Dollar Vs Rupee: ડોલર સામે રૂપિયો 3 પૈસા તૂટીને 94.92 પર બંધ, જાણો શેરબજાર અને ક્રૂડ ઓઈલની શું અસર થઈ

Dollar Vs Rupee: સોમવારે અમેરિકી ડોલર સામે ભારતીય રૂપિયામાં ઘટાડો જોવા મળ્યો હતો. રૂપિયો પોતાની શરૂઆતી મજબૂતી જાળવી ન શક્યો અને અંતે 3 પૈસાના ઘટાડા સાથે 94.92 ના સ્તરે બંધ થયો. નોંધનીય છે કે, છેલ્લા 6 ટ્રેડિંગ સેશનથી રૂપિયામાં સતત તેજી જોવા મળી રહી હતી, પરંતુ શેરબજારના કડાકા અને અન્ય પરિબળોને કારણે આ તેજી પર બ્રેક લાગી ગઈ છે.

રૂપિયામાં કેમ આવ્યો ઘટાડો?

રૂપિયા પર દબાણ વધવાના મુખ્ય ત્રણ કારણો સામે આવ્યા છે:

1) ઘરેલુ શેરબજારમાં આવેલો મોટો કડાકો.

3) વિદેશી સંસ્થાકીય રોકાણકારો દ્વારા સતત માર્કેટમાંથી ફંડ પાછું ખેંચાવું.

કેવો રહ્યો રૂપિયાનો કારોબાર?

ઇન્ટરબેંક ફોરેક્સ માર્કેટના આંકડા મુજબ, અમેરિકી ડોલર સામે રૂપિયો 94.90 ના સ્તરે ખુલ્યો હતો. દિવસના કારોબાર દરમિયાન રૂપિયાએ 94.75ની હાઈ અને 94.97ની લો સપાટી બનાવી હતી. અંતે તે અગાઉના 94.89ના બંધ ભાવ કરતા 3 પૈસા ઘટીને 94.92 પર સેટલ થયો હતો. યાદ રહે કે, ગત શુક્રવારે રિઝર્વ બેંક ઓફ ઈન્ડિયાના હસ્તક્ષેપ બાદ રૂપિયો 10 પૈસા મજબૂત થયો હતો.

RBIના પગલાં અને વિદેશી હૂંડિયામણની સ્થિતિ

16 ઓક્ટોબરે પૂરા થયેલા સપ્તાહમાં RBI એ ડોલરની ડિમાન્ડ કંટ્રોલ કરવા જે પગલાં લીધા તેનાથી રૂપિયામાં લગભગ 2 ટકાનો સુધારો જોવા મળ્યો હતો. જોકે, આ માટે RBI એ મોટી કિંમત ચૂકવવી પડી છે. શુક્રવારે જાહેર થયેલા ડેટા મુજબ, 9 ઓક્ટોબરે પૂરા થતા સપ્તાહમાં ભારતનું વિદેશી હૂંડિયામણ 8.578 અબજ ડોલર ઘટીને 7.26 અબજ ડોલર રહી ગયું છે. સપ્ટેમ્બરની શરૂઆતથી અત્યાર સુધીમાં રિઝર્વમાં કુલ 60 અબજ ડોલરનો ઘટાડો નોંધાયો છે.

શેરબજાર અને ગ્લોબલ માર્કેટની સ્થિતિ

શેરબજાર: ઘરેલુ બજારમાં સેન્સેક્સ 876.37 પોઈન્ટ તૂટીને 73,852.90 પર અને નિફ્ટી 257.20 પોઈન્ટ ગગડીને 22,888.95 પર બંધ રહ્યો હતો. જોકે શુક્રવારે FII એ 1,165.92 કરોડ રૂપિયાની ખરીદી કરી હતી.

ગ્લોબલ માર્કેટ: ડોલર ઇન્ડેક્સ 0.09 ટકા વધીને 101.93 પર ટ્રેડ કરી રહ્યો છે. જ્યારે ગ્લોબલ ઓઈલ બેન્ચમાર્ક બ્રેન્ટ ક્રૂડ 1.17 ટકા ઘટીને 108.58 ડોલર પ્રતિ બેરલ પર છે.

આગળ કેવી રહેશે રૂપિયાની ચાલ?

ગૌરવ ગર્ગ (રિસર્ચ હેડ, લેમન): "RBI ના પગલાં શોર્ટ-ટર્મમાં ચલણને કંટ્રોલ કરી શકે છે. પરંતુ રૂપિયામાં કાયમી મજબૂતી ત્યારે જ આવશે જ્યારે ક્રૂડ ઓઈલ સસ્તું થશે, વિદેશી રોકાણકારોની વેચવાલી અટકશે અને ગ્લોબલ ફંડામેન્ટલ્સ સુધરશે."

અનુજ ચૌધરી (રિસર્ચ એનાલિસ્ટ, મિરે એસેટ શેરખાન): "અમેરિકી ટ્રેઝરી યીલ્ડમાં નરમાઈને કારણે રૂપિયામાં પોઝિટિવ વલણ દેખાઈ શકે છે. પરંતુ મોંઘુ ક્રૂડ અને FII ની વેચવાલી રૂપિયાની તેજીને મર્યાદિત કરી શકે છે."

દિલીપ પરમાર (રિસર્ચ એનાલિસ્ટ, HDFC સિક્યોરિટીઝ): "મંગળવારે બજારમાં રજા હોવાથી સ્થાનિક શેરોમાં પ્રોફિટ બુકિંગ જોવા મળ્યું. ટેકનિકલ રીતે જોઈએ તો રૂપિયા માટે 94.70 ના સ્તરે સપોર્ટ છે અને 95.50 ના સ્તરે રેઝિસ્ટન્સ (અવરોધ) છે."

રાજીવ શરણ (હેડ ઓફ રિસર્ચ, બ્રિકવર્ક રેટિંગ્સ): "રૂપિયાએ 97 ના લેવલથી અત્યાર સુધી સારી રિકવરી કરી છે. પરંતુ રિઝર્વ બેંક બજારમાં કાયમ માટે 'આર્ટિફિશિયલ ફ્લોર' એટલે કે કૃત્રિમ ટેકો ઊભો કરી શકે નહીં. હવે માર્કેટના ફંડામેન્ટલ્સે જ સ્થિતિ સંભાળવી પડશે."

ટૂંકાગાળામાં RBIનો સપોર્ટ રૂપિયાને મોટી પડતીથી બચાવી રહ્યો છે, પરંતુ લોંગ ટર્મમાં રૂપિયો કેટલો મજબૂત રહેશે તેનો આધાર સંપૂર્ણપણે આંતરરાષ્ટ્રીય ક્રૂડ ઓઈલના ભાવ અને વિદેશી રોકાણકારોના વલણ પર નિર્ભર રહેશે.

આ પણ વાંચો - EPFO New Rule: જો તમારો પગાર 25,000 રૂપિયા છે તો તરત કરો આ કામ! EPFના નવા નિયમથી થશે ડબલ ફાયદો