કોમોડિટી લાઇવ: ક્રૂડ ઓઈલમાં સતત ત્રીજા દિવસે દબાણ, સોના-ચાંદીમાં નીચલા સ્તરેથી સુધારો

શરૂઆતી કારોબારમાં ડૉલર સામે રૂપિયો 6 પૈસા મજબૂત થઈ 88.27 પ્રતિ ડૉલરની સામે 88.21 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે. અહી વ્યાજ દર પર US ફેડના નિર્ણય પહેલા ડૉલર ઇન્ડેક્સમાં દબાણ જોવા મળ્યું છે.

કાચા તેલમાં સતત ત્રીજા દિવસે નરમાશ, આશરે 2 ટકા ઘટી 65 ડૉલરની નીચે આવ્યું બ્રેન્ટ, રશિયા પર અમેરિકાના પ્રતિબંધોના કારણે ગ્લોબલ સપ્લાઈને લઈ અનિશ્ચિતતા વધી.

સોનામાં કારોબારની વાત કરીએ તો કિંમતોમાં નીચલા સ્તરેથી સુધારો આવ્યો. COMEX પર ભાવ 3969 ડૉલરના સ્તરે પહોંચ્યા. US ફેડ આજે વ્યાજ દર પર નિર્ણય લેશે.

ચાંદીમાં કારોબારની વાત કરીએ તો સ્થાનિક અને વૈશ્વિક બન્ને બજારોમાં કિંમતોમાં રિકવરી. વૈશ્વિક બજારમાં ભાવ ફરી 47 ડૉલર પાસે પહોંચ્યા. છેલ્લા 1 સપ્તાહમાં કિંમતો આશરે 2 ટકા જેટલી ઘટી હતી.

કોપરમાં કારોબારની વાત કરીએ તો LME પર કિંમતો નવા રેકોર્ડ સ્તરની પાસે પહોંચી. મે 2024માં LME પર કોપરના ભાવ $11,104/t હતા. હાલ LME પર કોપર $11,029/tના ભાવ પર મળી રહ્યું છે.

એગ્રી કૉમોડિટી પર નજર કરીએ તો, શુગર પર ફોકસ છે ફ્યૂચર્સમાં ભાવ ડિસેમ્બર 2020 બાદના નીચલા સ્તરે પહોંચ્યા. ગ્લોબલ સપ્લાઈ સુધરતા 2025માં કિંમતો આશરે 25% ઘટી.