Gold Price Today: ગુડ ફ્રાઈડે પર સોનું અને ચાંદી થયા સસ્તા, ખરીદી કરતા પહેલા ચેક કરો આજના લેટેસ્ટ રેટ

Gold Price Today: ગુડ ફ્રાઈડેના પવિત્ર તહેવાર પર સોના અને ચાંદીની ખરીદી કરવાનું વિચારતા લોકો માટે સારા સમાચાર છે. 3 એપ્રિલની સવારે દેશભરમાં સોના અને ચાંદીની કિંમતોમાં નોંધપાત્ર ઘટાડો જોવા મળ્યો છે. જો તમે આજે દાગીના બનાવડાવવાનું વિચારી રહ્યા છો, તો ઘરની બહાર નીકળતા પહેલા આજના નવા રેટ ચોક્કસથી જાણી લો.

આંતરરાષ્ટ્રીય તણાવ અને ક્રૂડ ઓઈલની અસર

હાલમાં આંતરરાષ્ટ્રીય બજારમાં ભારે ઉથલપાથલ ચાલી રહી છે. એક્સપર્ટ્સના જણાવ્યા અનુસાર, ઇઝરાયેલ-અમેરિકા અને ઈરાન વચ્ચે સંઘર્ષ વધુ ભડકવાનો ડર વધી ગયો છે અને તેના જલ્દી ઉકેલની આશાઓ ધૂંધળી બની છે. અમેરિકી રાષ્ટ્રપતિ ડોનાલ્ડ ટ્રમ્પે એવી ચેતવણી આપી છે કે આગામી 2-3 અઠવાડિયામાં ઈરાન પર જોરદાર હુમલો કરવામાં આવશે. આ સમાચારને પગલે ક્રૂડ ઓઈલના ભાવમાં ફરી એકવાર મોટો ઉછાળો આવ્યો છે.

આ ઉપરાંત, વૈશ્વિક બજારમાં ડોલર 0.5 ટકા મજબૂત થઈને 99-100 ના સ્તર પર પહોંચી ગયો છે. મહત્ત્વના દરિયાઈ માર્ગ 'હોર્મુઝ સ્ટ્રેટ'માંથી પસાર થતા ક્રૂડ ઓઈલ અને ગેસના શિપમેન્ટમાં લાંબા સમય સુધી અડચણ આવવાની આશંકા છે. આ તમામ વૈશ્વિક કારણોસર વિદેશી વ્યાપારમાં કિંમતી ધાતુઓના ભાવ પર દબાણ વધ્યું છે.

આંતરરાષ્ટ્રીય બજારમાં હાજર સોનાનો ભાવ 4,591.52 ડોલર પ્રતિ ઔંસ ચાલી રહ્યો છે. એક દિવસ પહેલા દિલ્હીના ઝવેરી બજારમાં સોનાના ભાવમાં 3,500 રૂપિયા (2.26 ટકા) નો ઘટાડો થયો હતો અને ભાવ 1,51,500 રૂપિયા પ્રતિ 10 ગ્રામ પર આવી ગયો હતો.

ચાલો જાણીએ દેશના મુખ્ય શહેરોમાં આજનો 10 ગ્રામ સોનાનો ભાવ:

દિલ્હી: 24 કેરેટ સોનાનો ભાવ 149,110 રૂપિયા અને 22 કેરેટનો ભાવ 136,690 રૂપિયા છે.

મુંબઈ અને કોલકાતા: આ બંને શહેરોમાં 24 કેરેટ ગોલ્ડની કિંમત 148,960 રૂપિયા અને 22 કેરેટની કિંમત 136,540 રૂપિયા છે.

અમદાવાદ: ગુજરાતના અમદાવાદમાં 24 કેરેટ સોનું 149,010 રૂપિયા અને 22 કેરેટ સોનું 136,590 રૂપિયાના ભાવે ટ્રેડ થઈ રહ્યું છે.

ચેન્નઈ: અહીં 24 કેરેટ સોનાનો ભાવ 149,990 રૂપિયા અને 22 કેરેટનો ભાવ 137,490 રૂપિયા છે.

પુણે, બેંગલુરુ અને હૈદરાબાદ: આ શહેરોમાં 24 કેરેટ ગોલ્ડ 148,960 રૂપિયા અને 22 કેરેટ 136,540 રૂપિયાના સ્તરે છે.

જયપુર, લખનઉ અને ચંદીગઢ: અહીં 24 કેરેટનો ભાવ 149,110 રૂપિયા અને 22 કેરેટનો ભાવ 136,690 રૂપિયા છે.

ભોપાલ: 24 કેરેટ માટે 149,010 રૂપિયા અને 22 કેરેટ માટે 136,590 રૂપિયા ભાવ ચાલી રહ્યો છે.

Silver Price Today: ચાંદીના ભાવમાં પણ મોટો કડાકો

સોનાની સાથે સાથે ચાંદીની કિંમતોમાં પણ ઘટાડો જોવા મળ્યો છે. 3 એપ્રિલની સવારે ચાંદીનો ભાવ ઘટીને 249,900 રૂપિયા પ્રતિ કિલોગ્રામ પર આવી ગયો છે. ઉલ્લેખનીય છે કે, ગઈકાલે દિલ્હીના બજારમાં ચાંદીમાં 9,000 રૂપિયા 3.66 ટકાનો જંગી કડાકો બોલ્યો હતો, જેના કારણે ભાવ 2,37,000 રૂપિયા પ્રતિ કિલોગ્રામ રહી ગયો હતો. આંતરરાષ્ટ્રીય બજારમાં ચાંદીનો હાજર ભાવ અત્યારે 69.57 ડોલર પ્રતિ ઔંસ ચાલી રહ્યો છે. નોંધનીય છે કે આ વર્ષે જાન્યુઆરી મહિનામાં ચાંદીએ તેજી પકડી હતી અને તેની કિંમત 4 લાખ રૂપિયાનો આંકડો પણ પાર કરી ગઈ હતી.

વૈશ્વિક યુદ્ધની સ્થિતિ અને ડોલરની મજબૂતી વચ્ચે સ્થાનિક બજારમાં સોના-ચાંદીના ભાવમાં આવેલો આ ઘટાડો ગ્રાહકો માટે ખરીદીની એક સારી તક સાબિત થઈ શકે છે. જોકે, રોકાણ કરતા પહેલા માર્કેટના ટ્રેન્ડ પર નજર રાખવી હિતાવહ છે.

આ પણ વાંચો- ગ્લોબલ છટણી વચ્ચે યુવાનો માટે ખુશખબર: Deloitte ભારતમાં 50,000 નવી નોકરીઓ આપશે, AI ટ્રેનિંગ પર રહેશે ખાસ ફોકસ