અમેરિકાની બહાર પહેલીવાર ભારતમાં ખુલશે Starbucksની ટેક ઓફિસ, 800 લોકોને મળશે 35 લાખના પગારવાળી નોકરી

Starbucks tech hub Chennai : પ્રખ્યાત અમેરિકન કોફી કંપની સ્ટારબક્સ ભારતના આઈટી પ્રોફેશનલ્સ માટે એક શાનદાર ખુશખબર લઈને આવી છે. સ્ટારબક્સ હવે અમેરિકાની બહાર પહેલીવાર ભારતમાં પોતાનું કોર્પોરેટ ટેકનોલોજી હબ ખોલવા જઈ રહી છે. 21 સપ્ટેમ્બરના રોજ તામિલનાડુ સરકાર અને સ્ટારબક્સ વચ્ચે આ મેગા પ્રોજેક્ટ માટે એક મહત્વપૂર્ણ MOU સાઈન કરવામાં આવ્યા છે.

35 લાખના જંગી પગારવાળી 800 નોકરીઓ

આ નવું ટેક હબ શરૂ થવાથી ચેન્નઈમાં ટેકનોલોજી સેક્ટર સાથે જોડાયેલી અંદાજે 800 જેટલી નવી નોકરીઓ ઉભી થશે. સૌથી મોટી વાત એ છે કે, આ નોકરીઓ માટે સરેરાશ વાર્ષિક પગારલગભગ 35 લાખ હશે. જોકે, કંપની આ બધી ભરતી એકસાથે નહીં કરે, પરંતુ પોતાના બિઝનેસની જરૂરિયાત મુજબ તબક્કાવાર રીતે કર્મચારીઓની નિમણૂક કરશે.

ચેન્નઈ ટેક હબમાં શું કામ થશે?

સ્ટારબક્સે ચેન્નઈને જ કેમ પસંદ કર્યું?

સ્ટારબક્સના જણાવ્યા અનુસાર, ચેન્નઈને પસંદ કરવા પાછળ ઘણા મજબૂત કારણો છે. અહીં બેસ્ટ ટેકનોલોજી ટેલેન્ટ અને શાનદાર એન્જિનિયરિંગ ઈકોસિસ્ટમ છે.કર્મચારીઓ લાંબા સમય સુધી કંપનીમાં ટકી રહે છે.શહેરનું ઈન્ફ્રાસ્ટ્રક્ચર અને મોટી શૈક્ષણિક સંસ્થાઓ ખૂબ જ સારી છે.આ તમામ સુવિધાઓના આધારે કંપની ભારતમાં પોતાનો બેઝ મજબૂત કરવા અને ટેકનોલોજી ક્ષમતા વધારવા માંગે છે.

સરકારની આકર્ષક નીતિઓનો મોટો ફાયદો

તામિલનાડુ સરકાર એશિયામાં વિદેશી રોકાણ માટે પોતાને સૌથી બેસ્ટ ડેસ્ટિનેશન બનાવવા માંગે છે. ગ્લોબલ કેપેબિલિટી સેન્ટરને પ્રોત્સાહન આપવા માટે રાજ્ય સરકારે વર્ષ 2024-2027 માટે એક ખાસ યોજના બનાવી છે. આ યોજના હેઠળ ફોર્બ્સ ગ્લોબલ 2000 અથવા ફોર્ચ્યુન 1000 જેવી ટોચની કંપનીઓને સરકાર તરફથી પ્રોત્સાહન અપાય છે.

રાજ્ય સરકાર હાઈ સેલરીવાળી નોકરીઓ આપતી કંપનીઓને 3 વર્ષ સુધી મહત્વની પેરોલ સબસિડી પણ આપે છે.

પહેલા વર્ષે: 30% સબસિડી

બીજા વર્ષે: 20% સબસિડી

ત્રીજા વર્ષે: 10% સબસિડી

આ જ કારણ છે કે માત્ર આ સપ્ટેમ્બર મહિનામાં વોલગ્રીન્સ, સિગ્મા ટેકનોલોજી ગ્રુપ અને EY જેવી મોટી કંપનીઓએ પણ તામિલનાડુમાં કરોડો રૂપિયાના રોકાણની જાહેરાત કરી છે.

આ પણ વાંચો-એપલના કર્મચારીઓ પર લટકતી તલવાર, માત્ર 2 મહિનામાં ફરી છટણી, જાણો હવે કઈ ટીમનો આવ્યો વારો