શું મોબાઈલ, લેપટોપ અને સ્માર્ટ ટીવી સસ્તા થશે? સરકારે ઈલેક્ટ્રોનિક્સ પાર્ટ્સ પરથી કસ્ટમ ડ્યુટી હટાવી લીધી, જાણો સંપૂર્ણ વિગત

શું તમે નવો સ્માર્ટફોન, લેપટોપ કે સ્માર્ટ ટીવી ખરીદવાનું વિચારી રહ્યા છો? તો તમારા માટે એક સારા અને રાહત આપનારા સમાચાર છે. કેન્દ્ર સરકારે દેશમાં ઈલેક્ટ્રોનિક્સ મેન્યુફેક્ચરિંગને વેગ આપવા માટે એક મોટો અને ઐતિહાસિક નિર્ણય લીધો છે. સરકારે કેટલાક ખાસ અને જરૂરી ઈલેક્ટ્રોનિક્સ પાર્ટ્સ પર લાગતી બેસિક કસ્ટમ ડ્યુટી સંપૂર્ણપણે માફ કરી દીધી છે.

કયા સામાન પરથી ટેક્સ હટાવાયો?

ભારતને ઈલેક્ટ્રોનિક્સ ઉત્પાદનનું ગ્લોબલ હબ બનાવવા માટે કેન્દ્ર સરકારે ડિસ્પ્લે એસેમ્બલી, લિથિયમ-આયન સેલ અને ઈન્ડક્ટર કોઇલ મોડ્યુલના નિર્માણમાં વપરાતા સામાન પરની ડ્યુટી હટાવી દીધી છે. તમને જણાવી દઈએ કે, આ એવા મહત્વના સ્પેરપાર્ટ્સ છે જેનો ઉપયોગ સ્માર્ટફોન, લેપટોપ, સ્માર્ટ ટીવી અને સ્માર્ટવોચ જેવા રોજિંદા ગેજેટ્સ બનાવવામાં સૌથી વધુ થાય છે.

નાણા મંત્રાલયે જારી કરી નોટિફિકેશન

પાઉડર ડ્રાયર અને ઓટોમેટિક ફીડિંગ સિસ્ટમ

કેથોડ અને એનોડ કોટિંગ મશીન

હાઈ વેક્યુમ પંપ અને સ્લરી ટ્રાન્સફર સિસ્ટમ

વાઈન્ડિંગ, કટિંગ, વેલ્ડિંગ અને ટેસ્ટિંગ મશીન

ઓટો પેકિંગ અને સ્ટેકિંગ મશીન

આ ઉપરાંત, ડિસ્પ્લે અને ઈન્ડક્ટર કોઇલ બનાવવા માટે જરૂરી કાચા માલ પર પણ હવે કોઈ ડ્યુટી નહીં લાગે.

Finance Ministry exempts customs duty on goods used in manufacturing lithium-ion cells, inductor coil modules and display assemblies Read @ANI Story |https://t.co/JOXt8QiX4N#Financeministry #Customduty #Lithiumioncells #Inductorcoil pic.twitter.com/jiG4MXO5cP

— ANI Digital (@ani_digital) July 9, 2026

માર્ચ 2029 સુધી મળશે આ મોટો લાભ

સરકારનો આ નવો નિયમ ટેક કંપનીઓ માટે એક મોટી ભેટ સમાન છે. નાણા મંત્રાલયની નોટિફિકેશન મુજબ, કસ્ટમ ડ્યુટીમાં આપવામાં આવેલી આ મોટી છૂટ 31 માર્ચ, 2029 સુધી અમલમાં રહેશે. એટલે કે આગામી કેટલાક વર્ષો સુધી કંપનીઓને ભારતમાં જ પોતાના ડિવાઈસ બનાવવા માટે ટેક્સમાં મોટી રાહત મળતી રહેશે.

વિદેશી નિર્ભરતા ઘટશે અને 'મેક ઈન ઈન્ડિયા' ને મળશે બૂસ્ટ

સરકારના આ પગલાથી પ્રોડક્શન લિંક્ડ ઈન્સેન્ટિવ (PLI) સ્કીમને જોરદાર બૂસ્ટ મળશે. અત્યાર સુધી ભારત ટેક ઈન્ડસ્ટ્રીના પાર્ટ્સ માટે ચીન અને અન્ય દેશોની આયાત પર નિર્ભર હતું, પરંતુ આ છૂટથી વિદેશી નિર્ભરતામાં મોટો ઘટાડો આવશે. સ્થાનિક સ્તરે ઉત્પાદન વધવાથી દેશનું પોતાનું ઈલેક્ટ્રોનિક્સ ઈકોસિસ્ટમ મજબૂત અને આત્મનિર્ભર બનશે. તેનાથી દેશમાં નવી ફેક્ટરીઓ સ્થપાશે અને વિદેશી રોકાણ પણ આકર્ષિત થશે.

શું મોબાઈલ અને લેપટોપ ખરેખર સસ્તા થશે?

સામાન્ય ગ્રાહકોના મનમાં સૌથી મોટો સવાલ એ જ હોય છે કે શું હવે તેમને સસ્તા ગેજેટ્સ મળશે? નિષ્ણાતોના મતે, સરકારના આ નિર્ણયથી ઈલેક્ટ્રોનિક્સ કંપનીઓની ઉત્પાદન પડતર ઘટશે. જ્યારે કંપનીઓને જરૂરી મશીનો અને સ્પેરપાર્ટ્સ સસ્તા મળશે, ત્યારે તેનો સીધો ફાયદો ગ્રાહકોને કિંમતમાં ઘટાડા સ્વરૂપે મળી શકે છે. જોકે, બજારમાં કિંમતો તરત જ ઘટશે કે કેમ તે સંપૂર્ણપણે કંપનીઓની નીતિ અને માર્કેટની હરીફાઈ પર નિર્ભર રહેશે, પરંતુ લાંબા ગાળે મોબાઈલ, લેપટોપ અને સ્માર્ટ ટીવીના ભાવમાં ચોક્કસપણે ઘટાડો જોવા મળી શકે છે.

આ પણ વાંચો-Gold Price Today: સોનામાં તેજી પરત ફરી, દિલ્હીમાં 22 કેરેટનો ભાવ 1,32,560 પર પહોંચ્યો, ચેક કરો તમારા શહેરના લેટેસ્ટ રેટ