Gujarat Rain 2025: ગુજરાતમાં વરસાદના વિરામ બાદ આજે ક્યાં કરાઈ છે વરસાદની આગાહી?

Weather Forecast: ગુજરાતમાં ચોમાસાનું જોર ધીમું પડ્યું છે, અને હવામાન વિભાગે આજે શુક્રવાર, 18 જુલાઈ 2025 માટે હળવાથી મધ્યમ વરસાદની આગાહી કરી છે. ગુરુવારે માત્ર 6 તાલુકામાં નજીવો વરસાદ નોંધાયો હતો, જેમાં સૌથી વધુ પોણો ઈંચ જેટલો વરસાદ જોવા મળ્યો. આજે પણ રાજ્યના અમુક વિસ્તારોમાં વરસાદની શક્યતા છે, પરંતુ તેનું પ્રમાણ ઓછું રહેવાની ધારણા છે.

આજે ક્યાં પડી શકે છે વરસાદ?

હવામાન વિભાગના તાજેતરના અપડેટ મુજબ, આજે રાજ્યના કેટલાક જિલ્લાઓમાં 30-40 કિલોમીટર પ્રતિ કલાકની ઝડપે પવન સાથે હળવાથી મધ્યમ વરસાદની આગાહી છે. નીચેના વિસ્તારોમાં વરસાદની શક્યતા વ્યક્ત કરવામાં આવી છે.

ઉત્તર ગુજરાત: બનાસકાંઠા, પાટણ, મહેસાણા, સાબરકાંઠા, અરવલ્લીમાં ગાજવીજ સાથે હળવાથી મધ્યમ વરસાદ.

દક્ષિણ ગુજરાત: નર્મદા, ભરૂચ, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં હળવો વરસાદ.

સૌરાષ્ટ્ર અને કચ્છ: સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવમાં સામાન્ય વરસાદની શક્યતા.

વરસાદનું પ્રમાણ ઘટ્યું

ગુજરાત સ્ટેટ ઈમરજન્સી ઓપરેશન સેન્ટરના આંકડા મુજબ, ગુરુવારે રાજ્યના માત્ર 6 તાલુકામાં વરસાદ નોંધાયો, જેમાં વરસાદનું પ્રમાણ પોણો ઈંચથી પણ ઓછું હતું. આ દર્શાવે છે કે ચોમાસાનું જોર ધીમે ધીમે ઘટી રહ્યું છે.

હવામાન વિભાગની ચેતવણી

હવામાન વિભાગે રાજ્યના નાગરિકોને સાવચેત રહેવાની સલાહ આપી છે, ખાસ કરીને ઉત્તર અને મધ્ય ગુજરાતના વિસ્તારોમાં જ્યાં ગાજવીજની સંભાવના છે. માછીમારોને પણ દરિયો ન ખેડવાની સૂચના આપવામાં આવી છે, જેથી કોઈ અનિચ્છનીય ઘટના ટળે.

આ પણ વાંચો- TRF terrorist organization: અમેરિકાએ TRFને આતંકવાદી સંગઠન કર્યું જાહેર, ભારતની મોટી રાજદ્વારી જીત