Share Market: ફટાફટ વેચી દો આ શેર! 8 મહિનામાં અડધા કર્યા પૈસા, જાણો બ્રોકરેજ કેમ છે બેરિશ?

Westlife Foodworld share price: ભારતમાં મેકડોનાલ્ડ (McDonald's) ના રેસ્ટોરન્ટ્સ ચલાવતી કંપની વેસ્ટલાઈફ ફૂડવર્લ્ડ (Westlife Foodworld) ના શેરે તેના રોકાણકારોને મોટો ઝટકો આપ્યો છે. તેજ ગ્રોથ કરવા છતાં, આ એવો સ્ટોક છે જેણે માત્ર 8 જ મહિનામાં રોકાણકારોના પૈસા અડધાથી વધુ ઘટાડી દીધા છે. જોકે, છેલ્લા દોઢ મહિનામાં તેના નીચલા સ્તરેથી શેરમાં લગભગ 27% ની શાનદાર રિકવરી જોવા મળી છે. પરંતુ, આમ છતાં ઘરેલુ બ્રોકરેજ ફર્મ ICICI સિક્યોરિટીઝ આ શેરને લઈને હકારાત્મક નથી અને બેરિશ (Bearish) વલણ ધરાવે છે.

શુક્રવાર, 8 મે ના રોજ BSE પર આ શેર 0.54%ના સામાન્ય વધારા સાથે 504.75 પર બંધ થયો હતો. બ્રોકરેજ ફર્મનું માનવું છે કે આ શેર તેના હાલના લેવલથી હજુ પણ લગભગ 11% જેટલો તૂટી શકે છે. તો ચાલો ચેક કરીએ કે આ શેર તમારા પોર્ટફોલિયોમાં છે કે નહીં અને બ્રોકરેજ ફર્મ આટલી નેગેટિવ કેમ છે.

બ્રોકરેજ ફર્મ શેર પર કેમ છે બેરિશ?

બ્રોકરેજ ફર્મ ICICI સિક્યોરિટીઝના રિપોર્ટ અનુસાર, કંપનીનું એક્સપેન્શન (વિસ્તાર) અને એક્ઝિક્યુશન ભલે મજબૂત હોય, પરંતુ માર્કેટમાં માંગ (Demand)ની રિકવરી હજુ પણ એટલી નથી કે તે કંપનીની કમાણી (Earnings Quality) માં મોટો સુધારો લાવી શકે.

ઓછો ગ્રોથ: ગ્રાહકોની સંખ્યા અને ડાઈન-ઈન ટ્રેન્ડમાં થોડો સુધારો ચોક્કસ દેખાયો છે, પરંતુ ગ્રોથનું મુખ્ય કારણ સસ્તા દરની ઓફર્સ અને નવો નેટવર્ક વિસ્તાર છે. આ જ કારણે કંપનીનો SSSG (સેમ-સ્ટોર-સેલ્સ-ગ્રોથ) હજુ પણ 1.5% ના નીચલા લેવલ પર અટકેલો છે.

માર્જિન પર દબાણ: મેનેજમેન્ટ સ્ટોર્સની સંખ્યા ફટાફટ વધારવા અને વેલ્યુ પર ફોકસ કરી રહ્યું છે, જેનાથી રેવેન્યુ તો વધશે પરંતુ બજારમાં રહેલી કડક હરીફાઈ (Competition) અને ગ્રોથ માટે સતત રોકાણની જરૂરિયાતને લીધે માર્જિન વધવાની સ્પીડ ધીમી રહી શકે છે.

વેલ્યુએશન વધુ પડતું: કંપની ઓપરેટિંગ મોરચે સ્થિર છે અને દક્ષિણ ભારતના બજારોમાં થોડી રિકવરી દેખાઈ રહી છે, પરંતુ તેની સરખામણીમાં શેરનું વેલ્યુએશન ઘણું આગળ ચાલી રહ્યું છે.

આ તમામ પરિબળોને ધ્યાનમાં રાખીને, બ્રોકરેજ ફર્મે આ શેરને 'Reduce' (ઘટાડો) રેટિંગ આપ્યું છે અને તેનો નવો ટાર્ગેટ પ્રાઇસ 450 નક્કી કર્યો છે.

છેલ્લા એક વર્ષમાં કેવી રહી શેરની ચાલ?

વેસ્ટલાઈફ ફૂડવર્લ્ડના શેરે રોકાણકારોને ભારે નિરાશ કર્યા છે. ગત વર્ષે 9 જુલાઈ 2025 ના રોજ BSE પર આ શેર 814.60 પર ટ્રેડ થઈ રહ્યો હતો, જે તેના માટે એક વર્ષનો રેકોર્ડ હાઈ લેવલ હતો. પરંતુ આ ટોચના સ્તરે પહોંચ્યા પછી માત્ર 8 જ મહિનામાં શેર 51.10% જેટલો કડડભૂસ થઈ ગયો હતો અને 23 માર્ચ 2026 ના રોજ 398.35 પર આવી ગયો હતો. આ લેવલ શેર માટે એક વર્ષનું સૌથી નીચલું સ્તર છે.

આ પણ વાંચો-  Swiggy Q4 Results : સ્વિગીની આવકમાં 45% નો મોટો ઉછાળો, નુકસાન ઘટીને 800 કરોડ રૂપિયા પર પહોંચ્યું

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.