UPI પેમેન્ટઃ પ્રીપેડ વોલેટથી પેમેન્ટ કરવાનું વધુ સરળ બન્યુ, જાણો સંપૂર્ણ પ્રક્રિયા

આજના સમયમાં UPI સામાન્ય લોકોના જીવનનો એક મહત્વપૂર્ણ ભાગ બની ગયો છે. લોકો બેન્ક એકાઉન્ટ નંબર વગર જ મોબાઈલ નંબર દ્વારા સરળતાથી એક ખાતામાંથી બીજા ખાતામાં નાણાં ટ્રાન્સફર કરી શકે છે. નાણાંની લેવડદેવડ કરવા માટે, UPI યુઝર્સ બે રીતે નાણાં બચાવી અને ટ્રાન્સફર કરી શકે છે.

પ્રથમ રસ્તો એ છે કે QR કોડ સ્કેન કરીને તમારા બેન્ક ખાતામાંથી સીધા જ બીજાના ખાતામાં નાણાંની લેવડદેવડ કરો. બીજા વિકલ્પમાં, તે UPI એપના વોલેટમાં નાણાં સ્ટોર કરીને અથવા ક્રેડિટ કાર્ડ દ્વારા પેમેન્ટ કરો.

નેશનલ પેમેન્ટ્સ કોર્પોરેશન ઓફ ઇન્ડિયાએ પ્રીપેડ પેમેન્ટ ઇન્સ્ટ્રુમેન્ટ્સને ઇન્ટરઓપરેબલ UPI ઇકોસિસ્ટમનો એક ભાગ બનાવ્યો છે. આવી સ્થિતિમાં યુઝર્સ હવે વોલેટ દ્વારા બીજા એકાઉન્ટમાં પૈસા ટ્રાન્સફર કરી શકે છે, પરંતુ આ માટે માત્ર એક જ શરત પૂરી કરવી પડશે. તે વેપારીએ આ સુવિધા પસંદ કરી હશે.આ સુવિધા પસંદ કરવા માટે, તે વેપારીએ 1.1 ટકાનો ઇન્ટરચેન્જ ચાર્જ ચૂકવવો પડશે. આ ચાર્જ માત્ર PPI મર્ચન્ટ ટ્રાન્ઝેક્શન પર જ લાગુ થશે અને આ માટે ગ્રાહકોએ કોઈપણ પ્રકારની ફી ચૂકવવાની રહેશે નહીં. ધ્યાનમાં રાખો કે આ PPI ચાર્જ 2,000 રૂપિયાથી વધુની રકમ પર જ લાગુ થશે.

NPCIના આ પગલા પછી, હવે UPI વૉલેટને પણ ઇન્ટર-ઓપરેબલ UPI ઇકોસિસ્ટમનો એક ભાગ તરીકે માન્યતા આપવામાં આવી છે. આ સાથે, UPI યુઝર્સને હવે ચુકવણી કરવા માટે વધુ વિકલ્પો મળશે.

પહેલા યુઝર્સ માત્ર બેન્ક ખાતા દ્વારા જ પેમેન્ટ કરી શકતા હતા, પરંતુ હવે તેમાં રુપે ક્રેડિટ કાર્ડ અને હવે વોલેટ પણ જોડવામાં આવ્યા છે.

વોલેટ દ્વારા UPI ચુકવણી કેવી રીતે કરવી

> વોલેટ દ્વારા ચૂકવણી કરવી ખૂબ જ સરળ છે. આમાં ગ્રાહકોએ કોઈપણ પ્રકારની ફી ચૂકવવાની રહેશે નહીં. PPI ચાર્જ પૈસા લેનાર વેપારીને ચૂકવવાનો રહેશે.

> વોલેટમાંથી પૈસા ચૂકવવા માટે, તમારે પહેલા તમારા બેન્ક એકાઉન્ટ અથવા ક્રેડિટ કાર્ડમાંથી UPI એપના વોલેટમાં પૈસા ઉમેરવા પડશે.

> QR કોડ સ્કેન કરીને ચુકવણીની રકમ દેખાશે.

> તમને ચુકવણી માટે બેન્ક એકાઉન્ટ અથવા વૉલેટનો વિકલ્પ દેખાશે.

> કોઈપણ એક પસંદ કરીને સરળતાથી ચુકવણી કરો.