SBI QIP: ભારતની સૌથી મોટી સરકારી બેંક, સ્ટેટ બેંક ઓફ ઈન્ડિયાના 25,000 કરોડના શેર વેચાણ-QIPને રોકાણકારો તરફથી શાનદાર પ્રતિસાદ મળ્યો છે. આ શેર વેચાણમાં પ્રસ્તાવિત શેરની સરખામણીએ 4.5 ગણી વધુ બોલીઓ મળી છે. દેશી અને વિદેશી સંસ્થાઓએ આ શેર વેચાણમાં આક્રમક રીતે ભાગ લીધો હતો, જેમાં વિશ્વની ટોચની કંપનીઓ જેવી કે બ્લેકરોક ગ્રૂપ, મિલેનિયમ કેપિટલ પાર્ટનર્સ (અમેરિકા) અને લંડનનું હેજ ફંડ માર્શલ વેસનો પણ સમાવેશ થાય છે.
SBI QIP: 25,000 કરોડના QIPને મળ્યું 4.5 ગણું સબ્સ્ક્રિપ્શન, દેશ-વિદેશની મોટી કંપનીઓએ લગાવી બોલી
SBI QIP: SBIના આ QIPમાં 25,000 કરોડના શેરની સામે લગભગ 120 સંસ્થાઓએ 1.10 લાખ કરોડની બોલીઓ લગાવી છે. આ ભારતનું અત્યાર સુધીનું સૌથી મોટું QIP છે.
અપડેટેડ 11:15:36 AM Jul 18, 2025 પર
SBIના આ શેર વેચાણમાં દેશી અને વિદેશી સંસ્થાઓએ આક્રમક રીતે બોલી લગાવી છે.
દેશનો સૌથી મોટું QIP, રોકાણકારોમાં ઉત્સાહ
એક અહેવાલ મુજબ SBIના આ QIPમાં 25,000 કરોડના શેરની સામે લગભગ 120 સંસ્થાઓએ 1.10 લાખ કરોડની બોલીઓ લગાવી છે. આ ભારતનું અત્યાર સુધીનું સૌથી મોટું QIP છે. રોકાણકારોની આટલી મોટી રુચિનું કારણ SBIનું મજબૂત Capital Adequacy Ratio (CAR) અને બેંકની નજીકના ભવિષ્યમાં ઈક્વિટી એકત્ર કરવાની ઓછી સંભાવના છે. માર્ચ 2025ના અંત સુધી SBIનો Common Equity Tier-1 રેશિયો 10.81% હતો, જે નિયમનકારી ન્યૂનતમ આવશ્યકતા 8%થી ઘણો ઉપર છે, જ્યા તેનો એકંદર CAR 14.25% હતો. આ નવી મૂડી એકત્રીકરણથી SBIનો CET-1 રેશિયો લગભગ 60 બેસિસ પોઈન્ટ્સ વધશે.
દેશી-વિદેશી સંસ્થાઓની આક્રમક બોલી
બજારના સૂત્રોના જણાવ્યા અનુસાર, SBIના આ શેર વેચાણમાં દેશી અને વિદેશી સંસ્થાઓએ આક્રમક રીતે બોલી લગાવી છે. દેશની સૌથી મૂલ્યવાન સરકારી કંપની તરીકે ઓળખાતી SBIનું આટલા મોટા પાયે શેર વેચાણ એક દુર્લભ ઘટના છે. ઘરેલું સંસ્થાઓમાં લાઈફ ઈન્સ્યોરન્સ કોર્પોરેશન ઓફ ઈન્ડિયા, HDFC લાઈફ, ICICI પ્રૂડેન્શિયલ લાઈફ ઈન્સ્યોરન્સ, ક્વોન્ટ મ્યુચ્યુઅલ ફંડ, વ્હાઈટ ઓક કેપિટલ, HDFC મ્યુચ્યુઅલ ફંડ અને ICICI પ્રૂડેન્શિયલ મ્યુચ્યુઅલ ફંડે પણ આ શેર વેચાણમાં ભાગ લીધો છે.
શેરબજારમાં SBIના શેરમાં ઘટાડો
શુક્રવારે શેરબજારમાં નોંધપાત્ર ઘટાડો જોવા મળ્યો હતો. આ દરમિયાન, SBIના શેર BSE પર 4.10 (0.49%)ના ઘટાડા સાથે 824.50ના ભાવે ટ્રેડ થઈ રહ્યા હતા. BSEના ડેટા અનુસાર, SBIનું હાલનું માર્કેટ કેપ 7,35,165.58 કરોડ છે, જે તેને ભારતની સૌથી મોટી સરકારી કંપની બનાવે છે.
ડિસ્ક્લેમર: (આ ઑફર જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
