ગૌતમ અદાણી માટે અમેરિકાથી આવ્યા મોટા સમાચાર: લાંચ અને છેતરપિંડીના તમામ કેસ રદ, જાણો કોર્ટે શું કહ્યું?

US Court dismisses Adani case: અદાણી ગ્રુપ અને તેના ચેરમેન ગૌતમ અદાણી માટે અમેરિકાથી અત્યંત રાહત આપનારા સમાચાર સામે આવ્યા છે. અમેરિકન કોર્ટે ગૌતમ અદાણી અને સાગર અદાણી સામે ચાલી રહેલા લાંચ અને છેતરપિંડીના તમામ ગુનાહિત આરોપોને સત્તાવાર રીતે ફગાવી દીધા છે. આ નિર્ણયથી વૈશ્વિક સ્તરે અદાણી ગ્રુપની છબી વધુ મજબૂત બની છે અને તેમના પર લટકતી તલવાર દૂર થઈ છે.

કોર્ટે કેસ કાયમ માટે બંધ કર્યો

ન્યૂયોર્કના ઈસ્ટર્ન ડિસ્ટ્રિક્ટના યુએસ ડિસ્ટ્રિક્ટ જજ નિકોલસ ગારૌફિસે આ કેસમાં મહત્વનો ચુકાદો આપ્યો છે. તેમણે ફેડરલ પ્રોસિક્યુટર્સ ને અદાણી સામેના આરોપો પાછા ખેંચવાની મંજૂરી આપીને આ કેસને કાયમી ધોરણે બંધ કરી દીધો છે. જજે જાહેર હિત અને કાયદાકીય બાબતોને ધ્યાનમાં રાખીને વકીલો પાસે કેસ પાછો ખેંચવાનું કારણ માંગ્યું હતું, જેના જવાબથી સંતુષ્ટ થઈને આ નિર્ણય લેવાયો છે.

ગૌતમ અદાણીની પ્રતિક્રિયા: ‘સત્યની જીત થઈ'

As US judge dismisses criminal case against Gautam Adani, Adani Group Chairman Gautam Adani tweets, "I welcome the US court’s decision with humility and deep respect for the judicial process. Throughout this challenging period, our faith in truth, fairness and the rule of law… pic.twitter.com/bbMFbtqu03

— ANI (@ANI) August 10, 2026

અમેરિકન સરકારે સ્વીકારી પોતાની ભૂલ

યુએસ ડિપાર્ટમેન્ટ ઓફ જસ્ટિસ (DoJ) એ કોર્ટમાં સ્પષ્ટપણે સ્વીકાર્યું કે અદાણી ગ્રુપ સામેનો આ કેસ કાયદાકીય રીતે ખૂબ જ નબળો હતો. DoJ એ જે મુખ્ય વાતો કોર્ટમાં જણાવી તે નીચે મુજબ છે:

ભારતનો આંતરિક મામલો: આ કેસ સંપૂર્ણપણે ભારત સાથે સંકળાયેલો હતો. જેમાં ભારતીય અધિકારીઓ, ભારતીય કંપનીઓ અને ભારતમાં વીજળી પૂરા પાડવાના કોન્ટ્રાક્ટની જ વાત હતી. તેથી અમેરિકન કોર્ટનું આમાં કોઈ અધિકારક્ષેત્ર બનતું ન હતું.

અમેરિકા વિશ્વની પોલીસ નથી: સરકારી વકીલોએ માન્યું કે અમેરિકાએ 'વિશ્વની પોલીસ' બનીને અન્ય દેશોના આંતરિક મામલામાં માથું મારવું ન જોઈએ. ભારત પોતાની કાયદાકીય વ્યવસ્થા સંભાળવા માટે સંપૂર્ણ સક્ષમ છે.

સમયનો બગાડ: આવા બિનજરૂરી કેસથી બે દેશોના રાજદ્વારી સંબંધો બગડે છે અને કિંમતી સમય તથા સંસાધનોનો ખોટો વેડફાટ થાય છે.

રોકાણની અફવાઓનું ખંડન

કોર્ટની કાર્યવાહી દરમિયાન મીડિયામાં ચાલતી એ અફવાઓને પણ ફગાવી દેવામાં આવી હતી, જેમાં એવો દાવો થતો હતો કે અદાણી ગ્રુપ દ્વારા અમેરિકામાં મોટા રોકાણની ઓફરના કારણે આ કેસ રદ કરાયો છે. પ્રિન્સિપલ એસોસિએટ ડેપ્યુટી એટર્ની જનરલ આર ટ્રેન્ટ મેકકોટેરે કોર્ટમાં સ્પષ્ટતા કરી કે, આ નિર્ણયમાં કોઈ પણ સંભવિત રોકાણની કોઈ જ ભૂમિકા નથી. માત્ર ને માત્ર કેસમાં રહેલી કાયદાકીય ખામીઓના કારણે જ આ આરોપો પાછા ખેંચવામાં આવ્યા છે.

અંતે, આ નિર્ણયથી એ સાબિત થયું છે કે અદાણી ગ્રુપ સામે લગાવવામાં આવેલા સિક્યોરિટીઝ ફ્રોડના આરોપો પાયાવિહોણા હતા. ગૌતમ અદાણી માટે આ સત્યની મોટી જીત છે, જે અદાણી ગ્રુપના રોકાણકારો માટે પણ એક સકારાત્મક સમાચાર છે.

આ પણ વાંચો- શેરબજારમાં મોટો કડાકો: સેન્સેક્સ 350 પોઈન્ટ તૂટ્યો, નિફ્ટી 24,500ની નીચે; જાણો રોકાણકારોના કરોડો રૂપિયા ડૂબવા પાછળના 4 મોટા કારણો