કોમોડિટી લાઇવ: સોના-ચાંદીને મળ્યો સેફ હેવન બાઈંગનો સપોર્ટ, OPEC+ની બેઠક પહેલા ક્રૂડમાં તેજી

શરૂઆતી કારોબારમાં ડૉલર સામે રૂપિયો 6 પૈસા નબળો થઈ 85.52 પ્રતિ ડૉલરની સામે 85.58 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળ્યો. અહીં ડૉલર ઇન્ડેક્સ 96ના સ્તરની ઉપર આવતા રૂપિયા પર દબાણ જોવા મળી રહ્યું છે.

વૈશ્વિક બજારમાં સોનામાં ખરીદદારી આગળ વધતા COMEX પર ભાવ 3339 ડૉલરના સ્તરની પાસે પહોંચતા દેખાયા, તો સ્થાનિક બજારમાં નાની રેન્જમાં કારોબાર રહ્યો, અહીં ભાવ 97,164ના સ્તરની પાસે રહેતા દેખાયા. ઉલ્લેખનિય છે કે, ડૉનાલ્ડ ટ્રમ્પનું big, beautiful bill પાસ થતા સોનાને સેફ હેવન બાઈંગનો સપોર્ટ મળી રહ્યો છે. જોકે ડૉલર ઇન્ડેક્સમાં મામુલી રિકવરીથી અપ-સાઈડ લિમીટેડ લાગી રહી છે.

શરૂઆતી કારોબારમાં સ્થાનિક બજારમાં એલ્યુમિનિયમ સહિત તમામ મેટલ્સમાં મજબૂતી જોવા મળી, જોકે વૈશ્વિક બજારમાં LME અને શંઘાઈ પર ઓછી ઇન્વેન્ટરીના કારણે ઝિંકના ભાવ 3 મહિનાના ઉપલા સ્તરેથી ઘટ્યા, જોકે ઓછી સપ્લાઈની ચિંતાએ કોપરમાં 3 મહિનાના ઉપલા સ્તરની પાસે કારોબાર જોવા મળી રહ્યો છે.

ઝિંકના ભાવ 3 મહિનાના ઉપલા સ્તરેથી ઘટ્યા. LME અને શંઘાઈ પર ઓછી ઇન્વેન્ટરીના કારણે ભાવ ઘટ્યા. નાયર્સ્ટારની ખાણમાંથી ઓછા ઉત્પાદનના અંદાજે ઝિંકમાં દબાણ રહેશે. કોપરની કિંમતો 3 મહિનાના ઉપલા સ્તરે રહી. ઓછી સપ્લાઈ અને ડૉલર ઇન્ડેક્સમાં વેચવાલીનો સપોર્ટ મળશે. આ વર્ષે અત્યાર સુધીમાં LME કોપરની ઇન્વેન્ટરીમાં 80% ઘટાડો થયો છે. ચાઈના તરફથી રાહત પેકેજની આશાએ કોપરમાં તેજી છે.

ક્રૂડ ઓઈલમાં તેજી આગળ વધતા બ્રેન્ટના ભાવ 67 ડૉલરની ઉપર પહોંચતા દેખાયા, જ્યારે NYMEX ક્રૂડમાં 65 ડૉલરને પાર કારોબાર જોવા મળી રહ્યો છે. પણ સ્થાનિક બજારમાં કિંમતોમાં મામુલી નરમાશ જોવા મળી હતી. 6 જુલાઈએ OPEC+ની બેઠકમાં ઉત્પાદન વધારવાનો નિર્ણય લેવામાં આવી શકે તેવા અનુમાને કિંમતોમાં વોલેટાલિટી દેખાઈ રહી છે.

6 જુલાઈએ OPEC+ની બેઠક પહેલા કિંમતોમાં તેજી છે. OPEC+ ઉત્પાદનમાં 411,000 બેરલનો વધારો કરશે. ઈરાન-ઈઝરાયલ યુદ્ધવિરામ સાથે ભૌગોલિક તણાવ ઓછો થયો. 9 જુલાઈની ટેરિફ ડેડલાઇન અંગે અનિશ્ચિતતા રહેશે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે 1 ટકા જેટલી વધીને 293ના સ્તરની પાસે પહોંચતી દેખાઈ હતી.

શુગરમાં કારોબાર

કિંમતો ઘટીને વર્ષ 2021ના નીચલા સ્તરની પાસે પહોંચી. ICE ખાતે ખરીદદારોનો રસ નબળો થયો. બ્રાઝિલમાં વધુ ઉત્પાદન સામે માગમાં ઘટાડો થયો. એશિયામાં પુષ્કળ ચોમાસાને કારણે ભારત, થાઇલેન્ડમાં ઉત્પાદન વધશે.

એગ્રી કૉમોડિટીમાં કારોબાર

વર્ષ દર વર્ષના આધાર પર USમાં કૉટનનું ઉત્પાદન 6% વધ્યું. વર્ષ દર વર્ષના આધાર પર ભારતમાં વાવણી 88% વધી. સૌથી મોટો ખરીદદાર ચીન બજારમાંથી ગેરહાજર છે. કૉટનના ભાવ મે 2020ના નીચલા સ્તરની પાસે છે.