સોનાના ભાવમાં મોટો ઉછાળો: મિડલ ઈસ્ટમાં યુદ્ધના કારણે ગોલ્ડ રેટ આસમાને, 4 દિવસમાં 3%નો વધારો

Gold Rate Today: મિડલ ઈસ્ટમાં વધી રહેલા યુદ્ધ અને તણાવની સીધી અસર હવે કોમોડિટી અને બુલિયન માર્કેટ (સોના-ચાંદીના બજાર) પર સ્પષ્ટ જોવા મળી રહી છે. ગ્લોબલ એનર્જી માર્કેટમાં મચેલી હલચલ વચ્ચે રોકાણકારો સુરક્ષિત રોકાણ (Safe Assets) તરફ વળ્યા છે, જેના કારણે સોનાની માંગમાં અચાનક મોટો ઉછાળો આવ્યો છે. સળંગ પાંચમા દિવસે સોનું મજબૂત સ્થિતિમાં દેખાઈ રહ્યું છે.

યુદ્ધની અસર અને સોનાના ભાવ

છેલ્લા 4 સેશનમાં જ સોનાના ભાવમાં 3% થી વધુનો વધારો નોંધાયો છે. સોનાનો ભાવ 0.8% વધીને 5,360 ડોલર પ્રતિ ઔંસના સ્તરે પહોંચી ગયો છે. ઈરાન, અમેરિકા અને ઈઝરાયેલ વચ્ચેની આ લડાઈએ આખા મિડલ ઈસ્ટને પ્રભાવિત કર્યું છે.

આ દરમિયાન યુએસ પ્રેસિડેન્ટ ડોનાલ્ડ ટ્રમ્પે નિવેદન આપ્યું છે કે જ્યાં સુધી જરૂર પડશે ત્યાં સુધી અમેરિકા પોતાના લશ્કરી હુમલાઓ ચાલુ રાખશે. બીજી તરફ, ઈઝરાયેલે ઈરાનના કમાન્ડ સેન્ટર્સને નિશાન બનાવીને હુમલાઓ તેજ કર્યા છે. સામે પક્ષે ઈરાને (તેહરાન) ઓઇલ અને ગેસ ઈન્ફ્રાસ્ટ્રક્ચર પર હુમલો કરી સ્ટ્રેટ ઓફ હોર્મુઝમાં શિપિંગ રોકવાની ધમકી આપી છે.

એનર્જીના ભાવ વધતા અમેરિકામાં મોંઘવારી વધવાનો ડર સતાવી રહ્યો છે. આ સ્થિતિમાં યુએસ ટ્રેઝરીમાં ઘટાડો જોવા મળ્યો છે. હવે એવી પૂરી સંભાવના છે કે ફેડરલ રિઝર્વ લાંબા સમય સુધી વ્યાજ દરો (Interest Rate) માં કોઈ જ ફેરફાર નહીં કરે. જોકે, ટ્રેડર્સ હવે સપ્ટેમ્બર મહિના સુધીમાં રેટ કટની આશા રાખી રહ્યા છે.

ઈન્સ્ટિટ્યૂટ ફોર સપ્લાય મેનેજમેન્ટના એક રિપોર્ટ મુજબ, અમેરિકામાં ફેબ્રુઆરીમાં મેન્યુફેક્ચરિંગ ઈનપુટની કિંમતો 2022 પછી સૌથી વધુ ઝડપે વધી છે. જેપી મોર્ગન ચેઝના સીઈઓ (CEO) જેમી ડિમને પણ ચેતવણી આપી છે કે આ વધતી મોંઘવારી અમેરિકન ઈકોનોમી માટે 'વિલન' સાબિત થઈ શકે છે.

સોનામાં રોકાણકારોનો ભરોસો વધ્યો

આ વર્ષની વાત કરીએ તો સોનામાં અત્યાર સુધીમાં લગભગ 0.25% ની તેજી આવી ચૂકી છે. જિયોપોલિટિકલ ટેન્શન, ટ્રેડ વોરની ચિંતાઓ અને ફેડની આઝાદીને લગતી બાબતોએ સોનાની ડિમાન્ડને સપોર્ટ આપ્યો છે. બોન્ડ અને કરન્સીમાંથી પૈસા કાઢીને લોકો સોનામાં મોટા પાયે રોકાણ કરી રહ્યા છે (જેને ડિબેસમેન્ટ ટ્રેડ કહેવાય છે). અગાઉ જાન્યુઆરીના અંતમાં ગોલ્ડ 5,595 ડોલર પ્રતિ ઔંસના રેકોર્ડ હાઈ પર પહોંચી ગયું હતું.

આજના હાજર બજારના ભાવ (સ્પોટ રેટ) પર એક નજર:

સોનું (Gold): સિંગાપોરમાં સવારે 8:50 વાગ્યા સુધીમાં સ્પોટ ગોલ્ડ 0.6% વધીને 5,354.32 ડોલર પ્રતિ ઔંસ પર ટ્રેડ થઈ રહ્યું હતું.

ચાંદી (Silver): સોમવારે 4.7% ના ઘટાડા સાથે બંધ થયેલી ચાંદીમાં જોરદાર રિકવરી આવી છે. ચાંદી 1.9% વધીને 91.11 ડોલર પર પહોંચી ગઈ છે.

અન્ય ધાતુઓ: સોના-ચાંદી ઉપરાંત પ્લેટિનમ અને પેલેડિયમના ભાવમાં પણ વધારો જોવા મળ્યો છે.

કરન્સી માર્કેટ: યુએસ કરન્સીનો ગેજ ગણાતો ‘બ્લૂમબર્ગ ડોલર સ્પોટ ઈન્ડેક્સ' છેલ્લા સેશનમાં 0.7% વધ્યા પછી અત્યારે ફ્લેટ (સ્થિર) જોવા મળી રહ્યો છે.

ટૂંકમાં કહીએ તો, દુનિયાભરમાં ચાલી રહેલી રાજકીય અસ્થિરતા વચ્ચે સોનું ફરી એકવાર રોકાણકારો માટે સૌથી ભરોસાપાત્ર અને સેફ વિકલ્પ બનીને ઉભરી રહ્યું છે.

આ પણ વાંચો - ઈન્ડોનેશિયામાં સૌથી મોટો ઓર્ડર રદ થવાના અહેવાલો પર ટાટા મોટર્સે આપી સ્પષ્ટતા, જાણો કંપનીએ શું કહ્યું?