FY26 બિઝનેસ અપડેટ: આ 2 મેટલ શેરોમાં સોમવારે જોવા મળશે મોટો ઉછાળો, કંપનીઓના પ્રોડક્શનમાં જબરદસ્ત વધારો

FY26 business update: સોમવારે શેરબજાર ખુલતાની સાથે જ 2 સરકારી મેટલ કંપનીઓના શેરોમાં જબરદસ્ત એક્શન જોવા મળી શકે છે. હાલમાં જ Hindustan Copper અને NALCO (નાલ્કો) દ્વારા તેમનું FY26 નું બિઝનેસ અપડેટ જાહેર કરવામાં આવ્યું છે. આ બંને કંપનીઓના પ્રોડક્શન અને વેચાણમાં મોટો ઉછાળો જોવા મળ્યો છે, જેની સીધી અસર તેમના શેરો પર જોવા મળશે. ચાલો જાણીએ બંને કંપનીઓના લેટેસ્ટ આંકડા વિશે.

Hindustan Copper Limited (HCL)નું શાનદાર પરફોર્મન્સ

ગુરુવાર, 2 એપ્રિલના રોજ સરકારી કંપની હિન્દુસ્તાન કોપર લિમિટેડ (HCL) એ FY26 માટે પ્રોડક્શનના આંકડા રજૂ કર્યા હતા. કંપનીના પ્રોવિઝનલ ડેટા મુજબ, FY26 માં મેટલ ઇન કન્સન્ટ્રેટ (MIC) નું પ્રોડક્શન 27,421 ટન નોંધાયું છે, જે ગયા વર્ષની સરખામણીમાં 9% વધારે છે. આ ઉપરાંત, ઓર પ્રોડક્શન પણ વર્ષ-દર-વર્ષના આધારે 6% વધીને 3.67 મિલિયન ટન થઈ ગયું છે. આ આંકડા દર્શાવે છે કે કંપનીના માઇનિંગ કામકાજમાં ઘણો સુધારો આવ્યો છે.

Q3 ના પરિણામો અને ભવિષ્યનો અંદાજ

નેટ પ્રોફિટ: ગયા વર્ષના 63 કરોડથી ડબલ થઈને 156 કરોડ થયો.

રેવેન્યુ: 327.8 કરોડથી વધીને 687.3 કરોડ પર પહોંચી ગઈ.

EBITDA: 100% થી વધુ વધીને 244.4 કરોડ થયો અને માર્જિન 32.9% થી વધીને 35.6% થઈ ગયું.

મેનેજમેન્ટના જણાવ્યા અનુસાર, FY26 માં કંપનીના વોલ્યુમમાં 20%ના ગ્રોથની આશા છે અને માર્જિન 40% થી ઉપર રહેવાની શક્યતા છે. કંપનીની પ્રોડક્શન કોસ્ટ લગભગ $5,500 પ્રતિ ટન છે, જેનાથી તેને કોપરના ઊંચા ભાવનો સીધો ફાયદો થશે. ગુરુવારે NSE પર હિન્દુસ્તાન કોપરનો શેર 0.17% ના સામાન્ય ઘટાડા સાથે 495.15 પર બંધ થયો હતો.

NALCO એ નોંધાવ્યું અત્યાર સુધીનું સૌથી હાઇએસ્ટ પ્રોડક્શન

એક એક્સચેન્જ ફાઇલિંગ અનુસાર, મિનિસ્ટ્રી ઓફ માઇન્સ હેઠળ આવતી નવરત્ન કંપની નેશનલ એલ્યુમિનિયમ કંપની લિમિટેડ (NALCO) એ FY26 માટે અત્યાર સુધીનું પોતાનું સૌથી બેસ્ટ ઓપરેશનલ પરફોર્મન્સ આપ્યું છે.

નાલ્કોના પ્રોડક્શનના મુખ્ય આંકડા:

બોક્સાઈટ અને ટ્રાન્સપોર્ટેશન: બોક્સાઈટનું ખોદકામ 77.01 લાખ ટન રહ્યું, જ્યારે ટ્રાન્સપોર્ટેશન 6.13% વધીને 77.07 લાખ ટન સુધી પહોંચી ગયું.

એલ્યુમિના પ્રોડક્શન: એલ્યુમિના હાઇડ્રેટનું પ્રોડક્શન 23.00 લાખ ટન નોંધાયું. જ્યારે કેલ્સાઇન્ડ એલ્યુમિનાનું આઉટપુટ 11.16% વધીને 22.75 લાખ ટન થયું. કાસ્ટ મેટલનું પ્રોડક્શન 4.72 લાખ ટન રહ્યું.

પાવર અને કોલસો: કંપનીએ 40 લાખ ટન કોલસાના પ્રોડક્શન સાથે 6,953 મિલિયન યુનિટ પાવર જનરેટ કર્યો, જે અત્યાર સુધીનો સૌથી મોટો રેકોર્ડ છે.

વેચાણમાં પણ મોટો વધારો

વેચાણની વાત કરીએ તો, કુલ એલ્યુમિના સેલ્સ 30.74% ના ઉછાળા સાથે 14.46 લાખ ટન થઈ ગયું છે. એલ્યુમિનિયમ મેટલનું વેચાણ 2.82% વધીને 4.74 લાખ ટન થયું છે. ડોમેસ્ટિક માર્કેટમાં પણ વેચાણ 4.61 લાખ ટનના રેકોર્ડ સ્તરે પહોંચ્યું છે.

કંપનીના ચેરમેન અને મેનેજિંગ ડિરેક્ટર બ્રિજેન્દ્ર પ્રતાપ સિંહે જણાવ્યું હતું કે, આ શાનદાર પરફોર્મન્સ કંપનીના સિસ્ટમેટિક કામકાજ અને ગ્રોથ પરના ફોકસનું પરિણામ છે. ગુરુવારે NSE પર NALCO નો શેર 0.53% વધીને 401.55 પર બંધ થયો હતો.

આ પણ વાંચો- Gold Price Today: ગુડ ફ્રાઈડે પર સોનું અને ચાંદી થયા સસ્તા, ખરીદી કરતા પહેલા ચેક કરો આજના લેટેસ્ટ રેટ

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.