કોમોડિટી લાઇવ: સોના-ચાંદીમાં નવા રેકોર્ડ સ્તરે કારોબાર, ક્રૂડ ઓઈલમાં ફ્લેટ કારોબાર

શરૂઆતી કારોબારમાં ડૉલર સામે રૂપિયો 2 પૈસા મજબૂત થઈ 88.77 પ્રતિ ડૉલરની સામે 88.75 પ્રતિ ડૉલર પર ખૂલ્યો, જોકે ત્યાર બાદના સ્તરની પાસે કારોબાર જોવા મળી રહ્યો છે.

સોનાની તેજી આગળ વધતા COMEX પર ભાવ 4014ના સ્તરની પાસે પહોંચ્યા, જ્યારે સ્થાનિક બજારમાં આશરે અડધા ટકાથી વધુની તેજી સાથે 1 લાખ 22 હજારને પાર કારોબાર જોવા મળ્યો હતો. વૈશ્વિક અનિશ્ચિતતાના કારણે અહીં કિંમતોને સપોર્ટ મળી રહ્યો છે.

આંતરરાષ્ટ્રીય બજારોમાં નોંધપાત્ર ઉછાળો. COMEXના ભાવ $4,000 ને વટાવી ગયા. BofAએ કહ્યુ Q4માં ભાવ ઘટવાની શક્યતા છે. જેફરીઝે પોર્ટફોલિયોમાં 25% સોનું આવશ્યક છે.

ચાંદીમાં પણ ખરીદદારી આગળ વધતા અહીં વૈશ્વિક બજારમાં કિંમતો આશરે 1 ટકા વધીને 48 ડૉલરને પાર પહોંચતી જોવા મળી, જ્યારે સ્થાનિક બજારમાં પણ એક ટકા જેટલી તેજી સાથે 1 લાખ 47 હજારને પાર કારોબાર જોવા મળ્યો હતો. અહીં આ વર્ષે હાલ સુધી આશરે 60 ટકાથી વધુની તેજી જોવા મળી ચુકી છે.

બેઝ મેટલ્સમાં મિશ્ર કારોબાર રહ્યો, જ્યાં શરૂઆતી કારોબારમાં સ્થાનિક બજારમાં કોપર સિવાય તમામ મેટલ્સમાં સુસ્ત કારોબાર થતો દેખાયો. જોકે વૈશ્વિક બજારમાં મોટાભાગની મેટલ્સની કિંમતોમાં મજબૂતી જોવા મળી હતી.

ક્રૂડ ઓઈલમાં ફ્લેટ કારોબાર જોવા મળ્યો, અહીં નવેમ્બરમાં OPEC+ તરફથી અનુમાન કરતા ઓછા આઉટપુટ વધારાની અસર રહેતા બ્રેન્ટમાં 65 ડૉલરની પાસે કારોબાર નોંધાયો, તો NYMEX ક્રૂડમાં 62 ડૉલરની ઉપર કિંમતો પહોંચતી દેખાઈ, જ્યારે સ્થાનિક બજારમાં પણ આશરે અડધા ટકાથી વધુની ખરીદદારી સાથે 5533ના સ્તરની પાસે કારોબાર જોવા મળ્યો હતો.

ક્રૂડ ઓઈલમાં કારોબારની વાત કરીએ તો બ્રેન્ટના ભાવ 65 ડૉલરની પાસે સ્થિર રહ્યા. USમાં ઇન્વેન્ટરી 2.78 મિલિયન બેરલથી વધી. NYMEX ક્રૂડમાં પણ 62 ડૉલરની પાસે નોંધાયો કારોબાર. ડિમાન્ડ ગ્રોથમાં નરમાશના સંકેતો બનતા કિંમતો પર અસર પડી.

શરૂઆતી કારોબારમાં સ્થાનિક બજારમાં નેચરલ ગેસની કિંમતો આશરે 1 ટકાથી વધુ વધીને 311ના સ્તરની પાસે પહોંચતી દેખાઈ હતી.

એગ્રી કૉમોડિટી પર નજર કરીએ તો, કૉટન વાવણીમાં ઘટાડો આવ્યો. દેશમાં કૉટનની વાવણીમાં ઘટાડો આવ્યો. પાછલા વર્ષની સામે વાવણી 3 ટકા ઘટી. 3 ઓક્ટોબર સુધી 110 લાખ હેક્ટરમાં વાવણી થઈ.