમલો

ઈરાન અત્યારે આક્રમક મૂડમાં છે. મળતી માહિતી મુજબ, ઈરાને સાઉદી અરેબિયાની સૌથી મોટી રિફાઇનરી અરામકો (Aramco) પર હુમલો કર્યો છે. આ ઉપરાંત કતારની સૌથી મોટી ગેસ ફેસિલિટી Ras Laffan ને પણ નિશાન બનાવવામાં આવી છે. આ હુમલાને કારણે ગેસ ફેસિલિટી બંધ કરી દેવી પડી છે. જેનાથી દુનિયાભરમાં એનર્જી સંકટ ઊભું થવાનો મોટો ડર સતાવી રહ્યો છે.

HDFC બેન્કના ચેરમેનનું રાજીનામું અને કડાકો કોર્પોરેટ

જગતમાંથી એક ખૂબ જ ચોંકાવનારા સમાચાર આવ્યા છે. દેશની સૌથી મોટી પ્રાઇવેટ બેન્ક HDFC BANK ના ચેરમેન અતનુ ચક્રવર્તી (Atanu Chakraborty) એ પોતાના પદ પરથી રાજીનામું આપી દીધું છે. તેમણે બેન્કના એથિક્સ અને ગવર્નન્સ પર મોટા સવાલો ઊભા કર્યા છે. આ પરિસ્થિતિને જોતા રિઝર્વ બેન્ક (RBI) એ તાત્કાલિક અસરથી કેકી મિસ્ત્રી (Keki Mistry) ને 3 મહિના માટે વચગાળાના ચેરમેન તરીકે નિયુક્ત કર્યા છે. આ સમાચારની નેગેટિવ અસરને કારણે અમેરિકામાં HDFC Bank નો ADR 7 ટકાથી વધુ તૂટ્યો છે.

મણપ્પુરમ ફાઇનાન્સને RBI તરફથી મોટી રાહત

બીજી તરફ મણપ્પુરમ ફાઇનાન્સ (Manappuram Finance) ના રોકાણકારો માટે સારા સમાચાર છે. રિઝર્વ બેન્ક ઓફ ઇન્ડિયા (RBI) એ બેન કેપિટલ (Bain Capital) સાથેની ડીલને ફાઇનલ મંજૂરી આપી દીધી છે. આ ડીલ હેઠળ બેન કેપિટલ કંપનીમાં આશરે 42 ટકા હિસ્સો ખરીદવા માટે 4385 કરોડ રૂપિયાનું જંગી રોકાણ કરવા જઈ રહી છે.

આજના બજારમાં ભારે વોલેટિલિટી (ઉતાર-ચઢાવ) જોવા મળી શકે છે. ખાસ કરીને બેન્કિંગ અને એનર્જી સેક્ટરના શેરો ફોકસમાં રહેશે. રોકાણકારોએ આજે કોઈ પણ મોટો ટ્રેડ લેતા પહેલા સ્ટોપ-લોસ (Stop-Loss) નો કડક ઉપયોગ કરવો જોઈએ અને ગ્લોબલ ન્યૂઝ પર ચાંપતી નજર રાખવી જોઈએ.

આ પણ વાંચો- Share Market Crash: માત્ર 5 સેકન્ડમાં 7 લાખ કરોડ સ્વાહા! સેન્સેક્સમાં 1600 પોઈન્ટનો કડાકો, નિફ્ટી 23300ની નીચે ખાબક્યો

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.