બર્જર પેઇન્ટ્સના શેરમાં 9%નો તોફાની ઉછાળો: માર્ચ 2026ના શાનદાર પરિણામો અને 12 ક્વાર્ટરના હાઈ માર્જિને રોકાણકારોને કર્યા ખુશ

Berger Paints Share Price: શેર બજારમાં આજે પેઇન્ટ સેક્ટરની દિગ્ગજ કંપની બર્જર પેઇન્ટ્સ (Berger Paints) ના શેરોએ ધૂમ મચાવી છે. જાન્યુઆરી-માર્ચ 2026 ના શાનદાર ત્રિમાસિક પરિણામો સામે આવ્યા બાદ કંપનીના શેરમાં 9% થી વધુનો જબરદસ્ત ઉછાળો જોવા મળ્યો છે. ડબલ ડિજિટ વોલ્યુમ ગ્રોથ અને ગ્રોસ માર્જિન 12 ક્વાર્ટર (ત્રિમાસિક) ના રેકોર્ડ હાઈ પર પહોંચતા આજે શેર બજારમાં રોકાણકારોએ જશ્ન મનાવ્યો હતો.

ચાલો જાણીએ કંપનીના પરિણામોની ખાસ વાતો અને નાણાકીય વર્ષ 2027 માટે કંપનીનો પ્લાન શું છે.

શેરની બજારમાં આજની સ્થિતિ

‘Dulux' બ્રાન્ડ માટે જાણીતી આ કંપનીના શાનદાર રિઝલ્ટને કારણે શેરમાં જબરદસ્ત ખરીદી જોવા મળી હતી. BSE પર આ શેર ઈન્ટ્રા-ડેમાં 9.21% ઉછળીને 532.75ની સપાટીએ પહોંચી ગયો હતો. જોકે, ઉપલા સ્તરે કેટલાક રોકાણકારોએ નફો બુક કરતા શેરમાં થોડી નરમાશ આવી હતી, છતાં નીચલા સ્તરેથી સતત ખરીદીના સપોર્ટથી શેર 5.65% ના મજબૂત વધારા સાથે 515.35 પર ટ્રેડ કરી રહ્યો છે.

કંપનીએ માર્ચ 2026 ક્વાર્ટરમાં દરેક મોરચે શાનદાર પ્રદર્શન કર્યું છે. અહીં તેના મુખ્ય આંકડાઓ પર નજર કરીએ:

રેવેન્યુ (આવક): વાર્ષિક ધોરણે 6% વધીને 2,868.03 કરોડ નોંધાઈ છે.

ચોખ્ખો નફો: નફામાં 28% નો મોટો ઉછાળો આવ્યો છે અને તે 335.25 કરોડ પર પહોંચી ગયો છે.

ગ્રોસ માર્જિન: કંપનીનું ગ્રોસ માર્જિન 42.7% થી વધીને 44.2% થઈ ગયું છે, જે છેલ્લા 12 ક્વાર્ટરનું સૌથી ઉચ્ચ સ્તર છે.

ઓપરેટિંગ પ્રોફિટ: 13% વધીને 481.67 કરોડ થયો છે.

ઓપરેટિંગ માર્જિન: 15.8% થી સુધરીને 16.8% પર પહોંચી ગયું છે.

વોલ્યુમ ગ્રોથ: કંપનીએ શાનદાર 11.8% નો વોલ્યુમ ગ્રોથ નોંધાવ્યો છે.

બિઝનેસ અને માર્કેટ શેરની સ્થિતિ

બર્જર પેઇન્ટ્સના મેનેજમેન્ટ અનુસાર, ભારતીય પેઇન્ટ માર્કેટમાં કંપની હજુ પણ આશરે 20% હિસ્સેદારી જાળવી રાખી છે. કન્સ્ટ્રક્શન કેમિકલ્સ અને વોટરપ્રૂફિંગ બિઝનેસમાં કંપની સારું પ્રદર્શન કરી રહી છે.

આ ઉપરાંત, પ્રોટેક્ટિવ કોટિંગ્સ સેગમેન્ટમાં વોલ્યુમ અને વેલ્યુ બંનેમાં સિંગલ-ડિજિટ ગ્રોથ જોવા મળ્યો છે, જ્યારે ઓટોમોટિવ કોટિંગ્સ બિઝનેસમાં ડબલ-ડિજિટ વોલ્યુમ ગ્રોથ નોંધાયો છે.

નાણાકીય વર્ષ 2027 માટે શું છે તૈયારી?

કંપનીને આશા છે કે માર્ચ મહિનાથી પેઇન્ટની કિંમતોમાં જે વધારો કરવામાં આવ્યો છે, તેનાથી આવનારા સમયમાં ગ્રોસ માર્જિનને સારો સપોર્ટ મળશે. જોકે, મેનેજમેન્ટે ચેતવણી પણ આપી છે કે બજારમાં હરીફાઈ (કોમ્પિટિશન) વધુ તીવ્ર બની શકે છે, તેથી તેઓ ગ્રાહકોની માંગ પર બારીકાઈથી નજર રાખી રહ્યા છે.

ડિસ્ટ્રિબ્યુશન નેટવર્કની વાત કરીએ તો, બર્જર પેઇન્ટ્સના રિટેલ સ્ટોર્સની સંખ્યા વધીને 1,900 ની આસપાસ પહોંચી ગઈ છે, જ્યારે ટિન્ટિંગ મશીનોનો આંકડો 10,000 યુનિટ્સને પાર કરી ગયો છે, જે કંપનીની મજબૂત પહોંચ દર્શાવે છે.

છેલ્લા એક વર્ષમાં શેરની ચાલ કેવી રહી?

જોકે આજનો દિવસ સારો રહ્યો, પરંતુ છેલ્લા એક વર્ષમાં આ શેરે રોકાણકારોની ધીરજની કસોટી લીધી છે. ગત વર્ષે 3 જુલાઈ 2025 ના રોજ આ શેર BSE પર 604.60 ના ભાવે હતો, જે તેનો 52 વીક હાઈ (રેકોર્ડ સ્તર) છે. પરંતુ ત્યાંથી 8 મહિનામાં જ આ શેરમાં ભારે ઘટાડો આવ્યો અને તે 35.25% તૂટીને 16 માર્ચ 2026 ના રોજ 391.50 ના એક વર્ષના સૌથી નીચલા સ્તરે (52 વીક લો) પહોંચી ગયો હતો. જોકે, હવે આ મજબૂત પરિણામો બાદ શેરમાં ફરીથી રિકવરીનો ટ્રેન્ડ શરૂ થયો છે.

આ પણ વાંચો- Vodafone Idea Share Price: કુમાર મંગલમ બિરલાની નવી મૂડી આવવાના સમાચારથી વોડાફોન આઇડિયાનો શેર બન્યો રોકેટ, રોકાણકારો ખુશ

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.