કોમોડિટી લાઇવ: ક્રૂડમાં તેજી, બ્રેન્ટ $70ને પાર, સેફ હેવન બાઈંગથી સોના-ચાંદીમાં ઉછાળો

શરૂઆતી કારોબારમાં ડૉલર સામે રૂપિયો 20 પૈસા નબળો થઈ 85.80 પ્રતિ ડૉલરની સામે 86 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળી રહ્યો છે.

ટ્રેડની અનિશ્ચિતતા યથાવત્ રહેતા સોનાની ચમક પણ યથાવત્, COMEX પર ભાવ 3350 ડૉલરને પાર સ્થિર, સ્થાનિક બજારમાં નબળા રૂપિયાના કારણે સપોર્ટ મળતા ભાવ 98,089ના સ્તરની પાસે પહોંચતા દેખાયા.

ચાંદીમાં કારોબાર

ભારતમાં ભાવ ઓલ ટાઈમ હાઈ પર પહોંચ્યા. MCX પર કિંમતો 1 લાખ 14 હજારને પાર પહોંચી. COMEX પર ચાંદીમાં સપ્ટેમ્બર 2011 બાદથી સૌથી ઉપલા સ્તરે છે. COMEX પર ભાવ 38 ડૉલરને પાર પહોંચ્યા.

ચાંદીમાં તેજીના કારણો

ટ્રેડ વોરની ચિંતા વધવા સામે ડિમાન્ડની સ્થિતી સુધરી છે. કેનેડા અને બ્રાઝિલ પર USના ટેરિફથી સેફ હેવન ડિમાન્ડ વધી. સતત પાંચમાં વર્ષે ચાંદીની અછતથી આઉટલૂક બુલિશ છે. અછત સામે ડિમાન્ડ વધારો થયો.

US દ્વારા કોપર ઇમ્પોર્ટ પર 50%ના ટેરિફની જાહેરાત બાદ કોપરની કિંમતોમાં ઉછાળો યથાવત્ છે, અહીં USમાં કિંમતો રેકોર્ડ સ્તરની નજીક રહી, જ્યારે સ્થાનિક બજારમાં શરૂઆતી કારોબારમાં મેટલ્સ તરફથી મિશ્ર સંકેતો મળ્યા, અહીં એલ્યુમિનિયમમાં દબાણ જોવા મળ્યું હતું.

ક્રૂડ ઓઈલમાં તેજી સાથેનો કારોબાર યથાવત્ છે, અહીં બ્રેન્ટમાં 70 ડૉલરની ઉપર અને NYMEXમાં 68 ડૉલરની ઉપર કારોબાર જોવા મળ્યો, વાસ્તવમાં રશિયા પર નવા US પ્રતિબંધોની અટકળોના કારણે કિંમતોને સપોર્ટ મળી રહ્યો છે. ઉલ્લેખનિય છે કે ગત સપ્તાહે શુક્રવારે કિંમતો આશરે 2 ટકા જેટલી વધી હતી. આ સાથે જ રશિયા પર EU તરફથી પણ પ્રતિબંધોની જાહેરાત થાય તેવી આશંકાએ કિંમતોમાં મજબૂતી જળવાતી દેખાઈ રહી છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે અઢી ટકાથી વધુ વધીને 293ના સ્તરની પાસે પહોંચતી દેખાઈ હતી.