કોમોડિટી લાઇવ: સોના-ચાંદીમાં નીચલા સ્તરેથી રિકવરી, ક્રૂડમાં 2 દિવસના ઘટાડા બાદ રિકવરી

શરૂઆતી કારોબારમાં ડૉલર સામે રૂપિયો 1 પૈસા મજબૂત થઈ 88.79 પ્રતિ ડૉલરની સામે 88.78 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની આસપાસ કારોબાર જોવા મળી રહ્યો છે.

સોનામાં ગઈકાલે ઉપલા સ્તરેથી વેચવાલી જોવા મળી હતી, જોકે આજે ફરી રિકવરી આવતા COMEX પર ભાવ 3859 ડૉલરની ઉપર પહોંચ્યા, જ્યારે સ્થાનિક બજારમાં 1 લાખ 16 હજારને પાર કારોબાર જોવા મળ્યો હતો. ઉલ્લેખનિય છે કે, ચાઈનીઝ રોકાણકારો દ્વારા એક્સપોઝર ઓછું થતા સોનામાં ઘટાડો જોવા મળ્યો હતો. જોકે ડૉલર ઇન્ડેક્સમાં દબાણની અસર પણ કિંમતો પર દેખાઈ હતી.

ચાંદીમાં પણ મજબૂતી સાથેનો કારોબાર રહેતા અહીં વૈશ્વિક બજારમાં ભાવ 46 ડૉલરની ઉપર પહોંચ્યા, તો સ્થાનિક બજારમાં આશરે સવા એક ટકા જેટલી તેજી સાથે 1 લાખ 43 હજારને પાર કારોબાર જોવા મળ્યો હતો.

બેઝ મેટલ્સ તરફથી નાની રેન્જમાં કારોબાર રહ્યો, જ્યાં શરૂઆતી કારોબારમાં સ્થાનિક બજારમાં કિંમતો રેન્જમાં રહી, પણ વૈશ્વિક બજારમાં ડૉલરમાં વેચવાલીની પોઝિટીવ અસર કિંમતો પર જોવા મળી હતી.

2 દિવસના ઘટાડા બાદ ક્રૂડમાં સ્થિરતા આવતા બ્રેન્ટના ભાવ 66 ડૉલરની ઉપર આવ્યા, તો NYMEX ક્રૂડમાં 62 ડૉલરની ઉપર કારોબાર જોવા મળ્યો હતો. અહીં USમાં ગત સપ્તાહે ઇન્વેન્ટરી 3.7 મિલિયન બેરલથી ઘટી હોવાથી કિંમતોને સપોર્ટ મળ્યો હતો.

શરૂઆતી કારોબારમાં સ્થાનિક બજારમાં નેચરલ ગેસની કિંમતો મામુલી તેજી સાથે 296ના સ્તરને પાર પહોંચતી જોવા મળી હતી.

એગ્રી કૉમોડિટી પર ફોકસ, મસાલા પેકમાં જોવા મળી વેચવાલી, પણ ગુવાર પેકમાં તેજી સાથેનો કારોબાર, જોકે કપાસિયા ખોળમાં અડધા ટકા જેટલી નરમાશ, પણ એરંડામાં તેજી જોવા મળી.