Reliance Industries Q4 Results: રિલાયન્સનો ધમાકેદાર દેખાવ, વાર્ષિક નફામાં 16%નો તોતિંગ ઉછાળો; શેરધારકો માટે 6 ડિવિડન્ડની જાહેરાત

Reliance Industries Q4 Results: ભારતની સૌથી મોટી કંપની રિલાયન્સ ઇન્ડસ્ટ્રીઝ લિમિટેડ (RIL) એ 31 માર્ચ 2026ના રોજ પૂરા થયેલા ચોથા ક્વાર્ટર (Q4)ના નાણાકીય પરિણામો જાહેર કરી દીધા છે. માર્કેટ કેપની દ્રષ્ટિએ દેશની અગ્રણી એવી આ કંપનીએ ફરી એકવાર પોતાની મજબૂતી સાબિત કરી છે. કંપનીએ તેના શેરધારકો માટે પણ સારા સમાચાર આપતા ડિવિડન્ડની જાહેરાત કરી છે.

વાર્ષિક નફામાં 16%નો મોટો વધારો

આખા નાણાકીય વર્ષ 2026 ની વાત કરીએ તો, રિલાયન્સ ઇન્ડસ્ટ્રીઝનો નેટ પ્રોફિટ (ચોખ્ખો નફો) 80,775 કરોડ રૂપિયા રહ્યો છે. જે ગયા નાણાકીય વર્ષ 2025 ના 69,648 કરોડ રૂપિયાની સરખામણીએ 16% જેટલો વધુ છે. તે જ સમયે, કંપનીની કુલ આવક પણ 9.75% વધીને 10,75,675 કરોડ રૂપિયા પર પહોંચી ગઈ છે.

શેરધારકોને મળશે 6 ડિવિડન્ડ

ચોથા ક્વાર્ટરના પરિણામો પર એક નજર

જો માત્ર ચોથા ક્વાર્ટર (જાન્યુઆરી-માર્ચ 2026) ના આંકડા જોઈએ તો:

કન્સોલિડેટેડ આવક: વાર્ષિક ધોરણે 2.61 લાખ કરોડથી વધીને 2.94 લાખ કરોડ રૂપિયા રહી છે.

કન્સોલિડેટેડ નફો: ગયા વર્ષના સમાન ક્વાર્ટરમાં 19,407 કરોડ રૂપિયા હતો, જે આ વખતે ઘટીને 16,971 કરોડ રૂપિયા રહ્યો છે.

EBITDA: વાર્ષિક ધોરણે 43,832 કરોડથી વધીને 44,141 કરોડ રૂપિયા નોંધાઈ છે. જોકે, ક્વાર્ટર-ટુ-ક્વાર્ટરના ધોરણે તેમાં થોડો ઘટાડો જોવા મળ્યો છે.

બિઝનેસ સેગમેન્ટનો દેખાવ

O2C (ઓઈલ ટુ કેમિકલ): આ સેગમેન્ટની આવક વાર્ષિક ધોરણે વધીને 1.85 લાખ કરોડ રૂપિયા થઈ છે. જોકે, વૈશ્વિક પડકારોને કારણે આ સેગમેન્ટના EBITDA માર્જિનમાં ઘટાડો જોવા મળ્યો છે, જે 9.2% થી ઘટીને 7.9% થયો છે.

ઓઈલ એન્ડ ગેસ: આ સેગમેન્ટની આવક વાર્ષિક ધોરણે 6,440 કરોડથી ઘટીને 5,867 કરોડ રૂપિયા રહી છે. KG-D6 બેસિનમાંથી ગેસનો સપ્લાય પ્રાથમિક ક્ષેત્રોને સતત પૂરો પાડવામાં આવી રહ્યો છે.

મુકેશ અંબાણીનું શું કહેવું છે?

રિલાયન્સના ચેરમેન મુકેશ અંબાણીએ જણાવ્યું હતું કે, "વર્ષ 2026 માં ઘણી ભૌગોલિક-રાજકીય (Geopolitical) પડકારો અને ઉર્જાના ભાવમાં વધ-ઘટ જોવા મળી હતી. આમ છતાં રિલાયન્સે મજબૂત ગ્રોથ જાળવી રાખ્યો છે." તેમણે વધુમાં ઉમેર્યું કે Jio Platformsની લિસ્ટિંગ પ્રક્રિયા આગળ વધી રહી છે. FMCG બિઝનેસ ઝડપથી વિસ્તરી રહ્યો છે અને નવા બ્રાન્ડ્સ પોર્ટફોલિયોમાં ઉમેરાઈ રહ્યા છે. નવી એનર્જી ગીગા ફેક્ટરીનું કામ ખૂબ જ ઝડપથી ચાલી રહ્યું છે, જે ભવિષ્ય માટે મહત્વનું પાસું છે.

વૈશ્વિક અનિશ્ચિતતા અને સપ્લાય ચેઈનમાં અવરોધો હોવા છતાં, રિલાયન્સ ઇન્ડસ્ટ્રીઝે વાર્ષિક ધોરણે શાનદાર પ્રદર્શન કર્યું છે. રિટેલ અને FMCG સેક્ટરમાં કંપનીની સ્થિર વૃદ્ધિ અને ડિવિડન્ડની જાહેરાત લાંબા ગાળાના રોકાણકારો માટે હકારાત્મક સંકેત છે.

આ પણ વાંચો- Share Market Outlook: શેરબજારમાં સતત ત્રીજા દિવસે કડાકો, 27 એપ્રિલે કેવો રહેશે બજારનો મૂડ? જાણો નિફ્ટી-બેંક નિફ્ટીના લેવલ્સ

ડિસ્ક્લેમરઃ મનીકંટ્રોલ ડૉટ કૉમ નેટવર્ક 18 સમૂહનો હિસ્સો છે. મનીકંટ્રોલ ડૉટ કૉમ અને અન્ય ડિઝિટલ, પ્રિન્ટ અને ટીવી ચેનલ નેટવર્ક 18 ના અંતર્ગત આવે છે. નેટવર્ક 18 ના સ્વામિત્વ અને પ્રબંધન રિલાયન્સ ઈન્ડસ્ટ્રીઝના હાથમાં છે.

ડિસ્ક્લેમર: અહીં આપેલી માહિતી બ્રોકરેજ ફર્મના રિપોર્ટ પર આધારિત છે. શેરબજારમાં રોકાણ જોખમોને આધીન હોય છે. કોઈપણ રોકાણનો નિર્ણય લેતા પહેલા, કૃપા કરીને સર્ટિફાઇડ નિષ્ણાત અથવા તમારા નાણાકીય સલાહકારની મદદ લો. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.