Stocks To Buy: સિટી બ્રોકરેજના રિપોર્ટથી આ ઓટો શેર બન્યો રોકેટ! 6%નો મોટો ઉછાળો, શું તમારા પોર્ટફોલિયોમાં છે?

Tenneco Clean Air share price: અમેરિકન રાષ્ટ્રપતિ ડોનાલ્ડ ટ્રમ્પે ઈરાન સાથે ચાલી રહેલા યુદ્ધને આવતા 2 થી 3 અઠવાડિયામાં ખતમ કરવાના સંકેત આપ્યા છે. આ પોઝિટિવ સમાચારને કારણે ઘરેલુ શેર બજારમાં ચારેબાજુ તેજીનો માહોલ છે. ખરીદીના આ શાનદાર માહોલમાં ગ્લોબલ બ્રોકરેજ ફર્મ સિટી (Citi)ના એક રિપોર્ટે આગમાં ઘી હોમવાનું કામ કર્યું છે, જેના કારણે ઓટો કમ્પોનન્ટ્સ સપ્લાયર કંપની ‘ટેનેકો ક્લીન એર ઈન્ડિયા' (Tenneco Clean Air India)ના શેર રોકેટની જેમ ઉછળી ગયા છે.

ગ્લોબલ બ્રોકરેજ ફર્મ સિટીએ આ સ્ટોક માટે ‘ખરીદી' (Buy) ની રેટિંગ આપીને કવરેજ શરૂ કર્યું છે. બ્રોકરેજનું માનવું છે કે સરકારી નીતિઓનો સપોર્ટ મળવાથી આ શેરમાં ઉપર જવાની પૂરી સંભાવના છે.

શેરની હાલની સ્થિતિ અને ટાર્ગેટ પ્રાઇસ

સિટી બ્રોકરેજના આ પોઝિટિવ રિપોર્ટ પછી કેટલાક રોકાણકારોએ ફટાફટ નફો બુક કર્યો જેનાથી ભાવમાં થોડી નરમાશ આવી, પણ નીચલા સ્તરેથી ફરી ખરીદી નીકળતા શેર હજુ પણ મજબૂત સ્થિતિમાં છે.

ટાર્ગેટ પ્રાઇસ: બ્રોકરેજ ફર્મ સિટીએ આ શેર માટે 650 નો ટાર્ગેટ ભાવ નક્કી કર્યો છે. તમને જણાવી દઈએ કે આ શેરને કવર કરતા 5 એનાલિસ્ટ્સમાંથી 4 એનાલિસ્ટ્સે ‘Buy' રેટિંગ આપ્યું છે, જ્યારે માત્ર 1 એ ‘Sell' રેટિંગ આપ્યું છે.

બ્રોકરેજ ફર્મ આ શેર પર બુલિશ કેમ છે?

ટેનેકો ગ્રુપની આ કંપની મુખ્યત્વે બે સેગમેન્ટમાં કામ કરે છે: ક્લીન એર અને પાવર ટ્રેન સોલ્યુશન્સ (CAPT) તેમજ એડવાન્સ્ડ રાઈડ ટેક્નોલોજીસ (ART). સિટી બ્રોકરેજ નીચેના કારણોસર આ શેર પર પોઝિટિવ છે:

પેસેન્જર અને કોમર્શિયલ વાહન સેગમેન્ટમાં કંપનીના પ્રીમિયમ પ્રોડક્ટ્સની માંગ સતત વધી રહી છે. દેશમાં પ્રદૂષણ (એમિશન) ઘટાડવાના કડક નિયમો લાગુ થવાથી કંપનીને ફાયદો થશે. કંપનીને સતત નવા ઓર્ડર મળી રહ્યા છે અને ટેનેકોના ગ્લોબલ પ્લાન્ટ્સના ઓર્ડર હવે ભારત તરફ શિફ્ટ થઈ રહ્યા છે.

રોકાણકારોએ કયા જોખમો (Risks) ધ્યાનમાં રાખવા?

બ્રોકરેજ ફર્મે રોકાણકારોને કેટલાક જોખમો પ્રત્યે પણ સાવચેત કર્યા છે. કંપનીનું ICE (ઈન્ટર્નલ કમ્બશન એન્જિન) પાવરટ્રેન પર વધુ પડતું નિર્ભર હોવું. કાચા માલના ભાવમાં થતા મોટા ઉતાર-ચઢાવ. CAFE, BS-7 અને TREM-V જેવા ઉત્સર્જન સંબંધિત નવા નિયમો લાગુ થવામાં જો કોઈ વિલંબ થાય તો તેની અસર પડી શકે છે.

કેવી રહી છે અત્યાર સુધી શેરની ચાલ?

ટેનેકો ક્લીન એર ઈન્ડિયાના શેરે બહુ ઓછા સમયમાં રોકાણકારોને તગડી કમાણી કરાવી છે. આ કંપનીનો 3600 કરોડનો IPO આવ્યો હતો, જેમાં રોકાણકારોને 397 ના ભાવે શેર મળ્યા હતા. IPOને જબરદસ્ત પ્રતિસાદ મળ્યો હતો અને તે 61.79 ગણો ભરાયો હતો. આ શેરનું લિસ્ટિંગ 19 નવેમ્બર 2025 ના રોજ થયું હતું. લિસ્ટિંગ પછી 18 ડિસેમ્બર 2025 ના રોજ શેર ઘટીને 437.85 પર આવી ગયો હતો, જે તેનો રેકોર્ડ લો (સૌથી નીચો) ભાવ છે. જોકે, આ નીચલા સ્તરેથી માત્ર બે જ મહિનામાં શેરમાં 37.59% નો જબરદસ્ત ઉછાળો આવ્યો અને 26 ફેબ્રુઆરી 2026 ના રોજ તે 602.45 ની રેકોર્ડ હાઈ સપાટીએ પહોંચી ગયો હતો.

આ પણ વાંચો- New Income Tax Rules: 1 એપ્રિલથી દેશમાં નવો ટેક્સ નિયમ લાગુ: PAN કાર્ડ, ITR અને ક્રેડિટ કાર્ડના નિયમો બદલાયા, જાણો બધી જ વિગતો

ડિસ્ક્લેમર: અહીં આપેલી માહિતી સ્ટોક પર્ફોમન્સ પર આધારિત છે. એ નોંધવું અગત્યનું છે કે બજારમાં રોકાણ બજારના જોખમોને આધીન છે. રોકાણકાર તરીકે, પૈસાનું રોકાણ કરતા પહેલા હંમેશા નિષ્ણાતની સલાહ લો. મનીકંટ્રોલ ક્યારેય કોઈને અહીં પૈસા રોકવાની સલાહ આપતું નથી.