Reliance Starlink Competition: ભારતમાં હવે સેટેલાઇટ ઇન્ટરનેટની દુનિયામાં મોટી ક્રાંતિ આવવાની તૈયારી છે. આ સેક્ટરમાં એન્ટ્રી કરવા માટે દુનિયાના સૌથી અમીર વ્યક્તિ ઈલોન મસ્કની કંપની સ્ટારલિંક (Starlink) ઘણા સમયથી પ્રયાસ કરી રહી છે. ત્યારે હવે ભારતના દિગ્ગજ ઉદ્યોગપતિ મુકેશ અંબાણીની કંપની રિલાયન્સ ઇન્ડસ્ટ્રીઝે (Reliance Industries) આ મામલે પોતાનું વલણ એકદમ સ્પષ્ટ કરી દીધું છે. રિલાયન્સે ઈલોન મસ્કને સીધો સંદેશ આપતા કહ્યું છે કે તેઓ સ્પર્ધા (Competition) થી જરાય ડરતા નથી.
‘અમે કોઈ હરિફાઈથી ડરતા નથી': ભારતમાં સ્ટારલિંકની એન્ટ્રી પર ઈલોન મસ્કને મુકેશ અંબાણીનો સીધો જવાબ
Mukesh Ambani Jio response: ભારતમાં સેટેલાઇટ ઇન્ટરનેટ શરૂ કરવાને લઈને જિયો અને સ્ટારલિંક વચ્ચે ટક્કર. મુકેશ અંબાણીની રિલાયન્સે ઈલોન મસ્કને કહ્યું કે અમે સ્પર્ધાથી ડરતા નથી, પણ કાયદાનું પાલન કરવું પડશે.
અપડેટેડ 11:54:14 AM Oct 16, 2026 પર
કંપનીએ જણાવ્યું કે વર્ષ 2016 માં જ્યારે જિયોએ ટેલિકોમ માર્કેટમાં એન્ટ્રી કરી ત્યારે તેમના ગ્રાહકોની સંખ્યા શૂન્ય (0) હતી. પરંતુ સસ્તો ડેટા અને શ્રેષ્ઠ સર્વિસ આપીને આજે માત્ર 10 વર્ષના ટૂંકા ગાળામાં જિયો પાસે 53 કરોડથી પણ વધુ ગ્રાહકો છે.
નવી કંપનીઓનું સ્વાગત છે, પણ નિયમો માનવા પડશે
રિલાયન્સે સોશિયલ મીડિયા પ્લેટફોર્મ X પર સત્તાવાર માહિતી આપતા જણાવ્યું છે કે, ભારતના સેટેલાઇટ કમ્યુનિકેશન માર્કેટમાં નવી કંપનીઓ આવે તેનું તેઓ ખુલ્લા દિલથી સ્વાગત કરે છે. રિલાયન્સને ક્યારેય હરિફાઈનો ડર લાગતો નથી. પરંતુ, કંપનીએ ભારપૂર્વક એક શરત મૂકી છે કે દેશમાં બિઝનેસ કરવા માંગતી કોઈપણ વિદેશી કે દેશી કંપનીએ ભારત સરકારના કાયદા અને સરકારી પ્રક્રિયાઓનું કડકપણે પાલન કરવું જ પડશે.
મુખ્ય મુદ્દાઓ પર એક નજર:-
સમાન નિયમો: ભારત સરકારે સ્પષ્ટ કર્યું છે કે દેશની કંપનીઓ હોય કે વિદેશી, તમામ માટે કાયદા અને નિયમો એકસમાન રહેશે.
જિયો પણ લાઇનમાં: રિલાયન્સે સ્પષ્ટ કર્યું કે તેમની પોતાની કંપની જિયો (Jio) ની સેટેલાઇટ સેવાઓ પણ હજુ સરકારની મંજૂરીની રાહ જોઈ રહી છે.
કાયદાનું શાસન: દેશમાં રોકાણ અને નવા ઇનોવેશન માટે મુક્ત વાતાવરણ જરૂરી છે, પરંતુ તે દેશના કાયદાના દાયરામાં રહીને જ થવું જોઈએ.
0થી 53 કરોડ ગ્રાહકો સુધીની સફર
રિલાયન્સે પોતાની તાકાત અને સ્પર્ધાત્મક અનુભવ વિશે વાત કરતા જૂના દિવસો યાદ કર્યા. કંપનીએ જણાવ્યું કે વર્ષ 2016 માં જ્યારે જિયોએ ટેલિકોમ માર્કેટમાં એન્ટ્રી કરી ત્યારે તેમના ગ્રાહકોની સંખ્યા શૂન્ય (0) હતી. પરંતુ સસ્તો ડેટા અને શ્રેષ્ઠ સર્વિસ આપીને આજે માત્ર 10 વર્ષના ટૂંકા ગાળામાં જિયો પાસે 53 કરોડથી પણ વધુ ગ્રાહકો છે. જિયોએ ભારતમાં ડિજિટલ ઇન્ફ્રાસ્ટ્રક્ચર ઊભું કરવામાં અને ઘરે-ઘરે ઇન્ટરનેટ પહોંચાડવામાં બહુ મોટો રોલ ભજવ્યો છે.
ગ્રાહકોને થશે સૌથી મોટો ફાયદો
રિલાયન્સનો સીધો મેસેજ એ જ છે કે સાચી સ્પર્ધા એ છે જેમાં ગ્રાહકને સૌથી ઓછી કિંમતે શ્રેષ્ઠ સર્વિસ મળે. આગામી સમયમાં જ્યારે ભારતમાં સેટેલાઇટ ઇન્ટરનેટની શરૂઆત થશે, ત્યારે જિયો અને સ્ટારલિંક જેવી મોટી કંપનીઓ વચ્ચે સીધી ટક્કર જોવા મળશે. આ સ્પર્ધા જેટલી વધશે, તેટલો જ સીધો ફાયદો ભારતના સામાન્ય ગ્રાહકોને થશે. બસ શરત એટલી છે કે મેદાનમાં રમનારા દરેક ખેલાડીએ ભારતના કાયદાઓનું પાલન કરવું પડશે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
