Gold Price Today: સોનામાં તેજી પરત ફરી, દિલ્હીમાં 22 કેરેટનો ભાવ 1,32,560 પર પહોંચ્યો, ચેક કરો તમારા શહેરના લેટેસ્ટ રેટ

Gold Price Today: ભારતીય બજારોમાં સોનાની કિંમતોમાં ફરી એકવાર જોરદાર તેજી જોવા મળી રહી છે. વૈશ્વિક બજારમાં સોનાના ભાવ વધતા તેની સીધી અસર સ્થાનિક બજાર પર પડી છે. આજે 10 જુલાઈની સવારે મોટાભાગના શહેરોમાં 22 કેરેટ અને 24 કેરેટ સોનાના ભાવમાં ઉછાળો જોવા મળ્યો છે. જોકે, બીજી તરફ ચાંદીના ભાવમાં હજુ પણ ઘટાડો ચાલુ છે. નોંધનીય છે કે, એક દિવસ પહેલા જ દિલ્હીના ઝવેરી બજારમાં સોનાની કિંમતમાં 350 રૂપિયાનો ઘટાડો નોંધાયો હતો, જે આજે ફરી રિકવર થઈ ગયો છે.

આંતરરાષ્ટ્રીય માર્કેટમાં સોના-ચાંદીની સ્થિતિ

સોના અને ચાંદીની કિંમતો પર સ્થાનિક અને વૈશ્વિક બંને પરિબળોની મોટી અસર પડે છે. આંતરરાષ્ટ્રીય માર્કેટમાં હાજર સોનું (સ્પોટ ગોલ્ડ) ઉછળીને 4,104.75 ડોલર પ્રતિ ઔંસ પર પહોંચી ગયું છે. જેના લીધે દેશમાં પણ ભાવ વધ્યા છે. જ્યારે આંતરરાષ્ટ્રીય બજારમાં સ્પોટ સિલ્વર (હાજર ચાંદી) ની કિંમત 58.96 ડોલર પ્રતિ ઔંસ પર છે.

દેશના મુખ્ય શહેરોમાં આજના સોનાના લેટેસ્ટ ભાવ

રાજધાની દિલ્હીમાં 24 કેરેટ સોનાનો ભાવ વધીને 1,44,600 રૂપિયા થઈ ગયો છે. જ્યારે 22 કેરેટ સોનાનો ભાવ 1,32,560 રૂપિયા પ્રતિ 10 ગ્રામ પર પહોંચી ગયો છે.

અમદાવાદ

ગુજરાતના અમદાવાદમાં આજે 22 કેરેટ ગોલ્ડની કિંમત 1,32,460 રૂપિયા અને 24 કેરેટનો ભાવ 1,44,500 રૂપિયા ચાલી રહ્યો છે.

મુંબઈ અને કોલકાતા

આ બંને મોટા મહાનગરોમાં 22 કેરેટ સોનાની કિંમત 1,32,410 રૂપિયા અને 24 કેરેટનો ભાવ 1,44,450 રૂપિયા નોંધાયો છે.

ચેન્નઈ

ચેન્નઈમાં આજે 22 કેરેટ સોનાનો ભાવ 1,33,210 રૂપિયા અને 24 કેરેટનો ભાવ 1,45,320 રૂપિયા પ્રતિ 10 ગ્રામ ચાલી રહ્યો છે.

પુણે અને બેંગલુરુ

અહીં 22 કેરેટ સોનું 1,32,410 રૂપિયા અને 24 કેરેટ સોનું 1,44,450 રૂપિયામાં મળી રહ્યું છે.

ચાંદીના ભાવમાં ઘટાડો યથાવત

સોનાથી વિપરીત, સ્થાનિક બજારમાં ચાંદીની કિંમતોમાં નરમાઈ જોવા મળી રહી છે. આજે 10 જુલાઈની સવારે ચાંદીનો ભાવ 2,34,900 રૂપિયા પ્રતિ કિલોગ્રામ પર ટ્રેડ કરી રહ્યો છે.

આ પણ વાંચો-માર્કેટ ક્રેશથી ગભરાઈને SIP બંધ કરનારાઓ માટે મોટી ચેતવણી! ઇતિહાસ સાક્ષી છે કે કડાકા વચ્ચે જ આવે છે બજારના સૌથી 'સારા દિવસો'