કોમોડિટી લાઇવ: સેફ હેવન બાઈંગના સ્પોર્ટથી સોના-ચાંદીમાં તેજી, ક્રૂડમાં સતત ચોથા દિવસે દબાણ

શરૂઆતી કારોબારમાં ડૉલર સામે રૂપિયો 4 પૈસા મજબૂત થઈને 87.27 પ્રતિ ડૉલરની સામે 87.23 પ્રતિ ડૉલર પર ખૂલ્યો હતો. જોકે ત્યાર બાદ રૂપિયામાંના સ્તરની આસપાસ કારોબાર જોવા મળી રહ્યો છે.

સેફ હેવન બાઈંગનો સપોર્ટ મળતા comex પર સોનાની કિંમતો ફરી 2900 ડૉલરની ઉપર પહોંચતી દેખાઈ, જ્યારે સ્થાનિક બજારમાં 85,900ની ઉપર કારોબાર સ્થિર છે. અહીં 2025માં હાલ સુધી કિંમતો આશરે 11 ટકા વધતી દેખાઈ, તો 24 ફેબ્રુઆરીએ વૈશ્વિક બજારમાં સોનાનો ભાવ 2956 ડૉલર સુધીના રેકોર્ડ સ્તર સુધી પહોંચ્યો હતો.

સ્થાનિક બજારમાં બેઝ મેટલ્સની શરૂઆત પોઝિટીવિટી સાથે થઈ હતી, જ્યાં કોપર સહિત તમામ મેટલ્સમાં મજબૂતી રહી હતી, ચાઈના તરફથી મજબૂત આર્થિક આંકડા અને મેન્યુફેક્ચરિંગ PMI ડેટાના કારણે વૈશ્વિક બજારમાં પણ કિંમતોને સપોર્ટ મળી રહ્યો છે.

ગઈકાલનો ક્રૂડનો ઘટાડો આગળ વધતા આજે બ્રેન્ટના ભાવ 71 ડૉલરની પણ નીચે પહોંચતા દેખાયા, તો NYMEX ક્રૂડમાં 68 ડૉલરની નીચે કિંમતો પહોંચી હતી..અહીં OPEC+ એપ્રિલથી ઓઈલ આઉટપુટ 138 kbpdથી વધારશે, સાથે જ કેનેડાની એનર્જી પર US 10% સરચાર્જ લગાવશે, આ સાથે જ USમાં ક્રૂડનો સ્ટોક ઘટ્યો હોવાથી પણ કિંમતો પર અસર દેખાઈ રહી છે.

શરૂઆતી કારોબારમાં સ્થાનિક બજારમાં નેચરલ ગેસના ભાવ આશરે 3 ટકા જેટલા ઘટી 375ના સ્તરની પાસે પહોંચતા દેખાયા હતા.

એગ્રી કૉમોડિટી પર નજર કરીએ તો, US કૉટન ફ્યૂચર્સના ભાવ જૂન 2020ના નીચલા સ્તરની પાસે પહોંચ્યા. 2 એપ્રિલથી US ઇમ્પોર્ટેડ એગ્રી પ્રોડક્ટ પર ટેરિફ લગાવશે. ચીન US કોટનનો મોટો આયાતકાર છે. ચીનએ અમેરિકાથી આયાત થતા કૉટન ર 15% ટેરિફ લાગૂ કર્યા. ચીન બ્રાઝિક અને ઓસ્ટ્રેલિયા પાસેથી કૉટનની આયાત કરશે. બ્રાઝિલ અને પાકિસ્તાન વચ્ચે ઉત્પાદન વધારવા સમજૂતી કરાર થયા.

મલેશિયાનો પામતેલ સ્ટોક 3 વર્ષના તળિયે પહોંચવાનો અંદાજ, તો યુરોપીયન દેશોમાં નવી સીઝનમાં બમ્પર તેલિબિયાનું ઉત્પાદન સંભવ છે.